Read Sie II. Piter 1 Bible Online

II. Piter 1 - Sie bible

II. Piter 1

¹Simon Piter, livsaū ĭm apostol eni Iesū Krĭstō, punora mori dūmūvi tavinri aremī sugkū kam ra tanepo eni Nōbū im Iesū Krĭstō novsūromon enugkos ĭtemas paū

²ĭm ninparata tandamsah pugkūm ra nointanwi eni Nōbū ĭm Iesū Krĭstō Novsūromon enugkos,

³ĭm popōwo pe dūmūvugkos tiamesū omwisū ra nomurep ĭm sesie iran Nōbū, ugi horog isen yemtorugkos ugi tanepo ĭm nilasilaswi eni;

⁴popōwo ugi imo yemovugkos nam niyeviwos nūsian ĭm aremī ĭndowi; ma popōwo ugi imosū kĭmi kwonalō marugi sat umante ra nemap popōwo ugi nilasivien sat eni neteme.

⁵Im, popōwo ugi imo pe watikisah tamas dansū, woresitū ra taveniri enugkimi ugi sentevives enugkimi; ĭm ra sentevives enugkimi ugi nelekon;

⁶ĭm ra nelekon enugkĭmi ugi netevani aremī; ĭm ra netevarū aremī ugi nemolsep; ĭm ra nemolsep enugkĭmi ugi sesie iran Nōbū;

⁷im ra sesie iran Nōbū enugkĭmi nelĭntugi nisekonda rapmisīeme; ĭm ra nelintugi nisekonda rapmisīeme nelintugi.

⁸Im nagku imo sū wante enugkimi ugi horog tamas, kĭmi kūtū ante wokon kō kwampūn ugi nointanwi nokili eni Iesū Krĭstō Novsūromon enugkos.

⁹Popōwo iyi mori ĭm tawi isen imo sū tiame iyi nimte, umagesi wokon ūmpotipot, popōwo iyi otū onenteme memagkū, dūmūsendumi iyi marugi sat sū etūwi isen.

¹⁰Popōwo pe sugkū, ravetsīme, watikisah tamas worumpi ūnam tampolokūm ugi; popōwo nagkū kwonumpi imo sū, ĭtnesog kūtū wontoreleki kĭmi:

¹¹popōwo wonumpi tamas aremī nogūn selat, ra lō unam eni Iesū Krĭstō Novsūromon enugkos.

¹²It kimi kūmūkili imo sū tiame, ĭm kĭmi kūmūte ūnam ra nam okovelum pugkūm, kō ya onatekisah dan sū worenūwi indowi ugi imosū pugkūm.

¹³Im ya magkū aremī, pol sugkū ya umante ra imo nimo nokolisiran, worenūatokili dan sū pugkūm ugi imo omwisū;

¹⁴popōwo ya magkili umpotipot marima dan sū enyaū, sugkū Iesū Krĭstō Novsuromon enugkos yemsesi poyaū.

¹⁵Im, ĭtnesog ya onatekisah dan sū ma kĭmi kwanti faneteme polsugkū isūma imo nomurep enyaū woreteme imo sū tiame.

¹⁶It kam letūri nam nagkaūintan nimpiri namlī, polsugkū kam lesūli pugkūm horog ĭm nivelum eni Iesū Krĭstō, kō kam pe kam ka lokesi horog nusian isen.

¹⁷Popōwo yivi marugi Nōbū Itemen sesie ĭm nilasilaswi, polsugkū yivelum pugi sī navian marugi nilara horog nūsian, memokū, Imo oti Netūg paū, ĭm yakum navos ugi iyi:

¹⁸ĭm imo navian kam lorigi kam pe kam marugi pokop pol sugkū kam lete dal iyi ra numpūo tumpora.

¹⁹Im umante dalekos nam aremī ĭm ĭtnesog, dūmūtīyi ōvun profet; ĭm aremī kwandigugi pe kĭmi, sugkū lamp umneliugesi ra sī nelevokevat, mafeli numtindan, ĭm mosi dan wontūōk ūnōwami:

²⁰ūkili imo mampūm kĭmi, memagkū, tawi sī fan pelah sī ra netiyi tumpora ōvun profet dumūnūwi.

²¹Popowo dūtūvī ĭmpelum wokon ōveteme nam ōvun profet dūmūnūwi: kō ōveteme eni Nōbū dūmūnūwi sugkū Naviat Tumpora yemetipe ūnōwanda.