Read Sie II. Timote 3 Bible Online

II. Timote 3 - Sie bible

II. Timote 3

¹Okili imo, ma ra nimpugon ra nisah ampelum ōvun norigumpūnū.

²Oveteme wontarū wokonda irora, menelintugi muni, waspen nenūwi narigi enirora, nugkugko ūnōwanda, ūmanūwi nam sat,

³sendūkiye nam eni itemenda ĭm dinemenda, ūtūm mampalugi ugi siame, umnakan ugi siame aremī, ūtūm nakĭwokonda ōvun numpūnaranda, domo ūnōwanda, ōvun tavuntan sat, ūmneyompele tamas,

⁴nugkugko ūnōwanda, ūmagkū irora sī, umnelĭntugi navos ra nemap mōmū ra Nōbū;

⁵ūmnelekavi wokon safi numpūrak tanepo eni Nōbū kō ūmesendukiye fan ugi pe: owi iroramo ovragi kĭk.

⁶Nugkon ra iroramo ūmnavos ra ōvun temne sikat, mōĭmtorimpe ra ōvun nimo ugi nimpiri, ĭm irora ūmentorora nagkaū ōvasiven nemlū, ĭm sikat numpūrak nilasivian sat enirora,

⁷ūmentavsokonda dan sū, kō oti nugkugko iranda worokili nam tanepo itnesog.

⁸Im sugkū Yanes ĭm Yambres dūmūsendūkiye iran Moses, irora sugkū ūmesendūkiye ra nam itnesog; ĭt ūr nowanda, ĭm neyoĭmpele ran tavniri isenda.

⁹Kō wosompat irora: popōwo ōveteme omwisū wagkili numpūrak neyōĭmpele enirora, sugkū yemetepū ra neyōĭmpele isenda numpūrak enyaū, ĭm tarū, ĭm tavniri, ĭm togesoovragi mori.

¹⁰Kō kĭmūri aremī tavsogi enyaū, ĭm numpūrak enyau ĭm tarū,

¹¹ĭm tavniri, ĭm togesoveli ĭm nelintugi, ĭm nemolsep, ĭm nesesaū irag, ĭm norigumpūnū; ĭm ōvun norigumpūnū yemetepū irag ra Antioki ĭm Ikoneum, ĭm Listra; kokili ōvun nesesaū irag: kō Novsūromon yemeviēyōwara irag marokonda omwisū Menokowo,

¹²ĭm irora sū mori ūmnavan tnepoves ra Iesū Krĭstō wampi nugkugko iranda.

¹³Kō wantepū tamas wokon sat isenda ōvun nareki sat ĭm ōvun nĭmpiri, irora wampiriwokonda ōveteme ĭm wonempiriwokonda sugkū.

¹⁴Kō etĭndowi kĭk ra mori kĭm ūrĭgi memtavnirĭgi, kokili iyi mori yemtavsogkĭk;

¹⁵ĭm ma marugi nempugon kĭk ūmpamū mafeli nempugon marima kĭmokili ōvun netiyi tumpora mori faneteme worumpi kĭk nilekon ra nēyōwara ugi tavniri mori umante ra Iesū Krĭstō.

¹⁶Dūmne ra Naviat eni Nōbū ōvun netiyi tumpora omwisū, ĭm irora aremi woretavsokonda ōveteme ugi, ĭm woreyevorugi, worūrianda, woresūlives punora netevarū ra tanepo:

¹⁷ma onugkoves neteme eni Nōbū, ĭm horog wokon ra ōvun numpūrak aremī omwisū.