Read Sie I. Teselonia 4 Bible Online

I. Teselonia 4 - Sie bible

I. Teselonia 4

¹Im ravūgsīeme, yakum nesenugkūm ĭm sūlives pugkūm ra Iesū Novsūromon memagkū, sugkū kūmūvī marokoyaū nokowo kwonavan kĭmi sugkū aremī ugi Nōbū, wumpi sugkū,—ma kĭmi kwante mōmū aremī tamas.

²Popōwo kĭmi kūmagkili nempasewugi kūmūvī marokoyaū ra Iesū Novsūromon.

³Nam eni Nōbū imo, ma kwante aremī wokon kĭmi, ūtū umpi tampalaū;

⁴ma kĭmi omwisū wafinte nokoliō sirami, ma kĭmi kwante sentevives ĭm aremī,

⁵ĭm ūtū tarū sat, sugkū lō pelah mori ūtū magkili Nōbū;

⁶ma tawi sī onumpi nugkugko ĭm nĭmpiri iran avensi ra imo siame: popōwo itnesog Novsūromon onūrian iranda ra imosū siame omwisū, sugkū yaū menūwi sū memsūlives pugkūm.

⁷Popōwo Nōbū yetūtorokos nimsin nelilūo kō nimsin sentevives.

⁸Popōwo pe iyi mori umesendoekiye, otū sendoekiye neteme, kō Nōbū, mori umampugkūm Naviat Tumpora isen.

⁹Kō ugi nelĭntugi nisekonda ravūgeme sie ya onetīyi pugkūm ugi? popōwo Nōbū yemtavsogkūm worelĭntugkūm omwisū kĭmigo;

¹⁰ĭm itnesog kĭmi kumumpi sugkū nisekonda ravetsīeme omwisū ūmante Masedonia omwisū. Kō yakum manūwi pugkūm, ravūgsīeme, ma kĭmi kwonumpi mōmūgo tamas;

¹¹ĭm ma kwanteteven kĭmi, mūfĭnte numpūrak enugkĭmi, ĭm torugat ugi nokopmi, sugkū ya onūwi pugkūm;

¹²ma sugkū kwonumpi aremī nisekonda mori dūtū tavniri, ĭm mūtū ante norumkor irami ugi sie sī.

¹³Kō ya otū akiugi, ravugsīēme, ma kĭmi kwontavrivri ugi orora umnalēepo; memagkū ūtū ageri ugi irora, sugkū irora mori, tawi ratevetūi nevsorasah isenda ōveteme marugi nemas.

¹⁴Popōwo nagkū kos kĭm lentavĭniri memagkū Iesū yimas mōmevsorasah, ĭm sugkū Nōbū ontorora mori pugi dūmalēepo ūndū Iesū.

¹⁵Popōwo yakum manūwi pugkūm ugi nam eni Novsūromon, memagkū, ma kos mori kos kĭmlamūrep, mōmamūrep afeli nĭmpugon Novsūromon ampelum, ūtū ampūm iranda mori dūmalēepo.

¹⁶Popōwo iyi pe iyi Novsuromon oyep marugi pokop, iyi onasorasah ugi nasor tamas, ĭm navian nagelo horogesah, ĭm ugi tovwi eni Nōbū: ĭm ōvun nemas ra Iesū wamsorasah mampūm:

¹⁷ĭm polekū kos mori wamūrep, ĭm lante, wampīsah kos dal irora ra mumpon numpūwaū, worevtet iran Nōvsūromon ūnēī; ĭm sugkū ĭtnesog kos kel ante ūndū Novsūromon ūvūm nevisū ĭndowi.

¹⁸Im popōwo pe sugkū wumpi nemolsep ūnōwami kĭmi ugi imo ōvun nam.