Read Sie Efesus 4 Bible Online

Efesus 4 - Sie bible

Efesus 4

¹Ya umnesenugkūm, yaū mori neteme isen Novsūromon dūmūti yaū, memagkū ūtĭndowi aremī kĭmi sugkū dūmūvrugkūm ugi,

²ra nemolsep ĭm neteteven omwisū ĭm togesoveli, ĭm ninparata tarū ves ra nelintugi pugkum kĭmi;

³mūmatekisah worefinte kĭmi ra tarū ves sīteven mōmūte sīteven ugi ninparata ra Naviat.

⁴Nokolisiran sītevengo ĭm Naviat sīteven; sugkū dūmūvrugkūm ra ratevetūwi sīteven ugi novrugkūm mori;

⁵Novsuromon sīteven, tavniri sīteven, baptisma sīteven, Nōbū sīteven,

⁶Itemenda ōveteme omwisū, mori horog iranda siame sū omwisū, umnumpūrak iranda omwisū, miyi umante dal kĭmi omwisū.

⁷Kō dūmūvugkos omwisū itemas paū sugkū sū nelintugi eni Krĭstō.

⁸Popōwo iyi yemokū, Pol sugkū yemsah ĭmelūo, yemtorora oveteme mori dūmeitora, Memovunora ōveteme itemas paū.

⁹Im sugkū, Iyi yemsah ūnpōkūp popōwo yovūm yep ra mumpon nemap nopōū pe nokowo.

¹⁰Iyi mori yemyep iyi pe sīteven yemsah ĭmelūo isūt tamas iranda ūpokop omwisū, memagkū ūvwarugi tiame sū ugi iyi.

¹¹Im yemetipe nugkon ōveteme woreti ōvun apostol; ĭm nugkon woreti ōvun profet; ĭm nugkon woresūlives nam; ĭm nugkon woreti ōvun lĭvsaū nefinte ĭm ōvun tavsogi;

¹²memagkū worumpi aremī ĭndowi ōveteme aremi, woretorugat ra nam,

¹³ugi nefinte ves nokolisiran eni Kristo: mafeli nimpugon mori kos kel ante sīteven ugi tavniri, ĭm nelekon ugi Netni eni Nōbū, momenalam sugkū neteme talam ugi safi horog mōmūvwarugi ra Krĭsto:

¹⁴ma kos kel letū ante mōmū ovunyan, umĭntorora ōvun nemetagi omwisū, ugi numpi isenda ōveteme, ugi nimpiri, ĭm ōvun numpi nagkaū ĭm namli;

¹⁵kō aremī kos kel anūwi nam itnesog ra nelintugi, ĭm lĭnalam ra siame sū pugi; mori Krĭstō, numpūnt;

¹⁶ugi iyi ōvun sie ra nimo omwisū umnumpalug sīteven ugi nesitū sī ĭm sī, sugkū ugi numpi isenda sĭtevengo omwisū, umnumpi worenug nokolisiran ĭm horogesah ugi nelĭntuigi ūnōwant nisekont.

¹⁷Im ya magkū ya anūwi mōmesūlives pugkum ra Novsūromon memagkū ūtūavan mōmū kĭmi sugkū lō pelah, ra nelevokevat ūnōwanda,

¹⁸ĭt irora nelevokevat ugi numgi enirora, umante ōvun domo marugi siame eni Nōbū popōwo ugi numgi umante iranda, popōwo ugi nugkugko ūnōwanda;

¹⁹ĭm popōwo irora nugkugko ĭm ūr wokon ūmnūri nilasivien sat, worumpi nililūo tamas ugi nakiugi indowi.

²⁰Kō dūtūtavsogkūm ugi Krĭstō sugkū imo;

²¹nagkū kūmūrĭgi iyi ĭm dūmūtavsogkūm ugi iyi, sugkū ugi nam ĭtnesog iran Iesū:

²²ma kwaūwi kĭmi, numpi enugkimi etūwi mori netevarū ūnōwan nugkugko, mori umnumpi ūr wokon ugi nilasivien nimpiri;

²³mōĭmtorileki kĭmi ra Naviat umnumpūrak ūnōwami,

²⁴mōmūvakūm ugi neteme ĭtevaū, mori umnumpi ra safi eni Nōbū ugi tanepoves ĭm tumporaves ĭm tavnirives ĭtnesog.

²⁵Popōwo pe, ūtafugi Indowi namli enugkimi kĭmi, ĭm ūnūwi nam ĭtnesog kĭmigo pugkūm omwisū: popōwo ĭt kos pe kos sīteven.

²⁶Im nagkū kwonarakara popōwo ugi nesorū ugi siame nagkaū, kō ūtū umpi nugkugko ugi:

²⁷tawi aremī ma nipminen oyep pol sugkū umante narakara enugkimi: ĭm ūtūrĭgi sētan kĭmi.

²⁸Iyi mori yemumprok otū onumprok nempugon sī mōmū ĭndowi: kō mōmū aremī iyi ontorugat mōmumpūrak ugi nokoven siame aremī, ma ante mōmū sie isen worevunora ōvun norumkora, ūtō amne marugi nugūmi sī nam sat,

²⁹kō imo nam mori umnumpi aremī neteme, momumpi nemolsep ĭm aremī nowanda mori ūmandegi.

³⁰Im ūtū umpi nesorū ra Naviat Tumpora eni Nōbū, ra iyi mori dūmūtampolekūm mafeli nempugon mori yemumkūmēyōwara.

³¹Uwi ĭndowi kĭmi nakan omwisū ĭm narakara omwisū, ĭm tevivat nalokoi omwisū, ĭm sebet nam omwisū, ĭm tavūntan omwisū, ĭm ōvun narakara ūr omwisū:

³²ĭm ūtĭndowi ugi nelĭntugi pugkum kĭmi, ĭm melokolok ūnōwami, ūtū umpi nampon ra sat irami kō ūfielĭntugkūm kĭmi, sugkū Nōbū yemefielĭntugkūm ra Krĭstō.