Read Sie I. Piter 5 Bible Online

I. Piter 5 - Sie bible

I. Piter 5

¹Ya um menūatokeli punora ōvun tavsogi ūmanūwi nam pugkūm, yaū mori yaū sī tavsogi, ĭm numpūvsok ugi norigumpūnū eni Krĭstō, ĭm neteme ampi dal ōveteme isen nilasilaswi mori anturatumpene:

²Avugunora pugipugi eni Nōbu umante dal kimi, mūfinti irora aremī, im tawi ugi nimru, kō ugi nakiugi, ugi Nōbū; ĭm tawi popōwo ugi nōēte wokon sie, kō popōwo ugi nowan aremī;

³ĭm tawi sugkū ōvun narisah iranda semsimak dūmūtinimpe irora pugkum worefinte, kō ūte kĭmi sugkū safi aremī nisekonda semsimak.

⁴Im pol sugku antūrat umpeni Shepherd tantevakepe, kĭmi kwampi kraūan nilasilaswi mori otū ametū.

⁵Im sugkū, kĭmi ōvi arep, walekoleki nam eniora umanuwi nam alam. Im ūte ugi nemolsep, kĭmi omwisū, woretorugat irami kĭmi: popōwo umagesi sat iranda it nugkugko nowanda, kō umampunora itemas paū ĭt horog eni nowanda.

⁶Popōwo pe sugkū ute ugi nemolsep ūnōwami kūmante ra mumpon nokven horog eni Nōbū, ma iyi onumpi kĭmi ōvun horog ra nempugon aremi;

⁷mūtinimpe pugi norĭgumpūni omwisū enugkimi, popōwo ĭt iyi umintarū irami. Ufinte netevarū enugkimi, mūtavesves:

⁸popōwo novsin nakan enugkimi, Diapolo, umnavanavan, sugkū, līon umnasora memeserokonda ōveteme worokinora:

⁹ūte horog, watekisah kĭmi mūtantevakepe iran ra tavniri enugkimi popōwo ūkili memagkū rapmisīeme enugkĭmi ūmante ra nemap umandegi ĭmo sū ōvun norigumpūnū sugkū enugkimi.

¹⁰Im Nōbū ĭtemas paū omwisū mori yemtorokūm ra nilasilaswi unam indowi ra Krĭstō, kō mampūm kwandigi lap nesorū nempugon virok, iyi pe iyi amkūmēyōekūm, menumpi kĭmi horog ĭm ūnam ra tavniri.

¹¹Im pugi iyi ante mante horogesah ra nūrū sū ūvūm nevi sū nevi sū indowi. Amen.

¹²Yakum netiyi botibot pugkūm ra Silvanus, mori ya magkū iyi aventsī tanepo ĭtnesog enugkos, worenūwi indowi ĭm worumpūvsok memagkū imo oti ĭtemas pau ĭtnesog eni Nōbū: ūte kimi iran ūnam.

¹³Irora mori kalesia Babilon, mori ōvun tampoli dal kĭmi, ūmagkū kĭmi paū, ĭm Mark netūg sugkū umagkū kĭmi paū.

¹⁴Umpasiwugkūm kĭmi ugi sūgo nelintugi. Antemante ninparata irami omwisū mori kūmante ra Krĭstō.