Read Sie I. Yoane. 2 Bible Online

I. Yoane. 2 - Sie bible

I. Yoane. 2

¹Ovunyan paū sorūg, ya umnetaiyi imo siame pugkūm, mamagkū ūtū wumpi sat kĭmi. Bot nagkū sai onumpi sat, umante sai Nesitū enugkos pugi Itemen, Iesū Krĭstō neteme tanepo:

²ĭt iyi tampenum taiwi ugi sat sū enugkos; ĭm tawi nisekont wokon, kō ni ekonda sugkū lō sū lō sū ra nemap omwisū.

³Im ugi imo kos kelagkili ma kos kemlagkili iyi nagkū kos kelnenalekoleki ōvun nam alam isen.

⁴Iyi mori umagkū, ya magkili iyi, metū alekoleki ōvun selenivi nam eni, umnamtai, ĭm nam ĭtnesog tawi ūnisog iyi:

⁵kō iyi mori umampaieves nam isen, ĭtnesog umakopeli nelintugi eni Nōbū ūnisog iyi. Im popōwo ugi imo kos kemlagkili ma kos ūnisog iyi:

⁶iyi mori umagkū iyi umante ūnisog iyi aremai netevarū isen anti sugkū netevani isen.

⁷Ravūgsaīeme pau, ya otū onetaiyi nani alam ĭtevaū pugkūm, kō nam alam etūwai mori kūmūvai marugi natipotnin: nam alam etūwai oti saiteven mori kĭm ūrĭgi.

⁸Kō, sai nam alam ĭtevaū ya umnetaiyi pugkūm, ĭm imo tiame oti ĭtnesog ūnisog iyi ĭm ūnisog kĭmi; popōwo nelebokevat umampia pe im nilara itnesog umeselai marima.

⁹Iyi mori umagkū iyi ra nilara, miyi umnakan pugi avinsai, ĭtnesog iyi umante ra nelebokevat mafeli marima.

¹⁰Iyi mori umnelintugi avinsai umante ra nilara, iyi otū mantamsal indowi.

¹¹Kō iyi mori umnakan pugi avinsai umante ra nelebokevat, miyi umnavan ra nelebokevat, ĭm otū magkili yei iyi umampe, popōwo nelebokevat umeseni nipmi.

¹²Ya umetaiyi pugkūm, ovunyan sorūg, popōwo umafielintugkūm sat su enugkimi popōwo ugi nin isen.

¹³Ya umnetaiyi pugkūm, ōveteme talam, popōwo kĭmi kūmagkili iyi mori oti marugi natipotni. Ya umnetaiyi pugkūm, ōviarep, popōwo kĭmi kūmuntantevakepe iran diabolo. Ya otaiyi pugkūm, ōvunyan, popōwo kumagkili Itemen.

¹⁴Ya otaiyi pugkūm, ōveteme talam, popōwo kūmagkili iyi mori oti marugi natipotni. Ya otaiyi pugkūm, ōviarep, popōwo kimi faneteme, ĭm nam eni Nōbū umante ūnisog kĭmi, ĭm kĭmi kūmūntantevakepe iran diabolo.

¹⁵Utū olintiugi nemap, ĭm tawi entiame ra nemap. Nagkū sai olintugi nemap, nelintugi eni Nōbū tawi ūnisog iyi.

¹⁶Popōwo tiame sū, ra nemap, nilasivien nokolisiran, nilasivien nipmi neteme, ĭm nilaswi nindūavū ra imo nomūrep, irora tawi marugi Nōbū, kō marugi nemap.

¹⁷Nemap umampia, ĭm nilasivian isen: kō iyi mori umnumpi sugkū tarū eni Nōbū antindowi ūvum nevisū.

¹⁸Ah ovunyan, sorug, nempugon aveni marima: ampelum novsin nakan eni Krĭstō sugkū kūmūrigi, ĭm sugkū marima umanti sikat novsin nakan eni Krĭstō; ĭm popōwo pe kos kimlagkili ĭtnesog memagkū imo oti nempugon aveni marima.

¹⁹Dūmūve marugkos, kō irora dūtūte dalekos ugi tarū saiteven; popōwo nagku irora dalekos ugi tarū saiteven pūtendowi dalekos; kō dūmalō marugkos ma worampesog memagkū tawi irora sū omwisū dalekos.

²⁰Kō yemumpalug irami Iyi mori tumpora aremai, ĭm kĭmi kumagkili tiamesū omwisū.

²¹Yaū metū etaiyi pugkūm powōwo kĭmi kūtūmagkili nam navosavos, kō popōwo kĭmi kumagkili sū, ĭm popōwo tawi sai nam saiteven nagkū ra nam ĭtnesog.

²²Im mē neteme namlai? iyi mori umagkū Iesū tawi Krĭstō. Imo oti novsin nakan eni Krĭstō mori umenūaveni Itemen ĭm Netni.

²³Iyi mori umenūaveni Netni, ĭtnesog Itemen tawi ūndū iyi: iyi mori umanūatumpeni Netni okovai Itemen sugkū.

²⁴Kō ugi kĭmi, aremai antindowi ūnisog kĭmi imo mori kūmūrigi marugi natipotni. Nagkū imo mori kūmūrigi marugi natipotnin antindowi ūnisog kĭmi, kwantindowi kimi sugkū ūnisog Netni, ĭm ūnisog Itemen.

²⁵Im imo nam ūnam isen yepinenūwi pugkos, memagkū nomūrep ūvrūni.

²⁶Im ya otaiyi imo tiame pugkūm ugi irora mori ūmnakaiugi woretorokūm nagkaū.

²⁷Kō ugi kĭmi, umantindowi ūnisog kĭmi nesovelives mori yemumpi irami, ĭm tawi ma saimōmū ontavsogkūni; kō sugkū tavsogi nesovelives isen umentavsogkūm popōwo ugi siame sū, ĭm ĭtnesog, ĭm tawi namlai, ĭm sugkū umentavsogkūm, kūmantindcwi ūnisog iyi.

²⁸Im ya umagkū pugkūm, ah ovunyan pau sorūg, ūtindowi ūnisog iyi; ma, nagkū anūatumneni iyi, ma koskel antindowi ūnam ūnōwant, im metū narumprum ūnipmi isen polsugkū iyi ampelum.

²⁹Im nagkū kūmagkili ma iyi tanepo, kĭmi kumagkili ma irora sū umnumpi aremi, ūmumpi popōwo dūmumprokomol ĭtevaū ugi iyi.