Read Sie I. Yoane. 5 Bible Online

I. Yoane. 5 - Sie bible

I. Yoane. 5

¹Irora sū mori ūmantavniri ma Iesū oti Krĭstō ūmmprokomol ugi Nōbū: irora sū umnelintokonda ōvetemenda ōvunyan umnelintokonda ōvunyan isenda sugkū.

²Im imo numpuvsok ma kos kĭmelintokonda ōvnetnime eni Nōbū, popōwo kos konelintugi Nōbū, ĭm lisendiuki ōvun selenivi nam eni.

³Im nelintugi enugkos pugi Nōbū oti imo, ma kos kwonalekoleki ōvun nempasewugi isen: ĭm ōvun nempasewugi isen tawi nugkugko.

⁴Irora sū mori dūmumprokomol ugi Nōbū ūmentantevakepe iranda ōvun tiame sū ra nemap: ĭm imo mori umnumpi kos woretantevakepe iranda ōvun tiame ra nemap, mori tavniri enugkos.

⁵Im mē mori yemtantevakepe ra ōvun tiame ra nemap, iyi mori yemtaviniri ma Iesū oti netni eni Nōbū.

⁶Imo iyi mori yivelum ugi nō ĭm nde, mori Iesū Krĭstō; ĭm tawi ugi nū wokon kō ugi nū ĭm nde sugkū.

⁷Im Naviat Tumpora umampūvsok ugi iyi, popōwo ĭtnesog Naviat Tumpora.

⁸Popōwo desel umampūvsok, mori Naviat Tumpora, ĭm nū, ĭm nde ĭm irora sugkū saiteven.

⁹Nagkū kos kemlampai numpūvsok enirora ōveteme, ĭtnesog numpūvsok eni Nōbū mōmū horog tamas: popōwo numpūvsok eni Nōbū oti imo, ma iyi yemumpūvsok ugi Netni eni.

¹⁰Iyi mori umentavniri iran Netni eni Nōbū okevai ūnōwan eni numpūvsok: iyi mori otū tavniri iran Nōbū; umagkū iyi umnamlai; popōwo yetūtavniri numpūvsok eni Nōbū ugi Netni eni.

¹¹Im imo numpūvsok mori, memagkū ma Nōbū yemevugkos nomūrep ūvrūne ĭm imo nomūrep umante ūnisog Netni eni.

¹²Iyi mori umante ūndū Netni eni Nōbū umamūrep; iyi mori tawi ūndū Netni eni Nōbū tawi nomūrep isen.

¹³Imo tiame ya umnetaiyi pugkūm, memagkū kwagkili magkū kĭmi kūmūvai nomūrep ūvrūne, pugkūm mori kūmūtavniri ra nin eni Netni eni Nōbū.

¹⁴Natekisah enugkos pugi oti imo, ma nagkū kos kelenesenegi sai entie sai sugkū ugi tarū eni, iyi umandugkos:

¹⁵ĭm nagku kos kemlagkili magkū iyi umandugkos ugi tiame sū kos kemlesenigi ugi, koskemlagkili ma kos kelevai marugi iyi sugkū nesenigi enugkos.

¹⁶Nagkū sai neteme agesi avin sai umpi sat tawi nemas ugi, armai iyi osenigi, ĭm Nōbū ampugi nomurep nisekonda mori dūmumpi sat, kō tawi sat nemas ugi. Sai pe sat nemas ugi: ya otū magkū iyi osenigi ugi imo.

¹⁷Ovun netūtanepo omwisū oti sat: kō sai sat ĭm tawi nemas ugi.

¹⁸Kos kemlagkili memagkū ma irora sū dūmumprokontol ugi Nōbū ūtū umpi sat; popōwo iyi mori yemumprokomol ugi Nōbū umafinte iyi, ĭm iyi mori narekisat tawi faneteme worumpi nugkugko iran.

¹⁹Kos kemlagkili ma kos isen Nōbū, kō ōveteme omwisū ra nemap ūmante dal iyi mori narekisat.

²⁰Im kos kemlagkili ma Netni eni Nōbū okovelum, ĭm yemevugkos nelekon, ma kos kelagkili iyi mori oti tanepo, ĭm kos ūnisog iyi oti tanepo, iyi mori Iesū Krĭstō Netni eni. Imo oti Nōbū itnesog, ĭm nomurep ūvrūni.

²¹Ovunyan paū enyau, ūfinte kĭmi marugi sokowara ra ōvun natmas.