Read Sie I. Teselonia 5 Bible Online

I. Teselonia 5 - Sie bible

I. Teselonia 5

¹Im ugi nempugon ĭm dan mori, ravugsīeme, ya anūwi sie ugi pugkūm?

²Popōwo kĭmi kūmagkili sū memagkū, ampelum dan eni Novsūromon sugkū neteme numprok ra pumrok.

³Pol sugkū irora wanūwi magkū, Ninparata ĭm aremī, marimago ampelum iranda nugkugko tamas, sugkū nesorū eni nasiven umentandiumpok ugi nalaū: ĭm irora ūtū faneteme woralō.

⁴Kō kĭmi tawi ra nelevokevat, ravūgsīeme, ma dan mori ampelum irami sugkū neteme numprok:

⁵popōwo kĭmi omwisū ōveteme nilara ĭm ōveteme ra pūakas: kos kĭm letum lante ra pumrok, kō ra nilevokevat;

⁶ĭm popōwo pe sugkū aremī kos keletū onalēepo, sugkū nugkon ōveteme, kō aremī kos kelen avlis ĭm lante aremī.

⁷Irora mori ūmnalēepo ūmnalēepo ra pūmrok; ĭm irora mori ūmamlū ugi nekave ūmamlū ra pūmrok.

⁸Kō aremī kos mori ōvun nilara, kos kelefĭnte ōvun numpi enugkos, mūvīugi nemendogont woresenĭgi ugi tavniri ĭm nelintugi; ĭm nimsin helmet, mori ratevetūwi nēyōwara ugi.

⁹Popōwo Nōbū yemtipe kos nĭmsĭn naraki irant, kō worevi neowara ugi Iesū Krĭstō Novsuromon enugkos,

¹⁰mori, yimas nisekont, memagkū nagku, kos kelelampe kū alēepo, kos kel amūrep kos ūndū iyi.

¹¹Popōwo wumpi nemolsep ūnowami, mōmavorokūm kĭmi, sugkū kĭmi kūm mumpi.

¹²Im yakum nesenugkūm, ravūgsēēme, worokilora mori umentorugat nisekomi, ĭm dūmūtipe irora worefinte kĭmi ugi Novsuromon, mirora ūmeyevekum;

¹³ūsesiēves iranda horog tamas wokon indowi popōwo ugi numpurak enirora. Ute ugi ninparata pugkūm kĭmi.

¹⁴Im yakum nesenugkūm, ravūgsīēme, ūyevora ōvun neyompeli ōvun nagkaū, avorora ōvun netromoro ūnōwanda, esitū iranda ōvun nompok, ūfielĭntokonda ōveteme omwisū.

¹⁵Ufĭnte ma tawi sī onumpi nampon ra sat; kō wumpi dan sū imosū aremī pugkūm kĭmi, ĭm punora ōveteme omwisū.

¹⁶Wavos dan sū; ufwaki indowi mūtūwi; wumpalugi ugi siame omwisū:

¹⁸popōwo imo oti nam eni Nōbū ra Iesū Krĭstō nisekomi.

¹⁹Utū ramtugi natekisah eni Naviat Tumpora;

²⁰ūtūkesisat nam enirora ōvun profet;

²¹ūsorugi aremī siame sū worokili nagkū irora itnesog ugi numpūvsok kū entawi;

²²ūte unam ra siame ĭm numpurak aremī; ūte isūt ĭm ūtū sogkori mūtū esitū iranda siame ĭm numpi ūr.

²³Im iyi pe iyi Nōbū ninparata onumpi kĭmi tumpora ĭm aremī ĭndowi; ĭm aremī naviat enugkimi ĭm nowami ĭm nokolisirami wantĭndowi aremī ĭndowi, ĭm tawi sie sī pol sugkū Iesū Krĭstō Novsūromon enugkos ampelum.

²⁴Iyi mori umamperugkūm oti ĭtnesog, miyi onumpi sugkū.

²⁵Ravugsieme, ufwaki nisekūg kĭmi.

²⁶Wompasiwokonda raveteme omwisū, ĭm sūgū aremī iranda.

²⁷Yakum manūwi pugkūm ugi nam nempokentom ra Novsūromon, memagkū, ūsepi imo netiyi punora raveteme omwisū aremī.

²⁸Ante mante dal kĭmi itemas paū eni Iesū Kristo Novsūromon enugkos.