Read Sie II. Timote 4 Bible Online

II. Timote 4 - Sie bible

II. Timote 4

¹Yakum mentesūwi punok ūnĭpmi Nōbū, ĭm Iesū Krĭstō, mori onūrian ōvun nomurep mōvun nemas, ĭm ugi netūratumpene isen ĭm lō isen; torenūwi nam;

²Atekisah kĭk ra nempugon tawi aremi; enūwali punora ōveteme, ūyevora, enūatokeli punora ugi nōwam nemolsep ĭm tavsogi sorum.

³Popōwo itnesog ampelum nempugon pol sugkū irora wonĭmrū ugi nam tavsogi aremī; kō popōwo telugonda sī ūr, wampī ōvun tavsogi sugkū nilasivian sat enirora;

⁴ĭm irora wosompat telegonda woretūrĭgi nam ĭtnesog, ĭm irora wampe pelah worūri sebet nam nĭndewavū.

⁵Kō kante aremi ĭm faneteme kĭk ra siame sū, orioki aremi ōvun nesorū, umpi numpūrak eni neteme umesūlives nam nomūrep, okompeli numpūrak enugkĭk.

⁶Im marima otanepugon nemas enyaū sugkū sokowara umwosiligi ugi, ĭm nempugon enyaū woreve okovelum.

⁷Ya kompi navokat aremī, ya okompeli naloves ra rēs, yaū mete ūnam ran tavniri:

⁸popōwo pe umantipe nisekūg nĭmpewavekor tnepoves, mori Novsūromon, neteme nūrian tanepo, ampoyaū ran dan mori: ĭm tawi nisekūg wokon kō nisekonda omwisū sugkū ūmnavos ugi nivelum eni.

⁹Atekisah worevelum marima poyaū: popōwo Dimas yowi yaū, ĭt iyi umnelintugi imo nemap, yive Tesalonĭka;

¹⁰Kresens yive Kaletia, ĭm Tĭtus yive Dalmetia. Lūk wokon ūndū yaū.

¹¹Vī Mark kĭk, ĭm tori iyi poyaū: popōwo iyi aremi nisekūg ugi imo numpūrak.

¹²Kō Tikikus ya otamūli Efesus.

¹³Nagkū kemampelum bīĭmpelum sempelaūon mori yaū mowi ra Troas pugi Karpus, ĭm ōvun netiyi mori, ĭm etū tavrivri indowi ōvun netiyi mori dūmūtĭyi ra ōvun nokolistan nūrah (parsment).

¹⁴Aleksander, mori kopersmid, yemumpi ūr tamas irag: kō Novsūromon onumpi iran sugkū numpūrak eni: Kafinte kĭk ugi iyi;

¹⁵popōwo yemsendūkiye tamas nam enugkam.

¹⁶Pol sugkū yaū matipotnin woresūlĭ nam tawi sī yemsari irag, kō omwisū dūmūwi yaū: ah ūtūwantipe iranda numpurak mori.

¹⁷Kō Novsuromon yemetĭndowi ūndū yaū, miyi yemumpi yaū fanteme; ma wantintore-nūwi sah omwisū aremi nam, ĭm ma omwisū lō pelah sī wandegi: ĭm dūmūsemsempari yaū marugi nugūn līon.

¹⁸Im Novsūromon osemsempari yaū marokonda ōvun numpūrak ūr omwisū, miyi ampeyōwara irag ra lō ūnpokop isen pugi iyi ante mante nilasilaswi ūvūm nevi sū indowi indowi. Amen.

¹⁹Irora paū Priska ĭm Akwila, ĭm irora ra nimo eni Oneisiferus Erastus yemetĭndowi Korint:

²⁰kō Trofimas yaū mowi ra Melitus namarat.

²¹Atekisah kĭk worevelum ĭtnum poyaū, ĭm tawi nakas lap. Yubulus umagkū kĭk-e-paū, ĭm Pudens, ĭm Linus, ĭm Klodia, ĭm ravetsīeme omwisū.

²²Novsūromon ante mante ūnowam. Itemas-paū iram.