Read Sie Filimon 1 Bible Online

Filimon 1 - Sie bible

Filimon 1

¹Pol, neteme mori dūmēiti ugi Iesū Krĭstō, ĭm Tĭmote aventsĭ, pugi Filimon pau enugkos ĭm neteme umnesitū irant ra numpūrak,

²ĭm pugi Afea vevent ĭm pugi Arkipus neteme umnesitū dal kos ra navokat, ĭm pugi nilpon sī lō ra nimo enugkĭk:

³Itemas-paū pugkūm ĭm ninparata marugi Nōbū Itement ĭm Iesū Krĭstō Novsūromon enugkos.

⁴Yakum mumpalugi indowi pugi Nōbū enyau, ĭm memlanūok ra nufwaki enyaū dan sū,

⁵popōwo yaū morigi ugi nelintugi enugkĭk, ĭm ugi tavniri enugkĭk pugi Iesū Novsūromon, ĭm punora ōveteme aremī omwisū;

⁶ma nesitū ugin tavniri enugkĭk onumpi horog aremī worokili ugi ōvun siame omwisū aremī enugkĭk pugi Krĭstō.

⁷Popōwo ya okevi navos ĭm nemolsep tamas ra nelĭntugi enugkĭk, popōwo dūmavos ugi kĭk, avūgsĭ.

⁸Itnesog, yaū faneteme worenūwi ugi horog ĭm pasiwugkĭk ra Krĭstō ugi imo aremī,

⁹kō popōwo ugi nelintugi yakum nesenigi, ĭt yaū mori Pol neteme talam, ĭm marima lĭvsaū eni Iesū Krĭstō ūmēĭti ugi:

¹⁰Yakum nesenugkĭk ugi netūg Onesimus mori yaū ĭmpai ugi nēiti yaū ugi mori iyi

¹¹nindewavū etūī nisekom, kō marima iyi aremī nisekom ĭm nisekūg:

¹²ĭm ya otamūli iyi pe iyi punok, ĭt iyi sugkū netūg paū, sugkū magkū worasiugi nisekūg,

¹³ma sugkū tampenūm iram woretapmetves irag ra nēiti yaū popōwo ugi nam navosavos:

¹⁴kō ya emagkū ya agkili mampūm nōwam ugi imo pe; ma konumpi imo nelintugi tawi ugi natekisah enyaū, kō sugkū ugi nōwam kĭk-e-pe-kĭk.

¹⁵Im nigoi yemowi kĭk lap ugi nimpugon virok, ma kĭk kĭmampī iyi nisekom ūvūm nevi sū ĭndowi;

¹⁶ĭm tawi nōmū ra lĭvsaū sugkū aventsī paū, tamas nisekūg, kō tamas wokon mōmū nisekom, ugi fan ĭm ugi Novsūromon.

¹⁷Im popōwo nagku kemagkū kos, yaū ūndū kĭk, siteven, tori iyi, sugkū nagkū yaū.

¹⁸Kō nagkū yemumprok ugi sie sī enugkĭk, kū yetū tampenum ugi nisekom, aremī konetīyi mori irag yaū;

¹⁹yaū Pol ya umnetīyi ugi nokovūg yaū, ya ampasi sie mori yetūvasi kĭk: kō ya otū anūwi pugkĭk ugi imo mori sie kĭmetū tampenūm nisekūg ugi, mori pe kĭk.

²⁰Ah! avūgsi, aremī ya ampī navos ra Novsūromon ugi kĭk: kampīeves naviat enyaū ra Krĭsto.

²¹Ya umentavniri ma kĭk konalekoleki nam enyaū, ĭt ya umagkili kĭk konumpi mūmūgo ra imo mori ya umanuwi.

²²Kō yakum nakiugi tamas ma kampi im tavesves nimo nisekūg ma ya antewi: popōwo ya umagkū wontĭnimpe yaū pugkum popōwo ugi nufwaki nesenigi enugkimi.

²³Epafras, neteme dūmēiti dal yaū ra Iesū Kristo, umagkū kĭk-e-paū;

²⁴ĭm Mark, ĭm Aristarkus, ĭm Dimas, ĭm Lūk, ōvun torugat ūndū yaū.

²⁵Itemas-paū eni Iesū Kristo Novsūromon enugkos ante mante ūnōwam kĭk. Amen.