Read Sie II. Timote 2 Bible Online

II. Timote 2 - Sie bible

II. Timote 2

¹Popōwo pe sugkū, netūg, eti horog ūnōwam ra itemas-paū mori umante ra Iesū Krĭsto.

²Im siame kĭmūrĭgi marokoyaū ūniminda numpūvsok sikat, kantipe tovunora ōveteme tanepo mori faneteme woretavsokonda ōveteme mōmū.

³Avoroyaū worevi norigumpūnū sugkū nempako aremai eni Iesū Krĭsto.

⁴Tawi sai nempako umesumpelūliye ra yemtori woreti neteme nempako.

⁵Nagkū sai siame ra nemap; ma iyi onumpalugi iran iyi mori neteme ontapmi woretantevakepe ra nalō, ra rēs, kō otū ampi nimpewavekor nagkū iyi yetū alō tanepo sugkū nam alam ugi.

⁶Nasemnūōk mori umentorugat ra denūk ampūm mampi novwan.

⁷Kontarugi nam enyaū; popōwo Novsūromon amponok nelekon ra siame sū.

⁸Enteme Iesū Krĭstō, yemevsoresah marugi nemas, yemne ra novsin eni Dēvĭd, sugkū ugi nam navosavos enyaū;

⁹ĭm ugi imo ya okevī nugkugko ĭm ūmesompatamtokoyaū, sugkū narekisat; kō nugkugko woresumpatamtugi nam eni Nōbū.

¹⁰Popōwo pe ya ampi ōvun nesorū ugi siame sū popōwo ugi irora ōvun tampoli ma irora sugkū wampi nēyōwara mori umante ra Iesū Krĭsto ĭm navosavos ūvūm nevi sū ĭndowi.

¹¹Nam ĭtnesog imo; nagku kos kim limas ūndū iyi, kos kel amūrep sugkū ūndū:

¹²nagku kos kim livī ūr kos kel amūrep ūndū iyi: nagkū kos kĭmletūvi iyi, iyi otū ampi kos sugkū: nagkū kos ōvun tavniri nĭmpiri,

¹³kō iyi umante tanepo itnesog: popōwo nugkugko iran woreseni iyi.

¹⁴Enūatokeli imo siame punora menūavsokonda ūnĭpmi Novsūromon, ma ūtū wonaūor ugi ōvun nam nam wokon, tawi nesitū ugi, imo umnumpi neyōĭmpele iranda ūmandegi pe.

¹⁵Atekisah ma kante aremī ūnĭpmi Nōbū, neteme torugat otūm narumprum ugi, umesūlives nam ĭtnesog.

¹⁶Kō elane ōvun nam nemlū nindewavū: popōwo wantepū sikat ōvun satindi enirora,

¹⁷ĭm nam isenda wonumpi tamas sugkū noveli: ĭm dal irora mori Hīmenius ĭm Felitus;

¹⁸irora dūtūvi nugko nam ĭtnesog, dūmokū nevsorasah yumpi sū etūwĭ, ĭm dūmūyoĭmpelĭgi tavniri isenda nugkon ōveteme.

¹⁹Kō umantendowi ūnam natipotnin Nōbū yemetipe, umetiyi ugi memagkū, Novsūromon umagkilora ōveteme isen: ĭm, Irorasū omwisū mori ūmanuwī nin eni Novsūromon aremī waūwi numpūrak satindi enirora.

²⁰Umante ra nimo nūsian aremī ōvun vesel kold ĭm ōvun vesel silver, ĭm nugkon ugi nē, ĭm nugkon tawi aremī.

²¹Nagkū sī osendumsives iyi marugi imo sū, iyi anti sī vesel aremī, umesendumsi ves, ĭm aremī nisekon narisah isen, umnumpi aremī nimsin ōvun numpūrak sū aremī.

²²Kō alo kĭk marokonda ōvun nilasivian sat enirora ōviarep, ĭm ūri netevarū tanepo ĭm tavniri, ĭm nelintugi, ĭm ninparata, dal irora mori ūmentorugi nin eni Novsūromon ūnōwanda sentevives.

²³Kō owi nam nindewavū, ĭm nam numgi, popōwo kokili ma irora ūmnumpi nesesaū.

²⁴Im tawi aremī livsaū eni Narisah unumpi nesesaū, kō nemolsep punora omwisū,

²⁵ĭm horog ugi tavsokonda ōveteme, mōĭmtogesovelora ōveteme, ĭm sūlives ugi nemolsep punora mori ūmnumpi sendūkiye; kū entawi Nōbū ampunora wontorileki ūnōwanda worokili aremī nam itnesog,

²⁶ma irora wontūk malo marugi sakarep eni setan, yemeforewokonda livsaū eni Novsūromon, memagkū irora wonalekoleki nam eni Nōbū.