Read Sie Hibru 4 Bible Online

Hibru 4 - Sie bible

Hibru 4

¹Im popōwo pe aremī kos kelen nemetet, kū entawi sī kō irami otō ampi imo nūrū nemindog isen, mon dūmūnūwi ugi pugkos.

²Itnesog dūmūnūwi nam navosavos pugkos, sugkū dūmūnūwi punora, kō yetū teli norigi mori ūnowanda mori dūmmūrĭgi, popōwo dūtūvī ugi tavniri dal irora mon dūlmūrĭgi.

³Kō kos mori kos kĭmlentavnirĭgi kos kelentorĭmpe ra nemindog mori; sugkū yemēnūwi, Ya onūwi sugkū nam ūnam ra naraki enyaū memagkū, Irora ūtū wontorĭmpe ra nemindog enyaū;

⁴kō yemokompelisū ōvun numpūrak isen ra nimpūgon mori natipotni nemap sugkū sī nam yemenūwi ugi dan seven memokū, Im Nōbū yemindog ran dan seven marugi ōvun numpurak omwisū eni; ĭm yemenōwi mōmū ra netiyi imo mori sīteven magkū.

⁵Irora ūtū wontorĭmpe ra nemindog sorūg Popōwo pesugkū,

⁶wontorĭmpe ra nemindog mori nugkon ra irora, kō dūtūve ōvragi mori, dūmurĭgi nampūm nam mori, kō dūmūsendoeikia.

⁷Iyi umanūwi eī dan, memagkū ra Dēvid, penuri dan sū sikat, Ire sugkū dūmūnūwi pe, Ire nagkū kwandigi navian nōkami. Utū wumpi nugkugko nowami.

⁸Popōwo nagkū yosūa pivunora sī nemindog iyi petūnūwi sī mōmu dan ra nimpugon penūri.

⁹Im popōwi pe ĭtnesog umante nemindog nisekonda ōveteme eni Nōbū.

¹⁰Poponte iyi mori yemtor mpe ra nemindog isen iyi pe iyi umnemindog marugi ōvun numpūrak isen sugkū Nōbū yemindog marugi numpūrak isen.

¹¹Im popōwo pe aremī kos kelenatekisah worintorĭmpe ra nemindog mori, ma ōtū amol sī neteme ugi sendoeikia sugkū irora.

¹²It amūrep nam eni Nōbū, ĭm faneteme, ĭm mōmū nako ra naūĭtuga um nako nugkon ĭm nugkon umesē mpwap mōĭmtavlugi nōwan ĭm naviat, im nelumpwon ĭm nĭgakū ĭm faneteme worokili ōvun tarū ĭm ōvun nakĭgi ūnōwant.

¹³Im nugkugko woreseni sie sī murugi iyi: umeselevlevi wokon tamas ōvun siame omwisū ūnipmi iyi mori umnesorugi numpurak enugkos.

¹⁴Im popōwo pe ĭtnesog umante nisekont tavsogi tumpora nusian, mori yemtorĭmpesū unpokop, Iesū Netni eni Nōbū, aremi koskelenavsivsi nufwaki tavniri enugkos.

¹⁵Popōwo ĭtnemelepon iran tavsogi tumpora nusian enugkos worokili ōvun netromoro enugkos; popōwo dūtin tapmi iyi, ra siamesū sugkū kos,

¹⁶kō yetūte sī sat iran Popōwo pesugkū aremī koskelen atekisah worovelum ra potnumpōtūwō ĭtemaspaū isen, ma iyi onelintugkos, momenesitū irant ra tanepugon ves.