Read Sie Filipi 4 Bible Online

Filipi 4 - Sie bible

Filipi 4

¹Popōwo pe sugkū, ravūgsīeme pau yakum nelĭntugkum tamas, kĭmi navos enyau ĭm kraūan enyau, ūte sugkū unam ra Novsūromon, ravūgsīeme kĭmi paū.

²Yakum manūwi tamas pugi Yūodia, ĭm ya umanūwi tamas pugi Sĭnteki, memagkū irora wantĭndowi ra tarū sīteven ūnōwanda ra Novsūromon.

³Im ĭtnesog yakum nesenugkĭk sugkū, kĭk nesitū irag itnesog, averora ovasiven mori, popōwo irora dūmūtorugat ra nam navosavos, ĭm Klement sugkū, ĭm irora oveteme nugkon dūmūtorugat dal yaū mori ōvun ninda ūmante ra netiyi nomūrep.

⁴Wavos ra Novsūromon indowi kĭmi: ĭm ya moĭmanūwi memagkū, Wavos kĭmi.

⁵Aremi ōveteme omwisū wagesi nemolsep enugkimi. Novsūromon umbotipot.

⁶Utūrĭgi sat tamas ugi sī entie sī kĭmi; kō ugi nufwaki ĭm nesenigi ĭm ugi umpalugi ūnūwi ōvun nakiugi enugkimi pugi Nōbū.

⁷Im ninparata eni Nōbū, mori tamas wokon sugkū nugkugko worokili, ante afĭnte nowami ĭm ōvun tarū enugkimi ra Iesū Kristo.

⁸Im aveni, ravūgsīeme, siame mori Itnesog, siame mori sesie, siame mori tanepo, siame mori sentevives, siame mori aremī, siame mori ūmnumpūvsok aremī ugi; nagkū sī netevarū aremī, ĭm nagkū sī narigi, ūtarūwokonda imo siame.

⁹Siame mori yaūĭmtavsogkūm ĭm kūmūvĭ ĭm kūmūrĭgi ĭm kūmokesi irag, wumpi imo siame: ĭm Nōbū ninparata ante dal kĭmi.

¹⁰Kō ya um navos tamas ra Novsuromon, popōwo marima ra nisah kĭmi kūmentarūwokoyaū; ĭm ĭtnesog kĭmi kūmokū woretarūwokoyaū, kō yetūte nemli pugon aremī nimsin.

¹¹Tawi ma ya anūwi norumkora enyaū: popōwo umentavsokoyaū, nagkū nokowo nokowo irag, kō worumpalug mōmete aremīwi.

¹²Ya magkili woreti wokon tawi sie sī, ĭm ya magkili woreti ugi siame sikat niaekūg: ra sie sī im ra ōvun siame omwisū umentavsokoyaū woretali yaū ĭm wororigi entemas, woretipe noete, ĭm woreti norumkora.

¹³Yaū faneteme worumpi tiame sū omwisū ugi iyi mori umnumpi yaū faneteme.

¹⁴Kō kumpalug, kūmumpi aremī popōwo kĭmi kūmavorayaū ra norĭgumpūnū enyaū.

¹⁵Im kĭmi lō Filipi, kĭmi kūmagkili, ma pol sugkū natipotnin nam navosavos, pol sugkū yaū memne marugi Masedōnia, tawi sī nilpon sī lō tumpora yemesitū dal yaū woretalug muni kū worevi,

¹⁶kō kĭmi wokon, popōwo ra Tesalonĭka kūmorūn tamūli sie poyaū ra norumkora enyaū.

¹⁷Ya otūm nakīugi ĭtemas; kō yakum nesorugi novwan aremī mori umnenum nisekomi.

¹⁸Kō ya okevi tiame sū, ĭm sikat mōmūgo tiame nisekūg: yakūm navos tamas popōwo ya okevi marugi Epafrodītus siame mori kĭmi kūmūtamūli poyaū, sī nepeneves aremī, sī talug ĭtemas, aremī ūnĭpmi eni Nōbū.

¹⁹Im Nōbū enyaū ampugkūm siame omwisū aremī nisekomi sugkū ugi siame noete nūsian aremī isen ĭm nilasilaswi ra Iesū Krĭstō.

²⁰Ante mante pugi Nōbū enugkos ĭm Itement nilasilaswi ūvum nevi sū indowi ĭndowi. Amen.

²¹Irora paū ōveteme aremī omwisū ra Iesū Krĭstō. Raveteme ūmante dal yaū ūmagkū kĭmi paū.

²²Oveteme aremī omwisū ūmagkū kĭmi paū, kō mōmū tamas irora mori ūmante ran temne eni Siser.

²³Ante mante ūnōwami kĭmi nelintugi omwisū eni Iesū Krĭstō Novsūromon enugkos.