Read Sie Yakobo 1 Bible Online

Yakobo 1 - Sie bible

Yakobo 1

¹Yaū Yakobo, lĭvsaū eni Nōbū ĭm eni Iesū Krĭstō Novsūromon, pun ora ōvun savetasū twel mori ūmante sītevengo ra nūrū sū nūrū sū, ya magkū kĭmi paū.

²Wavos kĭmi, ravūgsĭēme, polsugkū wampelum irami ōvun norĭgumpūnū sikat sī ĭm sī;

³popōwo kĭmi kīmagkili, magkū, nagkū umentapmi tavniri enugkimi umnumpi nemolsep ūnōwami.

⁴Aremī nemolsep onumpi aveni numpurak aremī isen, ma kĭmi kwante aremī omwisū wokon, umpalug isūma aremĭwi.

⁵Kō nagku sī irami ĭm tawi nelekon isen aremī iyi osenigi Nōbū, mori umentalokugi tamas pun ora ōveteme omwisū ĭm tawi sī nam niyevi ugi: ĭm itnesog iyi ampi.

⁶Kō aremī iyi osenĭgi ra tavniri, metū tarū tarū: popōwo iyi mori umen tarū tarū oti sugkū tokintan umnelesi ugi nemetagi memneyōmpeligi.

⁷Im aremi neteme umnumpi sugkū agkili pe ma iyi otū ampī sī entie sī marugi Novsūromon;

⁸dūrū tarū ūnōwan imo neteme, ĭm umintavelavel ōvun netevarū omwisū eni.

⁹Nagku wantipe sah mōmū nivūō sī neteme wokon, aremī iyi onavosugi:

¹⁰ĭm nagku ampĭsah neteme horog, aremī iyi onavos sugkū: popōwo iyi ampia sugkū novgun novlovsi.

¹¹Popōwo pol sugkū umemsah nipminen ĭm umantepū nemetagi naūaū, ĭm umetū novlovsi marimago; mōmaserem novgun isen, ĭm umampia nilasilaswi mumpi isen; ĭm sugkū, ampia neteme noete ra ōvun navan isen.

¹²Nevieves neteme mori umnatekisah polsugkū ampelum tapmi iran: popōwo nagku iyi umentantevakepe ran tapmi iran, iyi ampi kraūan ra nomurep, mori Novsūromon yemeuūwi memagkū, iyi ampun ora mori umnelintugi iyi.

¹³Etū magkū sī neteme nagku tapmi ampelum iran, magkū. Nōbū ugi umentapmi sat, ĭm iyi pe iyi, otūmentapmi sī neteme:

¹⁴kō umentapmi ugi ōveteme omwisū mori, polsugkū umentorora nilasivien sat enirora pe irora, memyevorwi.

¹⁵Im nilasivien eni sī neteme, polsugkū umekompeli umampūō sat: ĭm sat polsugkū onalamsū, umampūō nemas.

¹⁶Utūte ugi nimpiri wugkūm kĭmi, ravsugsīūme aremī.

¹⁷Ovun ĭtemaspaū aremī ĭm movūn sie arermi ĭndowi omwisū umamne imelūō, ĭm umeyep marugi Itemen ra ōvun nilara, iyi mori tawi sī tarū tarū isen, ĭm tawi sī nemolin ugi ampoli isen.

¹⁸Ugi nesepen tarū isen yempī kos ugi nam nam ĭtnesog, ma kos kelanti novwan siugi ra ōvun siame iyi yemumpi.

¹⁹Kĭmi kumagkili imo, ravūgsīēme aremī. Kō aremī ōveteme omwisū wandigi mandigi ĭtnum nam, kō wanūwi pe virok, ĭm woretūtūm nakan ĭt num:

²⁰ĭm popōwo naraki ĭtū onumpi tanepoves eni Nōbū.

²¹Popōwo pe otafugi ōvun nelilūō omwisū ĭm ōvun nareki umeselug, mōimūvi ugi nemolsep ĭm nimparata nam ūnōwami nemolsep mori faneteme worumworēvōwara ōvun naviat enugkimi.

²²Kō ūtorugat ra nam kĭmi, mūtūte ōvun norĭgi wokon, ma kĭmi ūtū umpiriwugkūm.

²³Popōwo nagku sī umandigi wokon nam, ĭm metūmampi pe, iyi sugkū neteme umagesi nipmi isen yemumprokomol ugi ra kilas:

²⁴ĭt iyi umagesi pe, moĭmpe, ĭm marimago umentavniri, magkū, ĭt iyi neteme sugkū mē?

²⁵Kō iyi mori umentopotneme ra nam alam aremaiwi wokon, nam alam umesūlives ra nemolsep, momantĭndowi iran ĭm iyi tawi neteme wororigi nam mōĭmtavniri, kō neteme mori umnumpi pe, ampīēves imo neteme popōwo ugi numpurak isen.

²⁶Nagku sī neteme umagkili iyi umentavnirigi metum sompat nogūn isen kō umempiriwugi nōwan isen, ĭt sebet nam ĭm nindevavū tavnirigi eni imo neteme.

²⁷Tavnirigi tanepo ĭm sentevives wokon ūnipini Nōbū Itemen enugkos oti imo, woratnemora ōvalalaū tawi itemenda, ĭm ōvun neviumpiwi ra norĭgumpūnū enirora, ĭm worefinte iyi sentevives wokon marugi nemap.