Read Sie Yakobo 4 Bible Online

Yakobo 4 - Sie bible

Yakobo 4

¹Umamnea iya navokat ĭm umamnea iya nesesau irami? irora ūmamne ĭtnesog marugi nakīugi ūr enugkimi mori umnumpi ūvrami ra ōvun nivlugkon nokolisirami.

²Kūmūrĭgi sat ra siame, kō kūmūtūvi: kūmūtalokona ōveteme, kūmnarakar, kō nugkugko woreviū: kum numpi navokat ĭm mūtarekūm, kō kūmūtū vī sie, popōwo kūmūtū senĭgi pe.

³Kūmusenĭgi, ĭm kūmūtūvi, popōwo kūmū senigi tawi aremī memagkū kwontafugi ra ōvun nilasivien nakiugi enugkĭmi.

⁴Ovun tampalaū ĭtovatemen mitovasiven, kĭmi kūmūtūkili kū ma nelintugi ūnōwant nimsin nemap otū nakan pugi Nōbū? Im popōwo pe sugkū iyi mori sī kū sī umagkū iyi onelintugi nemap umnumpi sī novsin nakan eni Nōbū.

⁵Kū kūmagkū umanūwi nindevavū netiyi tumpora? Kūmagkū ma naviat mori yemumpi woretindowi unisog kos umnakīugi indowi tovune neworemesat kū?

⁶Kō iyi umentalokugi ĭtemas paū mōmūgo. Popōwo pe dūmōtiyi, memokū, Nōbū umalekoi punora ōvun nugkugko ūnōwanda, kō iyi umampunora ōvun nemolsep ĭtemaspaū.

⁷Im popōwo pe sugkū walekoleki Nōbū kĭmi; kō ūtī nam eni sētan, ĭm iyi onalō marugkūm.

⁸Uve botipot Nōbū kĭmi ĭm iyi ampelum botipot irami. Usendomsi ōvun nokumpi, kĭmi ōvun narekisat; mūsendumsi nōwami, kĭmi ōvun nōwami endūrū.

⁹Ute ugi norĭgumpūnū, morĭgumpūnū momageri; aremī tampoli netofop enugkimi ra nageri, im navos enugkĭmi ra norīgumpūnū.

¹⁰Wumpū netevani nemolsep ūnipmi Novsūromon ĭm iyi ampīsah kĭmi.

¹¹Utūnūwi nam ūr irami kĭmi, ravūgsĭeme, Iyi mori umanuwi na miran avinsī, kū umentarū ūr iran avinsī; umanuwi iran nam alam, ĭm mintarū ūr iran nam alam; kō nagkū kĭkemtarū ūr iran nam alam, kĭk tawi neteme umalekoleki nam alam, kō neteme umentarū ūr iran nam alam.

¹²Sīteven wokon umnumpi nam alam imumnūrian iyi mori faneteme woru korēyōwara ĭm worokesora; kō kĭk mē mori woretarū ūr iran sī neteme?

¹³Urigi, kĭmi mori kūmagkū, Kos Kūampe ire kū miran ra sī siti, ĭm kos kel antindowi yūi si nevi, ĭm lisevasi ĭm livī noete:

¹⁴kō ĭtnesog kĭmi kūmūtūkili sie antepū mran. Sie nomurep enugkĭmi? Kĭmi sugkū ūmōap, mori umetūratumpene nempugon botipot, periōri umampia.

¹⁵Kō, mōmū aremī kwanūwi kĭmi, magkū, nagkū aremī iran Novsūromon, kos kelamūrep, ĭm lenumpi sie ĭm sie.

¹⁶Kō marima kĭmi kūmavos ugi ōvun nam sah horog nugkugko enugkimi, ĭt ūr ōvun navos omwisū sugkū imosū.

¹⁷Im popōwo pe sugkū iyi mori umagkili worumpi aremī, metum mumpi, imo oti sat isen.