Read Sie Hibru 9 Bible Online

Hibru 9 - Sie bible

Hibru 9

¹Im ĭtnesog, yemate ōvun siame numpūrah ra nufwaki ugi ūnam numpūvsok mampūm, ĭm nimo tumpora, nimo tumpora ra nemap.

²Dōmumpi nimo tumpora mumpalug, ra silebok, siugi mori yemete lamp, ĭm tēbel, ĭm yōūp tumpora; ĭm dūmatovnin silebok mori memokū, nūrū Tumpora.

³Im devsim ratilat silebok dūrūgi mori yemete nūrū nimo tumpora mori dūmatovnin memokū, Tumpora ra tumpora;

⁴yemete ra mumpon nefate kold nimsin woratni siame nempenevees, ĭm lō ark ra nam ūnam mori dūmumpalug rantan mori ugi kold, ĭm yemete ra mumpon pot vesel worevi mana, im worsentūr eni Eron mori yemsavsar ĭm ō ōvun nevat mori nitīyi nam ūnam tumpora,

⁵ĭm yemete imelūō jerubĭm endūrū nilasilaswi eni Nōbū yemseni nūrū netesep worenūwi ninparata ugi; kō nugkugko woresūlives ugi imosa siame maruma. Im nagkū dūmūkopeli imo sū siame, ōvun tavsugi dūmūtorĭmpe dan sū ra sibebok mori siugi,

⁶worekompeli numpūrah ra nufwaki; kō ementorĭmpe ra silebok dūrūgi iyi wokon tavsogi tumpora,

⁷nempugon sīteven ra nevi ĭm indowi sugkū, ĭm yempī nde, mori yem sakrefīsugi nisekon, iyi pe iyi, ĭm ugi sat sū isenda ōveteme:

⁸ĭt Naviat Tumpora yemenūwi ugi imo netevani, memokū, dūtūnūwi aremī selat woreve ūnisog nūrū tumpora ra nempugon pol sugkū yemetelap nimo tumpora mampūm;

⁹ĭm nimo mori yeti safi nimsin nempugon mori; dūmū sakrefis iran ugi ōvun ĭtemas ĭm ōvun sakrefis kō imosū siame netro oro ĭm tawi faneteme worumpi aremi, nowan eni neteme mori,

¹⁰yemumpi imo siame, dūmumpi imo netevani ugi ōvun nevag ĭm ōvun norowugi ugi numpi ra nemap, mori dūmūtipe mafeli nempugon mori dūmumpi aremī siame.

¹¹Kō Krĭstō yivelum tavsogi tumpora ra siame aremī ampelum ra nimo mori mōmū horog ĭm momū aremī ra imo mori mampūm, mori dūtū umpi ugi nokolven neteme, fan nam ugi, tawi sugkū ra nemap,

¹²yemtorĭmpewe nempugon sīteven nimsin omwisū, kō tawi ugi nde isenda ōvun nani mōvun netni kaū kō ugi nde isen iyi pe iyi, yivi nōmūrep ūvrūni nisekont.

¹³Im nagkū nde eni kaū ĭtnateman ĭm nani, im pentop iran kaū ĭtnasiven dūmūtni faneteme worsendumsi nokolisiran neteme yetin nililūō;

¹⁴kō nde eni Krĭstō mōmū faneteme, worsendumsi nō wami marugi numpūrah nemas ugi, memagkū kĭmi kwontorugat iran Nōbū nomūrep: yetūte sie sī ūr iran, yemesepen sakrefīs iyi pugi Nōbū ugi Naviat Tumpora mori umante ūvūm nevisū ĭndowi.

¹⁵Im popōwo ne sugkū it iyi neteme woretipe nimparata ugi nam alam ītevaū, ĭt iyi yimas woreti sakrefis woresīpelah sat mori dumumpi ra nimpugon mori yemete nam alam mampum, mamegkū irora mori dūmovrokonda wampi ūvūm nevisū sie sie mori dūpmūnūwi ugi.

¹⁶Popōwo nugknugko worevi sie umanūwi ugi ra nam numpūvsok ugi tampenum mafeli nemas eni iyi mori yemenūwi nam ūnam mori.

¹⁷Popōwo nam alam ugi sie umantepū fan nam pol sugkū nemas mori yemekompeligi; ko pol sugkū ūmamūrep neteme mori yemenūwi, nam alam ugi sie mori yemtinĭmpe tawi fan kō nīndvavū wokon.

¹⁸Im popōwo pe sugkū dūmumpi nugkugko nam, alam mampum ugi nde.

¹⁹Im pol sugkū Moses yemenūwi nam alam omwisū punora ōveteme omwisū sugkū nam eni Nōbū, yivi nde iranda ōvun netni kaū ĭm ōvun nani, ĭm noveli pugi pugi yavlar ĭm kesop, memavwi netiyi pe, ĭm ōveteme omwisū, memokū.

²⁰Imo oti nde eni nam alam mori Nōbū yempasewugi pugkūm.

²¹Im iyi yemavwi ugi nde sugkū nimo tumpora ĭm ōvun vesel omwisū mori nimsin imo numpūrah nufwaki.

²²Im popōwo ugi nam alam, ĭtnesog, umesendumsi ugi nde, ĭm nagkū otū woselĭgi nde oti nugkugko worevīpelah sat.

²³Im popōwo pe yeti aremī woresendumsi safi siame ūnpokop ugi sakrefis sugkū imosū; kō siame ūnpokop pe ĭtnesog ugi ōvun sakrefis mōmū aremī iranda imosū.

²⁴Im Krĭstō yetūtorĭmpe ra mumpon nūrū tumpora dumumpi ugi nokoven neteme, sugkū ugi mori ĭtnesog, woresūratumpene yemtorĭmpe ūnprokop ĭtnesog, woretūratumpene ūnipmi Nōbū nisekont;

²⁵ĭm tawi worumpi sakrefīs ugi iyi pe iyi nempugon sikat; sugkū tavsogi tumpora mori ūmentarĭmpe nevisū ra mumpon nūru tompora ugi nde tawi isen iyi;

²⁶kū intawi yemorūn mas mafeli natpotnin nemap ĭm ĭndowi afeli nempugon marima; kō yetūratumpene nempugon sīteven ra nisah aveni worevīpelah sat ugi sakrefīs ra iyi pe iyi.

²⁷Im popōwo pe dūpmūnūwi memagkū wamas nempugon sīteven,, ōveteme, ĭm penūri ampelue nurian iranda;

²⁸ĭm sugkū, dūmūsakrerīs Krĭstō nempugon sīteven, memagkū, iyi ante nipmi tĭwi satsū isenda ōveteme sikat, kō iyi omampelum nempugon simōmū, punora, ūmenteveteme iyi worumkorēyōwara ugi nomurep ūvūni, ĭm otū ante sat iran.