Read Sie Hibru 6 Bible Online

Hibru 6 - Sie bible

Hibru 6

¹Popōwo pe aremī ya owi tavsogi siame mampūm ugi Krĭstō, ĭm lenatekisah tovune siame aremī wokon, metō atipotni mōmū nimo ugi torileki ūnōwant marugi sat, ĭm tavniri pugi.

²Nōbū, memagkū ugi tavsog nam ugi batisma, ĭm ugi nitipe nokoven irand, ĭm ugi nivsorasah ōvun nemas, mugi nurian ra nisah ūnam indowi ugi.

³Im ya anumpi imo nagkū aremī ugi Nōbū.

⁴Im ĭtnesog umagkū ugi irormo mori dūmūvī nilara ĭm dūmūnategap itemas pau ūnpokop, ĭm dūmūvī Naviat umpora,

⁵ĭm dūmategap nam aremī eni Nōbū,

⁶ĭm ōvun numpurak ra nempugon mori ampelum, nagkū irora wontorileki mōmū, nugkugko worefitorileki mōmū irora ūnōwand, popōwo irora ūmentalugi nempugon sīmomū Netni eni Nōbū nisekonda mōmumpi onerumprum iran ūniminda ōveteme

⁷—Popōwo nemap mori umnemoneki nebib yemorūn omol iran, mōmetepū iran siame nevag nisekonda mori dūūtagkol, umampi ves iran ugi Nōbū:

⁸Kō magkū umnatepū ugi nimrataū ĭm topavū sat, um awisep, ūr wokon; ĭm ra nisah wonatni.

⁹Yaumagkū sugkū raevugsīeme kō ya umtarū mōmū aremī irami, ĭm nagku ugi siame Oūmnūri nēyōwara;

¹⁰popōwo ĭt nugko numpi eni Nōbū ĭm popōwo iyi ontarū numpurak enugkimi ĭm nelintugi ugi nin isen, pe mori kĭm kūmūtapmetuvies marima indowi iranda.

¹¹Im ya um nakiugi ma kwonatekisah worumpi imo natevarū aremi kĭmi mōmumpūvsok ratevetūwi nakiugi aremi mafeli ra nisah eveni;

¹²ūtūte netromora kĭmi, kō uri nampūn noanda mori umampi siame dūpmūnūwi ugi, popōwo wugi tavniri ĭm nemolsep enirora.

¹³Pol sugkū yemenuwi nam neyeviows Nōbū pui Ebraham, popōwo yeti nugkugko worenūwi nam ūnam ra nin eni sī mōmū horog iran, yemenūwi nam—nam ra nin eni iyi pe iyi,

¹⁴memokū Itnesog ya onumpi aremi nisekom, ĭm ya um magkū wantintan damsah tamas ōvun netnime lō sorum.

¹⁵Im sugkū, popōwo yemete ugi nemolsep ūnōwan, yemlōpisū sie mori yetin nenūwi ugi.

¹⁶Oveteme ūmanuwi nam ūnam ugi sī mōmū horog iranda; ĭm polekū ūmanūwi sū nam-ūnam ĭt irora ūtū aūor simōnmu ugi pe.

¹⁷Im popōwo pe, Nōbū yemakiugi tamas woresūlives punora ōvun tampenūm nimsin tiame mori yetin nenūwiugi, magku ante ūnam, yemenūwi ugi nam-ūnam;

¹⁸ma ugi imasiame ndērū nugkugko ūnam indowi, oti nugkugko iran Nōbū woresuli nam eni, ko kelenavos tamas ugi, mori kos mori malo tovune woresemsempari irant ugi worelekavi sie ratevetūwi nakiugi umesesisū pugkos;

¹⁹ĭm imo koskelivisū sugkū agkor nimsin navit enugkos, sī nakiugi ratevetūwi ĭtnesog manam ĭm umante ra numpon ilebok tumpora umeseni; iye Iesū yipmovūm memtorimpe nisekont,

²⁰dūmūtipe iyi tavsogi tumpora horog ūvūm nevisū sugkū netipe Melkisedek.