Read Sie Hibru 7 Bible Online

Hibru 7 - Sie bible

Hibru 7

¹Im imo Melkisedek, natemonk Selem, tavsogi tumpora eni Nōbū horog Tantevakepe, yemevtit ra Ebraham polekū yemtorileki marugi talugi mori yemtalokonda ōvun fan lō isen, yempīves iran,

²ĭm Ebraham yemovugi sītevengo marugi narolemgo talug mori, mori iyi yemeti mampūm, ugi fan nam ugi pe, Fan lō ugi tanepoves, ĭm Fan lō Selem, mori oti,

³Fan lo ra nimparata; tawi itemen, tawi dineme, tawi ravensīme, tawi dan, nomprokomol isen ĭm tawi nemas isen, ko yeti sugkū Netni eni Nōbū, umante tavsoghumpora ndowi.

⁴Utarūgi kĭmĭ horogesah isen imo neteme, mori Ebraham itīsme yemevugi sĭtevengo ugi norolemgo siame noete mori dūmefarugi.

⁵Im Itnesog dū mūnūwi pun ora dūmne ra Livī mori dūmūtipe irora ōvun tavsogi tumpora memagkū irora mampi morokonda ōveteme sĭtevengo ra norolemgo tiame sugkū ugi, mori pe, ravensīme isenda ĭm otū suli irora nagkū irora dūmne marugi navsin eni Ebraham, eyin tawi;

⁶Kō iyi mori yetūmne morokonda yevi sīteven narolenĭgo siame nōēte mori marugi ōbraham, ĭm yevīeves iran iyi mori dūpmūvĭeves iran.

⁷Im ĭtnesog imo, ĭm tawi nam dūrū ugi pe memagkū, iyi mori mōmū horog umanūwi nam nevieves iran iyi mori mōmū virok iran.

⁸Im ĭtnesog irora mori wamas sugkū ōveteme ūmūmpi siame nōēete sĭtevengo marugi narolemgo; ĭm ĭtnesog iyi mori sī umampi sugkū, mori umampūvsok ugi memagkū, iyi amūrep.

⁹Im sugkū, ya magkū, ma iyi Livī, yivi siame mori marugi Ebraham, ĭm iyi pe iyi umentalug siamo mori sugkū;

¹⁰popōwo iyi yemete lap ra mumpon ĭtemen ra nempugon mori Melkiedek yemevtit iran.

¹¹Im magkū numpūrak isenda ōvun tavsogi mori dūmne ra Livī pe faneteme worumpi tanepo ōveteme, popōwo marugi imo siame ōveteme dūmūvi nam alam, sie fan ugi ma amne ra Melkisedek sīmōmū tavsogi, ĭm tawi marugi Eron ugi natovnin iran?

¹²Popōwo dūtampoli tavsogi, ĭt oti aremī voretampoli nam alam sugkū.

¹³Im neteme mori dūmūnūwi imo ugi netemne ra netevokontū sī pe, mori tawi sī ra irora yemumpūrak ra nefate mori.

¹⁴Im ĭtnesog yemne ra Yūda Novsuromon enugkos; ĭm ugi imo netevokontū Moses yetūnūwi sī nam ugi tavsogi marokonda.

¹⁵Im irora ūmagkili sū ugi numpūvsok aremī, memagkū, ma antūok mōmū tavsogi sugkū Meikisedek,

¹⁶mori dūtūtipe iyi sugkū nam alam ra nemap, kō ugi horog eni nomūrep ūnam Indowi;

¹⁷popōwo umanuwi ugi iyi nemagkū, Kĭk umante tavsog ĭndowi Sugkū netipe Meikisedek ugi.

¹⁸Im dūmūvīpelah nam alam mori mampūm popōwo iyi tawi faneteme,

¹⁹ĭm popōwo ugi nindevavū isen, popōwo nam alam yeti umpi sī sie sī aremi wokon, kō yematipotni siame mōmū aremi mori kos kem lentevetūwi, mugi pe kos kelivelum pugi Nōbū.

²⁰Im irora dūmūnūwi nam ūnam ma iyi ante tavsogi,

²¹dūmūtipe wokon ōvun tavsogi mori kō dūtūnūwi, ūnam ugi irora, kō yemenūwi nam ūnam ugi iyi mori yemenūwi pugi, memokū, Novsūromon yemenūwi nam ūnam otū sūli ugi pe, Kĭk tavsogi ūvūm nevisū indowi.

²²Im sugkū, ĭtnesog dūmūtipe Iesū numpūvsok ugi nam ūnam mōmū aremī.

²³Im dūmūte ōvun tavsogi sikat mori popōwo ugi nemas irora dūtūt faneteme worentindowi:

²⁴kō iyi, popōwo umantindowi ūnam, umantindowi ūnam tavsogi isen metūtampoli pe ugi ra sī mōmū

²⁵papōwo pe sugkū iyi faneteme worumkorēyōwaraves irora mori ūnampelum pugi Nōbū ugi ra iyi, popōwo iyi umamūrep ĭndowi woresenigi nisekonda.

²⁶Popōwo aremī nisekont neteme tavsogi tumpora mori, yeti tumporaves tanepoves sentevives ĭm yetve botipot ōvun narekisat, miyi yemsah ūnpokop horog wokon;

²⁷ĭm popōwo iyi aremī wokon iyi otū magkū iyi onumpi sakrīfis dan sū tīwi ra sat, sugkū; irora ōvun tavsogi tūmpora mori īwnumpi, mampūm ugi sat sū enirora pe irora, penūri ugi sat sū enirora ōveteme; popōwo iyi yemumpi imo nempugon sīteven, nimsin omwisū, pol sugkū iyi yemesepen tinimpe iyi pe iyi ra ne ūmparum,

²⁸Itnesog, irora ūmantipe ōvun tavsogi numpora mor-i umante neyopelĭgi enirora sugkū neteme kō nam mori ra nam ūnam, mori yetepū ra nisah ra nam alam, umantipe sī Netni, aremi ūvūm nevisū ĭndowi.