Read Sie Filipi 2 Bible Online

Filipi 2 - Sie bible

Filipi 2

¹Nagkū Krĭstō umnumpi nemolsep, nagkū kūm navos ugi nelintugi ūnōwami, nagkū nowami sīteven ra Naviat, nagkū kūm atnemora ōveteme momumpi nelintugi nisekonda, kūm umpi ūvwarugi navos enyaū,

²ūte kĭmi ran tarū sīteven, ūte kĭmi ugi nelĭnugi sīteven, ĭm ugi nowami sīteven, ĭm ugi tarū sīteven;

³ūtū umpi natekisah ra nugkugko kū worevī narigi eni neteme, kō ugi nemolsep ūnōwami ĭm magkū ōveteme mōmū aremi iram;

⁴tawi sī kū sī irami ontarū ugi siame isen iyi wokon, kō iyi ontarū sugkū ugi siame enirora ōveteme.

⁵Uvi imo tarū ūnōwami sugkū mori yemete ra Iesū Krĭstō:

⁶ĭt iyi sugkū Nōbū, yetokū neforugi woreti horeg sīteven sugkū Nōbū,

⁷kō yetokū ugi iyi, yivi iran sugkū lĭvsaū wokon, yemete sugkū safi neteme;

⁸yete ra numpi iran nokolisiran sugkū neteme, yemumpi iyi nemolsep sugkū sī virok, yivi nemolsep iran tamas pugi nemás, ĭtnesog, nemás ra nēūmparum.

⁹Popōwo pe Nōbū yetipe sah iyi, yemovugi nin mori tantevakepe ra ōvun nin omwisū;

¹⁰ma ra nin eni Iesū wosumpūneterenda ōveteme omwisū ūnpokop mūnemap,

¹¹ĭm ra netnin nemap, ĭm ma wanūwi iyi ōveteme omwisū memagkū Iesū Kristo oti narisah ugi nilasilaswi eni Nōbū Itemen.

¹²Popōwo pe ravūgsĭeme paū enyaū, sugkū mori kūmalekoleki ĭndowi mori, tawi wokon pol sugkū yaū dal kĭmi, kō marima mōmūgo pol sugkū yakum mante isūt, ūsorugi siame nēyōwara nisekomi ugi nemtitugi ĭm nevekūrakūra;

¹³popōwo it Nōbū umnumpūrak ūnōwami worumpi ĭm woretarūgi popōwo ugi ĭtemas paū eni iyi pe iyi.

¹⁴Wumpi siame sū aremi ĭm tawi ugi tavuntan ĭm naūor;

¹⁵ma kĭmi kwante ōveteme aremī ĭm itnesog, sugkū ovunyan eni Nōbū ĭm tawi sie sī ūr irami ūniminda palsi sendokie ĭm nilebokevat kūmante dal irora sugkū ōvun nilūo ra nemap, mōĭmsūli nam nomurep;

¹⁶ma ya ampi woravos ugi ran dan eni Krĭstō, memagkū vaū metū avan wokon kū torugat wokon.

¹⁷Im ĭtnesog, nagkū woreselĭgi de enyaū sugkū nimsin sokowara, ĭm nagelaū sorūg popōwo ugi tavniri enugkimi, yakum navos, ĭm yakum navos dal kĭmi omwisū;

¹⁸ĭm sugkū sū wavos kĭmi ĭm wavos dal yaū. Im marima,

¹⁹ya magkū ra Iesū Novsūromon woretamūli Timoti pugkūm ma ya onavos, pol sugkū ya agkili ugi kĭmi.

²⁰Popōwo tawi sī neteme enyaū tanepoves sugkū iyi woretarūves ugi kĭmi.

²¹Popōwo irora sū ūmentarū siame enirora wokon, kō tawi siame eni Iesū Krĭstō.

²²Ko kĭmi kūmagkili netevarō eni iyi, ma yemesitū irag ma nam navosavos onaloves sugkū sī netni umentorugat iran itemen isen.

²³Popōwo pe ya ontamūli iyi pugkūm marimago, pol sugkū ya agkili anti nokowo, ugi yaū:

²⁴kō yakum tavniri ra Novsūromon ma yaū sugkū ya ampelum pugkūm marima.

²⁵Kō yaū mokū aremī ya ontamūli Ipafrodītus, avūgsī ĭm neteme torugat ĭm neteme nempako dal yaū, ĭm lĭvsaū enugkimi, yemelĭntokoyaū ra norumkora enyaū;

²⁶popōwo yemelĭntugkūm tamas, memorĭgi sat, popōwo kūmūrĭgi ma yemamarat: kō itnesog yemamarat botipot nemas:

²⁷kō Nōbū yemosin nelintugi tamas; ĭm tawi iran iyi wokon, kō irag sugkū, ma ya otū ampi norĭgumpūnū ra norĭgumpūnū.

²⁸Popōwo pe sugkū ya otamūli iyi itnum, memagkū, pol sugkū kwagesi iyi, kwonavos kimi, ĭm ma ante mōmū virok norĭgumpūnū enyaū.

²⁹Popōwo pe ūvĭ iyi ra Novsūromon ugi navos omwisū; mūsesieves iranda ōveteme sugkū iyi:

³⁰popōwo ugi numpūrak eni Krĭstō yembotipot nemas iran, kō yetokū avieveve nomūrep isen ma iyi akompeli numpūrak enyau nisekomi mori yaū metū ekompeli.