Read Sie Kolose 3 Bible Online

Kolose 3 - Sie bible

Kolose 3

¹Im nagkū kūmūvsorasah dal Kristo, ūsorugi siame ūnpokūp, ĭya Kristo umante, umantesep ra nokoven meves eni Nōbū.

²Utarūgi siame unpokūp, ĭm tawi iranda siame ra nemap.

³Kūmūmas, kō yetiumpene nomurep enugkimi tovuni Kristo ra Nōbū.

⁴Pol sugkū Krĭsto mori nomurep enugkos, antūratumpene, ĭm kwantūratumpene sugkū kĭmi dal iyi ra nilasilaswi.

⁵Utalokonda mūtūrĭgora ōvun nakiugi ūr enugkimi ra nemap; mori nilasivien sat, nililūo, nakan, nakūugi sat, ĭm morigi sat ugi noete, popōwo imo eti tevita ra siame;

⁶popōwo ugi imo naraki eni Nōbū umante iranda ōvun netnime nareki nam;

⁷ĭm kĭmi kūmumpi sugkū, pol sugkū kūmūte dal irora.

⁸Kō marima ūtafugi irorasū imo sū siame; nakan, naraki nakan nugkugko ūnōwami, tavūntan, nam sat ra nugūmi:

⁹ūtūnūwi namli sī pugi sī; popōwo kūnūwi neteme talam ūnōwami,

¹⁰ĭm numpūrak eni, ĭm kūmūvakūm ugi neteme ĭtevaū, umnumpi ĭtevau ugi nelekon sugkū safi eni iyi mori yemumpi iyi;

¹¹otū anti tanepo sī popōwo iyi neteme Krik, kū Yūdia, yivi namon iran kū yetūvī namon iran, nilebokevat, neteme Setia, neteme torugat nagelaū wokon, neteme umante wokon; kō Krĭstō oti tiame omwisū, miranda, ōmwisū.

¹²Popōwo pe, ōvun tampoli eni Nōbū, ōvun tumpora nelĭntugi paū, ūvīugi nowami nelĭntugi paū nisekonda ōveteme, nelĭntugi, nemolsep, nemlū, nefielĭntugi;

¹³nemolsep pugkum, mūtū umpi nampon pugkum kĭmi, nagkū sī nesorū eni sī ugi sī neteme; sugkū Novsuromon yemefielĭntugkūm, wumpi sugkū kĭmi;

¹⁴ĭm mōmū iranda siame omwisū ūvīugi nelĭntugi, ĭt imo oti nam nam ūnam tanepoves.

¹⁵Im aremī ante tamas ūnōwami nelĭntugi eni Krĭstō dūmūverugkūm ugi imo ra nokolisiran sīteven; mōmumpalugi kĭmi.

¹⁶Antindowi nūsian irami nam eni Krĭstō ra noĭntanwi omwisū; mūtavsogkūm kĭmigo ugi ōvun narūfo omwisū aremī, Osemsi ugi nelĭntugives ūnōwami pugi Nōbū.

¹⁷Im sie sī omwisū kūmnumpi, nam kū numpūrak, wumpi omwisū ra nin eni Iesū Novsūromon, mumpalugi pugi Nōbū Itemen ra iyi.

¹⁸Ovasiven, walekoleki nam enirora rasūmi, popōwo aremī sugkū ra Novsuromon.

¹⁹Ovateman, ūlentokonda ōvasiven enugkĭmi, ūtū akan punora.

²⁰Ovunyan, sendiuki ves itomi ĭm dinomi ra siame sū, popōwo imo aremī ra Novsūromon.

²¹Ritemeneme, ūtū umpi nesorū nowanda ovunyan enugkimi, ma irora ūtū ante netromoro.

²²Ovun torugat, walekoleki ra siame sū irora mori ōvun narisah enugkimi ra nemap; tawi ūnĭmĭnda wokon, sugkū iranda ōveteme, kō ūnōwami tanepo, mūmūmtetugi Novsūromon: sie sī kūmnumpi,

²³ūtorugat aremī ugi nakiugi sugkū, pugi Novsūromon, ĭm tawi sugkū pugi neteme;

²⁴popōwo kĭmi kūmagkili kwampi nipmi marugi Novsūromon ugi nevīugi aremī nisekomi:

²⁵kĭmi kūmuntorugat iran Novsūromon Kristo. Popōwo iyi mori umnumpi ūr ampi nĭpmi numpurak ūr mori yemumpi: nĭpmi nugkoves tawi tampoli ugi sī mē sī.