Read Sie Hibru 8 Bible Online

Hibru 8 - Sie bible

Hibru 8

¹Im ugi imosū siame ya umanuwi ugi fan nam ugi oti imo pe mamagkū; Umante tavsogi tumpora nisekont, mori yemetesep ra potnumpūtūwo meves ra Narisah unpokop, lĭvsau ra siame tumpora,

²ĭm ra nimo tumpora ĭtnesog, mori iyi Novsūromon yemetipe, tawi ōveteme.

³Popōwo umetipe ōvun tavsogi tumpora woresakrefīs ugi ra ōvun itemas ĭm ōvun sarefīs; ĭm popowo pe it eti aremi ma imo tavsogi tumpora umantipe sugkū sie sī woresakrefīs ugi.

⁴Kō nagkū pete ra nemap, iyi petūte tavsogi, popōwo umante irora mori nimsin worumpi ōvun sakrefīs ugi ĭtemas sugkū nam alam;

⁵mori umnumpūrah ra imo siame mori safĭ ĭm namolen ra siame ūmpokop, sugkū Nōbū yemenūwali pugi Moses pol sugkū yemokū iyi onumpi nimo tumpora mori popōwo, yemokū, Orĭgi, ma kemumpi siame omwisū sugkū safi mori yemsesi pun ok numpūō.

⁶Kō ĭtnesog, iyi okevi sī numpū momū tamas aremī, ĭm popōwo ugi iyi neteme worenūwi ninparata ugi nam alam numpūvsok mori mōmū aremi ra ima mori etūwi, mori umante ūnam ugi nam dūpmūnīwi, mori mōmū aremī ra ima mori etūwī.

⁷Popōwo nagkū yeti aremī wokon nam alam, nam onam ĭt mampūm, pūtūumpi imo mori ra nisah.

⁸Popōwo iyi yemyevora, yemokū, Ukosi, Narisah umanuwi, nampelum ōvun dan, Ma ya onumpi nam ūnam ĭtevaū nisekonda ōveteme Isrēēl ĭm nisekonda ōveteme Yūdia;

⁹Im tawi sugkū nam ūnam mori yaū mumpi nisekonda ravinsĭēme enirora Ra nempugon mori yaū melekavi nokovinda woretorora marugi nūrū Ityep; Popōwo dūtūtĭndowi ra nam ūnam enyaū. Im yaū Narisah metū tarū tarūwokonda.

¹⁰Im Narisah yemenūwi, memokū; Im pe nam ūnam ya onumpi nisekonda oveteme Isrēel Ran dan su mori; Ya antipe ōvun nam alam enyaū ūnōwanda, Im ya onetĭyi ōvun nam alam mori ra naviat isenda; Im ya ante Nōbū nisekonda. Mirora wante ōveteme nisekūg:

¹¹Im irora omwisū ūtū wontavsokonda ōveteme ūntimne sīteven dal irora pe irora omwisū Kū irora sū ravinsīēme enirora, memokū, Ukili Iēhova; Popōwo irora sū omwisū wagkili yaū, Morokonda ōvun vilik mafeli ra irora ōvun horogesah

¹²Popōwo ya onafielfntokonda ōvun satindi enirora, Im ya otū enteme indowi iranda sat sū enirora.

¹³Im polsugkū yemenūwi, Nam ūnam ĭtevaū iyi yemenūwi, itnimpris mori yimpmovūm. Popowo siame mori etūwī ūmamtemte ĭm umbotipot worevia.