Read Sie II. Yoane 1 Bible Online

II. Yoane 1 - Sie bible

II. Yoane 1

¹Nempasewugi eni neteme tavsogi pugi nasiven tampoli tanepo ĭm ōvunyan eni, mori ya umnelintugkūm ĭtnesog; ĭm tawi yaū wokon, kō omwisū mori ūmagkili nam alam tanepo;

²popōwo ugi nam tanepo mori umantendowi ūnisog kos, mōmantendowi dal kos ūvūm nevisū:

³Itemas pau, ĭm togesoveli, ĭm ninparata wante mante dal kos marugi Nōbū Itemen, ĭm marugi Iesū Krĭstō, Netni eni Itemen, ugi ĭtnesog im nelintugi.

⁴Yaum navos tamas wokon popōwo yaum magessora nugkon ra irora ovunyan enugkĭk ūmnavan ra nam tanepo, sugkū kos ĭm livai ra nam alam marugi Itemen enugkos.

⁵Im yaum nesenugkĭk nasemnalam, tawi sugkū nagku ya onetaiyi sai nam alam ĭtevaū, kō sugkū mori kos ĭm livai marugi natipotnin, ma kos kelelintugkos.

⁶Im imo oti nelintugi ma kos kelenavan sugkū ōvun selenivi nam isen. Im imo oti nam alam mori, ma kwonavan kĭmi sugkū kūmūrigi marugi natipotnin.

⁷Popōwo oveteme nimpiri sikat ūmampe ra nūrū sū nūrū sū, mori ūmagkū Iesū Krĭstō yetuvelum ra nemap, tawi. Imo oti nimpiri ĭm novsin nakan eni Krĭstō.

⁸Ufinte kĭmi ma kūmūtūtinepe tavsogi mori kam ĭm lumpi sū kō ma kĭmi kwampai omwisū aremai ugi.

⁹Iyi mori umnumpi sugkū tarū isen ĭm otū mantindowi ra tavsogi eni Krĭstō, otū vai Nōbū: kō iyi mori umantindowi ra tavsogi eni Krĭstō, okevai Itemen ĭm Netni.

¹⁰Nagku sai neteme ampelum pugkūm, ĭm iyi otū vai imo tavsogi, ūtū vai iyi ra ōvun nimo enugkĭmi, ĭm ūtū wampasewugi iyi:

¹¹popōwo iyi mori um nem pasewugi umumpai nipmi numpurak nagkaū isen dal iyi.

¹²Popōwo umante sikat tiame woretaiyi pugkūm, ko ya otū akaiugi woretaiyi ugi pēper ĭm gik. Kō yaum magkū ya ampelum pugkūm, ma kos kelen tampe, kos pe kos dal yaū, ma sugkū kwampai sū navos enugkimi.

¹³Ovunyan eni avinsai tampoli enugkĭmi ūmagkū, kĭmi paū.