Read Sie Teselonia 2 Bible Online

Teselonia 2 - Sie bible

Teselonia 2

¹Yakum nesenugkūm, ravūgsīēme, ugi nevelum eni Iesū Krĭstō Novsuromon enugkos, ĭm semsimugi enugkos pugi iyi;

²ma ūtū tarū tarū ūnōwami, mūtū eyompelĭgi, ugi tarū ugi naviat, kū ugi nam, kū ugi netiyi nagku sugkū marokoyaū, memagkū, dan eni Novsūromon okovelum;

³Afinte ma tawi sī neteme ampiriugwugkūm ra sī entie sī: popōwo otū ampelum dan mori, nagkū ōveteme ūtū ampūmtorileki marugi tavniri, ĭm antūratumpene numpĭndi mori netni nūrah sat,

⁴iyi mori umesendūekie memagkū iyi mōmū horog iranda siame sū umatovnin memagkū Nōbū, ĭm siame sū umentevita iranda; ĭm popōwo pe iyi umantesep ra nimo tumpora eni Nōbū, ĭm sese iyi sugkū nagkū Nōbū.

⁵Kūmunteme ĭm laū, ma pol sugkū yaū mete dal kĭmi yaū menūwi sū pugkūm ugi imo siame?

⁶Im kĭmi kūmagkili sie mori umesompat iyi, ma iyi anturatumpene ra nempūgon isen.

⁷Ko ĭtnesog umnumpūrak marima netevarū sat sikat: mafeli nempugon mori ampĭpelah iyi mori umesompat.

⁸Im penuri antūratu pene neteme sendū ekie nam alam, iyi mori Iesū Novsūromon ontalugi ugi nesumsah ra nugūn,

⁹mōĭmtafugi iyi ugi narigi ra nivelum isen; ampelum oragi sugkū numpūrak eni Setan, ugi netevarū ra siame sū horog,

¹⁰ĭm siame nugkugko, ĭm siame navlugi kō nempiri omwisū, ĭm ugi nempiri omwisū ra netevarū ūr punora mori wantin tafugi irora; popōwo ugi imo, memagkū, irora dūtūvī nam ugi nelintugi, ĭm dūtūakīugi, memagkū wumkorēyōwara.

¹¹Im popōwo pe sugkū Nōbū umagkū irora wante numgī tamas, ma irora wontavniri namli:

¹²ma wonurian iranda omwisū dūtūtavnirigi nam ĭtnesog, kō dūmavos ra satindi.

¹³Kō ĭt oti aremī ma ya onumpalugi pugi Nōbū nisekomi dan sū, ravūgsĭeme ōvun nelĭntugipau eni Novsūromon, popōwo pe Nōbū yemtampolekūm marugi natipotnin ma wumkumēyōwara ra sentevives enugkĭmi ugi Naviat ĭm tavniri ra nam ĭtnesog:

¹⁴ugi pe yemtorugkūm ugi nam aremi enyau, ma kwampi nilasilaswi eni Iesū Krĭsto Novsūromon enugkos.

¹⁵Popōwo pe, ravugsieme, ute unam, ĭm ūravsivsi nam alam dūmūtavsogkūm ugi, ĭt nagkū ugi nam enyau, ku ugi netiyi enyau.

¹⁶Im aremī ma Iesū Krĭstō Novsuromon enugkos, ĭm Nōbū Itemen enugkos mori yemelĭntugkos mōmovugkos nilasilaswi ūvūm nevī sū ĭndowi ĭm ratevetūi ugi itemas pau,

¹⁷onesitū ūnōwami momumpi kĭmi unam ra ōvun numpurak ĭm ōvun nam omwisū.