Read Sie Filipi 1 Bible Online

Filipi 1 - Sie bible

Filipi 1

¹Kam, Pol ĭm Tĭmoti, ōvun lĭvsaū eni Iesū Krĭstō, punora ōveteme aremī omwisū ra Iesū Krĭstō umante ra Filipi, dal ōvun bĭshop mōvun dikon:

²Itemas paū pugkum ĭm ninparata marugi Nōbū Itement ĭm Iesū Krĭstō Novsuromon.

³Yakum umpalug iran Nōbū sorug ugi ōvun nentemi omwisū enyau ugi kĭmi,

⁴ra ōvun nesenug omwisū enyau dan sū nisekomi kĭmi omwisū ĭm ya umnumpi nesenug enyaū ugi navos,

⁵popōwo ugi nesitū enugkimi worumpi naloves nam navosavos marugi dan mampūm mori mafeli marima;

⁶ĭm ya um tavniri ugi tavniri ĭtnesog ugi imo pe siame, memagkū, iyi mori yematipotni numpūrah aremī irami ĭtnesog iyi onumpi ĭndowi afeli dan eni Iesū Krĭstō:

⁷ĭm sugkū ĭt oti aremī irag woretarū sugkū ūnōwag nisekomi omwisū, popōwo ya okevi kimi ūnōwag, popōwo pe, ra nugkugko irag popōwo ugi worēĭt im ugi natekisah enyaū woresūlives ĭm woretipe ūnam nam navosavos, kĭmi omwisū kūm avrimugi ĭtemas paū dal yaū.

⁸Popōwo Nōbū numpūvsok irag, magkū ugi nakīugi horog sorūg nisekomi omwisū sugkū ugi nelĭntugi paū eni Iesū Krĭsto.

⁹Im yakum nufwaki memagkū ugi imo, ma nelintugi enugkimi antintandamsah mōmūgo ĭndowi ra nelekon ĭm noĭntanwi;

¹⁰ma kĭmi kwagkili siame mori aremī tamas; ma kwante itnesog ūnōwami kĭmi mūtū umpi sī nesorū mafeli dan eni Krĭstō;

¹¹mūmūvwarugi nōvwan tanepoves, mori ugi Iesū Krĭstō, tovuni nilasilaswi ĭm narĭgi eni Nōbū.

¹²Im yakum nakiugi, ravūgsīme, memagkū kwagkili ma siame mori dūmūtepū irag umnumpi worenug nam navosavos mōmūgo;

¹³popōwo pe dūmūkili ra ōvun nare ūvrami omwisū, ĭm ra nuru sū omwisū memagkū dūmēĭti yaū popōwo ugi Krĭstō;

¹⁴ĭm ma sikat ra irora raveteme ra Novsuromon umatekisah mōmūgo woretorenūwi nam eni Nōbū tawi ugi nemetet, popōwo ugi worēĭt irag.

¹⁵Nugkon ra irora ūmentorenūwi Krĭsto ugi narakara ĭm nesesaū; ĭm nugkon ugi nōwanda aremī:

¹⁶nugkon mori ūmnumpi ugi nelĭntugi, popōwo irora ūmagkili ma dūmūtipe yaū ma ya onatekisah ra nam aremī:

¹⁷kō nugkon mori ūmentorenūwi Krĭstō ugi nesesaū, ĭm tawi ĭtnesog, memagkū irora wonumpi mōmūgo nesorū irag ugi nugkugko ra worēĭt irag.

¹⁸Mamsugi? imo wokon ma ra ōvun numpi ugi, nagkū ugi nimpiri kū ugi ĭtnesog, ūmentorenūwi Krĭstō; ĭm popōwo pe ya um navos, mĭtnesog ya onavos.

¹⁹Popōwo ya magkili ĭmo ante nimsin nesitū irag, ugi nesenĭgi enugkimi numpūrak eni Naviat eni Iesū Krĭstō,

²⁰sugkū ugi nakiugi horog ĭm ratevetūwi enyaū, ma ya otū ampi narumprum ra sie sī kō ma ugi natekisah horog, sugkū dan sū, sugkū marima sugkū Krĭstō ampi nilasilaswi ra nokolisirag, ugi nomūrcp, kū ugi nemás.

²¹Popōwo nisekūg woramūrep oti Krĭstō, ĭm woreti nemas aremi nisekūg.

²²Kō nagkū woramūrep ra nokolisirag,—nagkū imo oti novwan numpūrak enyau nagkū sugkū ya otū magkili sie yakum nakiugi.

²³Sī tarū endūrū enyaū, yakum nakīugi woreve worete dal Krĭstō; popōwo imo mōmū tamas aremī ĭndowi:

²⁴kō woretĭndowi ra nokolisirag mōmū aremi nisekomi.

²⁵Im popōwo ugi imo tavniri ūnōwag, ya magkili ma ya ante aremī, ya ante dal kĭmi omwisū, ma kĭmi kwontavnirĭgi ugi ĭtnesog mōmaloves ra nam;

²⁶ma antintandamsah nilasilaswi enugkĭmi ugi Iesū Krĭstō ra yaū pol sugkū ya antemante dal kĭmi.

²⁷Kō aremī netevarū enugkĭmi ante aremī sugkū ra mumpon nam navosavos eni Krĭstō: ma nagkū ya ampelum magkosekūm kū ya ante ra nūrū sī, ya andegi nokowo kūm mante kĭmi, ma kĭmi kūmantūr ūnam ra naviat sīteven ĭm nowami sīteven ĭm ugi natekisah horog ugi tavniri ra nam navosavos;

²⁸mūtūemtetokonda ovun novsin nakan, popōwo imo safi isekonda nimsin tavtiti irora ugi, kō saū nesekomi nimsin nēyōwar a isekomi kĭmi, ĭm imo ĭtnesog umamne ra Nōbū;

²⁹popōwo umentinĭmpe pugkum ugi Krĭstō, tawi woretavniri wokon iran, kō worevi nesorū ĭm nesesaū popōwo ugi nin eni:

³⁰umante irami marima navokat sugkū kūmokesi irag, ĭm marima kūmūrĭgi umante irag.