Read Sie I. Yoane. 4 Bible Online

I. Yoane. 4 - Sie bible

I. Yoane. 4

¹Ravūgsaīeme paū, ūtūtavnirigi ōveteme omwisū kĭmi, kō ūsorugi aremai nam numpūvsok iranda, worūkili nagkū dūmne ra Nōbū kū tawi: popōwo sikat ōvun profet nempiri live ra nemap.

²Kwagkili Naviat eni Nōbū ugi imo: ōveteme omwisū mori ūmanūwi memagkū Iesū Krĭstō yevelum ra nokolisiran irora isen Nōbū:

³ĭm ōveteme omwisū mori ūtūmtavniri iran Iesū irora tawi isen Nōbū; imo oti naviat novsen nakan ra Krĭstō, ĭm kimi kūmūrigi ma iyi ampelum: ĭm ĭtnesog iyi okovelumsū ra nemap.

⁴Kūmne na Nōbū, ravūgsaieme paū, ĭm kĭmi kūmtantevakeve iranda: popōwo iyi mori ūnisog kĭmi mōmū horog iran iyi mori dal ōveteme ra netnap.

⁵Irora sugkū lō ra nemap: ĭm popōwo pe irora ūmanūwi sugkū ōveteme ra nemap, ĭm nemap umandegora.

⁶Kam isen Nōbū: iyi mori umagkili Nōbū umandegi nam enugkam; iyi mori yetūmne ra Nōbū otūmandugkam. Im ugi imo koskemlagkili naviat itnesog, ĭm naviat nempiri.

⁷Ravūgsaieme paū, aremai koskelilentugkos; popōwo ĭtnesog nelintugi yemne ra Nōbū; ĭm irorasū mori umnelintugi dūmumprokomol ugi Nōbū, ĭm irora umagkili Nōbū.

⁸Iyi mori otūm nelintugi otūmagkili Nōbū; popōwo Nōbū oti nelintugi.

⁹Im ugi imo yemetūratumpene nelintugi eni Nōbū ūnisog kos, ĭt, Nōbū yemtamūli Netni eni ra nemap, ma koskelamūrep ugi iyi.

¹⁰Im ime, pe nelintugi itnesog, tawi ma kos ĭm nelintugi Nōbū, kō ma iyi yemelĭntugkos, memtamūli Netni paū eni tampenum taiwi sat sū enugkos.

¹¹Ravūgsaieme paū, nagku Nōbū yemelĭntugkos tamas wokon sugkū, aremai kos kelelintugkos.

¹²Tawi sai neteme yemokesi Nōbū ra ōvun nempugon sū; nagkū koskelintugkos, nelintugi eni Nōbū antindowi ūnisog kos, ĭm nelintugi enugkos ampwarugi nisekon iyi;

¹³ĭm ugi imo koskemlagkili ma koskemlantindowi ūnisog iyi, ĭm iyi ūnisog kos, popōwo iyi yemevugkos Naviat eni.

¹⁴Im koskemlokesi ĭm lenumpūvsok ugi ma Itemen yemtamūli Netni woreti Nēyōwara ra nemap.

¹⁵Iyi mori anūatumpene ma ĭesū eni Netni Nōbū, Nōbū antindowi ūnisog iyi, ĭm iyi ūnisog Nōbū.

¹⁶Im koskemlagkili ĭm lentavnirigi nelintugi eni Nōbū nisekont. Nōbū oti nelintugi: ĭm iyi mori umantindowi ra nelentugi umantindowi ūnisog Nōbū, ĭm Nōbū umantindowi ūnisog iyi.

¹⁷Im popōwo pe sugkū umnumpi horog nelintugi ūnisog kos, ma sugkū kos kelante ūnam ran dan nūrian; popōwo pe sugkū iyi umante ra nemap, ĭm kos sugkū kos kemlante ra nemap.

¹⁸Tawi sī nemetet ra nelintugi; popōwo nelintugi aremai umesatevugi nemetet, popōwo umante nūrian ra nemetet; ĭm iyi mori umnemetet ĭtnesog nelintugi eni tawi faneteme.

¹⁹Kos kemnelintugi, popōwo iyi yemlintugkos mampūm.

²⁰Nagku sai noteme anūwi magkū, iyi umnelintugi Nōbū, ĭm iyi umnakan pugi avin sai, iyi umnamla: popōwo iyi mori otum nelintugi avin sai mori yemokesi sū itnesog iyi tawi faneteme worelintugi Nōbū yetokesi.

²¹Im imo nam alam kos kemlivai marugi iyi, ma iyi mori umnelintugi Nōbū aremai iyi onelintugi avin sai sugkū.