Read Sie I. Yoane. 1 Bible Online

I. Yoane. 1 - Sie bible

I. Yoane. 1

¹Ima mori yemeti marugi natepotni ĭm kam morigi, memokesi ugi nimetemam, memtopneme iran melekavi ugi nokepmam popowo ugi Nam Nomūrep

²(ĭm yemenūatumpeni imo nomūrep, kam lokesi, memumpūvsokugi, memsūli pugkum imo nomurep, numūrep ūvrūne, mori yemeti ūndū Itemen, ĭm yemetūratumpene pugkam);

³ima mori kam mokesi memorigi kakĭm lanūwi pugkūm sugkū, ma kĭmi kwampai sugkū imo siame dalekam; ĭm ĭtnesog, imo navos enugkam popōwo ugi Itemen ĭm Netni Iesū Krĭstō kam endal:

⁴ĭm imo siame ka kĭm litaiyi pugkūm, memagkū ūvwarugi navos enugkam.

⁵Im imo oti nam kam lorigi marugi iyi, memsūli pugkum, ma Nōbū oti nilara ĭm tawi, tawi indowi sai nelebokevat iran.

⁶Kō potnagkū ka kĭm lanūwi ĭm lagkū ka kĭm lante aremai dal iyi, memavan ra ilebokevat, ka kĭm lamlai, ĭm tawi aremai nompūrak enugkam:

⁷kō nagku kos kelenavan ra nilar, sugkū iyi umante ra nilara, kos kelante aremai saiteven dalekos, ĭm de eni Iesū Netni eni osendumsi irant marugi sat sū omwisū.

⁸Nagkū koskĭm lanūwi ĭm langkū tawi sat enugkos, koskīn lempiriwugkos, ĭm tawi sai ĭtnesog.

⁹Nagkū koskelanūa tumpene satsū enugkos, iyi ĭtnesog ĭm tanepo worefielentugi satsū enugkos, im woresendumsi irant marugi ōvun netūlanepo omwisū.

¹⁰Im nagkū kos kĭlanūwi memagkū kos kĭmletū umpi sat, koskĭm lanūwi ĭm langkū iyi umamlai, ĭm nam eni tawi ūnisog kos.