Read Sie Efesus 2 Bible Online

Efesus 2 - Sie bible

Efesus 2

¹Im ra nimpugon mori pol sugkū kimi kūmūte ōvun nemás ugi satindi ĭm netevarū sat enugkimi,

²yemumpi nomūrep irami, popōwo etūwi kūmavan sugkū netevarū ra nemap, ĭm sugkū natemonok ūneĭ mori umnumpi ūr ūnōwanda ōvun narekindi;

³ĭm kos omwisū kos kim lete etūwī sugkū sū irora ugi nakiugi nagkaū ūnōwant, ĭm ugi numpi sugkū ōvun nilasivien sat ra nokolisirant, ĭm ōvun tarūsū sat, ĭm kos kim lete ugi netevarū ra nemap ōvun narekisat ugi naraki irant sugkū ōveteme omwisū:

⁴—kō Nōbū, yemosen nelĭntugi tamas, popōwo ugi nelĭntugi nūsian mori yemelĭntugkos ugi,

⁵pol sugkū kos kim lete ōvun nemas ugi ōvun nareki enugkos, yemumpi noinūrep irant ūndū Krĭstō (dūmūvīēves kĭmi ugi nelintugi itemas paū isen),

⁶kos kim levsorasah ugi iyi, mo mumpi kos woretesep dal iyi unpokop ra Iesū Krĭstō:

⁷memagkū ra ōvun nimpugon ampelum iyi anūatumpene itemas paū nusian isen ra nelintugi pugkos ugi Iesū Krĭsto:

⁸popōwo yemumkūmevōwara ugi Itemas paū isen ugi tavniri;

⁹ĭm tawi ugi kĭmi: kō ĭtemas paū eni Nōbū: tawi ugi numpi enugkĭmi, ma tawi sī anūwi narigi isen ugi.

¹⁰It pe kos ōvun numpūrak isen, yemumpi kos ra Iesū Krĭstō ugi nuinpūrak aremi, mori Nōbū yepmokū kos kelenumpi ĭndowi.

¹¹Popōwo pe wentemi, ma etūwĭ kimi, ōvun lō pelah sī ugi nelebokevat ra nokolisirami, mori ūmnatovninekūm ovragi mori dūtūvī namon iranda ugi irora mori dūmūvī namon iranda, ra nokolisiranda ugi nokovenda ōveteme;

¹²ma kĭmi ra nimpugon mori ōvun lō pelah sī marugi Krĭsto, kūmūtūte ra mumpon lō Isrēel, kūmūte ōvun domo marugi neyevewos nam ra nam alam, kūmūtū tevetūwi neyevewos aremī kĭmi ĭm tawi Nōbū enugkimi, kō kūmūte ōvun nampelet wokon ra nemap.

¹³Kō ugi Iesū Krĭsto kĭmi mori kūmūte isūt etūwi kūmante botipot marima ra de eni Krĭstō.

¹⁴It iyi ninparata enugkos, yemumpi kos sīteven, ĭm tavtiti silebok mori ileboteven irant,

¹⁵yivīpelah ra nokolisiran nakan mori yemete, mori nam alam ra selnivi nam ra nuīwaki isenda lō Yūdia; memagkū iyi ampi neteme endūrū menumpi irora sīteven ĭtevaū, ĭm sugkū menumpi ninparata;

¹⁶mōmīetora dūrū sū sīteven pugi Nōbū ugi nē ūmparum, popōwo yemtalugi nakan mori ugi imo mori:

¹⁷ĭm iyi yivelum memtorenūwi nam navosavos ninparata pugkūm kūmūte isūt ĭm punora dūmūte botipot:

¹⁸popōwo ugi iyi umentipelah nisekont omwisū worintorĭmpe ugi Naviat sīteven pugi Itement.

¹⁹Im popōwo pe kĭmi tawi ōvun domo mōmū ĭm lō pelah, kō kĭmi ravendame ōveteme aremī,

²⁰ĭm ovunyan eni Nōbū, dūmatipotni kĭmi nimo ra natipotni nimo enirora ōvun apostol mōvun profet, iyi pe Iesū Krĭsto oti nevat nampūntan nimo;

²¹ra iyi ōvun nimo omwisū ūmnumpi sīteven mumpalugi, umnalam sī nimo tumpora sīteven ra Novsuromon:

²²ĭm ra iyi umnumpi kĭmi sugkū sīteven nimsin nimo woretindowi iran Nōbū ra Naviat.