Read Sie Hibru 10 Bible Online

Hibru 10 - Sie bible

Hibru 10

¹It safi siame mori ampelum nam alam, kō tawi sugkū sīteven omwisū, popōwo pe umandromoro worumpi aremī wokon irora mori ūmampelum woresakrefīs siame more irora umesakrifīsugi nevisū, ĭm ĭndowi sugkū.

²Nagkū sugkū irora pūpmūwi woresakrefĭs ugi irora, popōwo nagkū dūmūsendumsi ōveteme tiveta nempugon sīteven, pūtūkili mōmū satindi enirora.

³Kō popōwo ugi imosū ōvun sakrefis umnenteme satsū ra nevisū.

⁴Popōwo nugkugko worevipelah sat ugi nde enirora ōvun kaū ĭtnateman ĭm ōvun nani.

⁵Popōwo pe polsugkū yemetūratumpene ra nemap, yemokū,

⁶Kĭmetūakīwokonda ōvun sakrefīs ĭm ōvun itemas. Kō kĭinetipe nokolisiran nisekūg; Kĭmetūakīwokonda ōvun sakrefis ĭtsugkū dūmatni ĭm ōvun sakrefis ugi sat:

⁷Kō yaū menūwi, memokū, Itnesog, ya okovelum (Umetiyi ra mumpon netiyi nisekūg) Worumpi sugkū nam enugkĭk, Ah Nōbū.

⁸Im polsugkū yemenūwi nam mori, memokū K metū akīwokonda ōvun sakrefis ĭm ōvun itemas dūmūtni, ĭm ōvun sakrefīs ugi sat, ĭm kĭmetū avos ugi irora mori umnumpi iroromo ugi nam alam, miyi yemenūwi memokū,

⁹Itnesog, ya okevelum worumpi sugkū nam enugkĭk. Yivipelah mori siugi ma iyi antipe mori dūrūgi.

¹⁰Dūmumpi aremī irant ugi nam mori popōwo ugi nokolisiran Iesū Krĭstō yetin sakrefīsugi nempugon sīteven nimsin nempugon sū.

¹¹Ovun tavsogi omwisū umantūr dan sū woretorugat mōĭmsakrefīs ugi ōvun sakrefīs, ugi sie fan sīteven, ĭm dansū sugkū, kō irora tawi indowi faneteme worevipelah satsū;

¹²kō iyi, polsugkū yemumpi sakrefis sīteven ugi satsū indowi yemetesep ra nokovein meves eni Nōbū;

¹³it iyi umentevetūwi indowi mafeli nempugon mori wantipe ōvun novsin nakan isen nimsin woretipe nowon isen.

¹⁴Im popōwo ugi sakrefīs-isen sīteven yemumpi aremī wokon ĭndowi irora mori dūmūte aremi.

¹⁵Im iyi Naviat Tumpora umampūvsokugi pe pugkos: popōwo penūri yemenūwi,

¹⁶Imomo nam alam, Iēhōva yemenūwi memokū, ya onumpi nisekonda, Penūri dansū mori ya ontipe nam alam enyaū ūnōwanda, Im ya onetīyi irora ra naviat enirora; penūri yemenūwi,

¹⁷Im ya otū onenteme ĭndowi mōmū ōvun satsū ĭm ōvun satindi enirora.

¹⁸Im popōwo nagkū umumpipelah satsū otūm mō mumpi mōmū sakrefis ugi irora.

¹⁹Im popōwo pe sugkū, ravugsieme, kos kĭm livi faneteme worintorĭmpe ra nūrū tumpora ugi nde eni Iesū,

²⁰ra selat mori yemetipe nisekont, selat mori yemetipe nisekont, selat itevaū ĭm nōmūrep, ra nemas vel mori woreseni, nokolisiran penokowi;

²¹ĭm popōwo kokelevī tavsogi tumpora nūsian umafinte nimo eni Nōbū;

²²aremī kos kel ampe botibot ōnowant ĭtnesog, ĭm ugi tavniri omwisū, mampi setevives ūnisogkos ugi norowugi marugi tarūsū sat enugkos, ĭm sendumsives nokolisirant ugi nū sentevives wokon;

²³ĭm aremī kos ket ante ūnam ra imo mori kos kein lentevetūwi uti mōmetū-tarū tarū;

²⁴popōwo ĭtnesog iy mori yepmenūwi nam; aremī kos kelentarūwogkos mo mūyevūkos aremī ma kos kelen numpi numpūrah aremī mōmelin tugkos;

²⁵ĭm aremi kos keletū uwi woresemsimak, sugkū netīvarū enirora nugkon ōveteme, kō aremī kos keleneyeviwugkos; ĭm aremī kwonatekisah tamas mōmū kĭmi popōwo kĭmi kūmūkili memagkū umbotipot dan mori.

²⁶Popōwo nagkū kos kel origi sū imo nam navosavos mōhntorileki ra sat, ĭtnesog tawi sĭmomū sakrefīs ugi sat sū,

²⁷kō wantintevetūwi ugi morigi sat tamas ĭm nemetet ugi nūrian, ĭm nom navilar domo mori wontevavtiti irora mori ōvun sendoeikia.

²⁸Nagkū dūrū kū desel numpūvsok iran neteme sendoeikia ra nam alam eni Moses iyi amas ĭm tawi nelintugi nisekon;

²⁹ĭm sugkū sie nūrian nūsian nugkugko mōmogo nisekon iyi mori, yemwĭ, Netni eni Nōbū, ĭm memokū, nindevavū nde ra nam alam numpūvsok, mori dūmūsendumsi iyi ugi, ĭm yemsebet nam iran Nivat aremī ĭtemaspaū.

³⁰Im kos kokili iyi mori yemenūwi memokū, Nūrian enyau, yaū, ya onūrian Im yemūmnūwi mōmū memokū, Iēhova enisorugi me mūrian iranda ōveteme isen.

³¹Im sie sī nūsian nemetet ugi, imo, memagkū, woromol ra mumpon nokoven eni Nōbū nomūrep.

³²Kō wenteme kĭmi nempugon mori, polekū penūri kūmūvīsū nam nile kūmivi norĭgumpūnū ugi nesesau tamas;

³³nugkon, popōwo kūmūte sugkū nimsin norumprum ugi nam nugkugko irami ĭm ōvun nesorū ugi; ĭm nugkon, popōwo kūmafielin-tokonda mori dūmūvi sugkū imosū nugkugko morokonda ōveteme.

³⁴It kĭmi kūmafielintokonda mori dūmūvī nugkugko ugi worēit iranda, ĭm kūmūtūrĭgi sat ugi okeniugi siame noete enugkimi kūmūkili, memagkū, umante nisekomi ūnpokop siame nilaswi ūnam indowi.

³⁵Im popōwo pe sugkū ūtūtafugi tavniri enugkimi it umante nipmi aremī nusian nisekomi ugi pe.

³⁶It aremī nisekomi woreti ugi nemolsep, ma, polsugkū kwonekompeli sū sugkū tarū eni Nōbū kĭmi kwampi imo mori aremī dūpmūnūwi ugi.

³⁷Popōwo umante nugkon nempugon virok wokon, Im iyi mori umampelum ampelum, ĭm marimago wokon.

³⁸Neteme mori ĭt nugko netvarū isen amūrep ugi tavniri eni; Kō nogkū iyi ontorileki ūnōwan, naviat sorūg otū onavos ugi iyi.

³⁹Kō kos tawi sugkū irora mori ūmentorileki tovuni nemas; kō kos dal irora mori ūmentavniri toveni nēyōwara ra naviat.