Read Sie Yakobo 5 Bible Online

Yakobo 5 - Sie bible

Yakobo 5

¹Im ūrigi sīmōmū, kĭmi mori ōvun noete ūtūgageri ĭm wasorasah kĭmi popōwo ugi ōvun norigi sat mori wampelum irami.

²It ovatar nōēte enugkĭmi ĭm ōvun umneni ōvun nemas enugkĭmi.

³It numpekasi iran kold ĭm silver enugkimi; ĭm numpokasi iranda wante sugkū numpūvsok irami, ĭm imo woneni fan ra nokolisirami sugkū nom. Kūmūtavinepon nōēte enugkimi ran dan nisah.

⁴Itnesog, nipmi mori isenda ōvun torugat mori dūmmūsemsimugi ōvun fan ran denūk enugkĭmi, mori kūmūsiugi ugi nimpiri, umnasorasah, ĭm nasor senda mori dūmūtorugat ūmentorĭmpe ran telugon eni Novsuromon horog wokon.

⁵Kūmūte aremī iyi ōvun nevag ra nemap, ĭm kūmavos ra ōvun navlugi enugkimi; ĭm kĭmi kūmavegonekūm sugkū ōvun nūrah ran dan talekonda ugi.

⁶Kūmnūri nurian tovuni nemas, ĭm kūmūtalugi neteme tanepoves; kō yetūumpi sie woselevi.

⁷Im popōwo pe sugkū, ravūgsĭēme, ūte ugi nemolsep kĭmi mafeli nivelum eni Novsūromon. Ukisi netovarū eni neteme nasemūk, ĭm iyi umentevetūwiugi nōvwan aremī ra nemap, ĭm umante ugi nemolsep ugi pe, mafeli ampi ran nebib mroi it mampum ĭm sī ra nisah.

⁸Ute kĭmi ugi nemolsep; ūte aremī ūnam ūnōwami; popōwo umambotibot netūratumpene eni Novsūromon.

⁹Utūalekoi pugkūm kĭmi, ravūgsīēme, ma otū onūrian irami: urigi neteme nūrian umantūr ra nugon selat.

¹⁰Ravūgsīēme ūtarūwokonda ōvun profet kĭmi, mori dūmūnūwi nam ra nin eni Novsuromon, irora, safi nisekomi ugi nevīugi ugi nemolsep norĭgumpōnū, ĭm ugi neteteves enirora.

¹¹Itnesog, kos kĭm atovninda ōvun nevīēves, mori, dūmatekisah ĭndowi ra nemolsep: kūmūrĭgi ugi nemolsep indowi eni Job, ĭm kūmūkili netevani eni Novsūromon nisekon memagkū, ĭt iyi Novsūromon oti ūvuarugi nelintugi,

¹²ĭm togesoveli tamas. Kō sie sī siteven mōmū horog tamas, ravugsieme pe imo, ōtōnūwi nam nugkugko, tawi ugi pokop, ĭm monokowo enugkĭmi ante monokowo wokon, ĭm tawi enugkĭmi ante tawi wokon;

¹³ma ūtū amol kĭmi ra mumpon nūrinan. Nagkū sī dale kĭmin um moringumpūnū, aremī iyi onufwaki. Nagkū sī umnavos, aremī iyi osemsi narūfo numplin.

¹⁴Nagkū sī dalekĭmi umnamarat, aremī iyi ontorokonda ōvun elder ra nilpon sī lō tumpora, ĭm aremī irora wafwaki nisekon, mōmesoveligi iyi ugi oiel ra nin eni Novsūromon:

¹⁵ĭm onamūrep neteme namarat popōwo ugi nufwaki umamne ĭtnesog marugi nowanda mori ōvun tavniri ĭtnesog, ĭm Novsūromon onefietūōk netemne namarat; ĭm nagkū yemumpi sat onafielintugi iyi ugi pe.

¹⁶Im popōwo pe sugkū. Anūatumpene satsū enugkĭmi pugkūm kĭmi, mōĭmufwaki nisekomi kĭmi, memagkū, kwampi horigeves kĭmi. Nufwaki eni neteme aremī ĭm tanepo faneteme worumpi aremī ra ōvun numpi isen.

¹⁷Elīja yeti neteme sugkū kos ugi ōvun nakiugi ra nemap, miyi yemefwaki ugi nesenug tamas, magkū, otū ampip; ĭm yetū amol sī nebib ra nemap ra ōvun nevisū endesel ĭm itīs sūkrim mesekī.

¹⁸Im iyi yōĭmefwaki; ĭm yemumol nebib marugi pokop, ĭm nemap yemtaepū aremī ugi ōvun siame isen.

¹⁹Im ravūgsīēme, nagkū sī irami amol pelah marugi nam tavniri, ĭm onesūlives pugi moĭmtori iyi woretavniri ĭtnesog,

²⁰aremī iyi agkili, ma iyi mori ontori sī neteme marugi sat sū isen woretavnirigi umesemsempari sī neteme marugi nemas, mōmanteumpene satsū sikat wokon isen.