Read Sie Jūd 1 Bible Online

Jūd 1 - Sie bible

Jūd 1

¹Yaū Jūd, lĭvsaū eni Iesū Krĭstō, ĭm avinsai eni Yakobo, pun ora mori dūmūvrokonda, ōvun tampolives eni Nōbū Itemen, ōvun nefinte nisekon Iesū Krĭstō:

²Itemas paū ĭm ninparata ĭm nelin tugi pugkum wantin tan damsah.

³Ravūgsaiemo pau, pol sugkū yaū ĭm atekisah tamas woretaiyi pugkūm ugi nomūrep avrūni nisekonda oveteme omwisū, yaū mokū ūnōwag ma ya onetaiyi pugkūm woreyevekūm woratekisah ugi tavniri yetin temimpe nempugon sativen indowi pun ora ōvun tampoli.

⁴Popōwo okovelum pugkos ugi nimpiri, mori irora mori dūmūtaiyi ugi irora ĭtetūwai nimūn imo neworapatevi iranda, ōvun narekisat, dūmūvoli itemas paū eni Nōbū enugkos ra nilaūviansat, ĭm dūmūsendūeye Narisah Novsūromon, Iesū Krĭstō enugkos.

⁵Yaum nakaiugi worenūatokeli pun ok, kō kokili sū imo sū omwisū aremai, ma Novsuromon yemyeviēyōwara sai lō marugi Ityep, ĭm penuri yemtavtiti irora mori dūtū tavniri.

⁶Im ōvun nagelo mori dūtūantindowi ra narisah enirora, kō dūmūwi nūrū isenda dūmūtewi, iyi umefinte irora nimūn nagelaū wokon indowi ĭm nelebokevat tovuni nūsian nūrian ran dan nisah.

⁷Sugkū oveteme Sodom ĭm Komora, im oveteme ra nūrū sū magkaūwokonda, mori dūmūtinimpe irora sugkū pugi tampalaū, ĭm dūmūri oveteme ōvūn natemas, iyi umefinte irora nimsin nesorū nūsian ra nom ūvūm nevisū indowi.

⁸Im sugkū, irora ūmnumpi nemeviak nililūō ūr iranda irora, ĭm irora ūmsendūekye narisah, ĭm tavūntan ōvun nilasewi.

⁹Kō Maikel, nagelo nūsian, pol sugkū yemyevi ugi natekisah Diabolo ugi nokoliūran eni Moses, kō yememtitugi worenūwi nam nugkugko iran, kō yemokū, Narisah onūrian iram.

¹⁰Kō imo ovragi ūmūntavūntan ra tiame mori irora ūtūmagkilĭ ugi: Kō ūmentavtiti irora ra tiame mori irora ūmagkili sugkū ōvun nūrah, mori tawi tarū enirora, kō ōvun nūrah wokon.

¹¹Owai iranda! irora dūmumpi numpurak sugkū eni Kēin, ĭm dūmalō ra netevarū neyompeli eni Belam ugi nipmi,

¹²ĭm dūmūtavtiti irora ra sendūekye eni Kora. Irora sugkū nevat impwap ūr ra narigari nelintugi enirora pol sugkū irora ūmneni nevag dal kĭmi, ōvun nefinte mori ūmnavugora, irora pe irora, ĭm tawi nemetet; sugkū nakūp tawi nebib iran, ōvun nemetagi umnelimse; ōvun ne ra nakes tawi novwan, okmaswi nempugon dūrū, ūmuntori noatnin;

¹³ōvun nimpiaū domo ran tokintan, tawi noatnin; ōvun nimpiaū domo ran tokintan, umákĭk narumprum enirora; ōvun moū nagon, umafinte nisekonda nelevokevat ra nelebokevat wokon nakumsū indowi.

¹⁴Im pun ora Inok, mori sukrim dūrūgi marugi Adam, yemevsemevseugi, memokū, Urigi, Nov sūromon yivelum ĭm dal iyi ten taūsan ōvun tanepo eni, worūrian iranda oveteme omwisū,

¹⁵ĭm worumpi nurian noveret iranda ūtūm mosesie ra Nōbū, mori irora umnumpi numpūrakindi wokon dan sū omwisū mūrigi sat ugi nin eni Nōbū, ĭm ugi ōvun nam sat mori ōvun narekisat dūmūnūwi iran Nōbū.

¹⁶Imo irora mori ūmentevirat, ōvun norigi sat, ūmnūri nilaūvian sat enirora, ūmanūwi nam tamas narigi enirora, sebit nam tawi fan, ūmeseū iranda ōveteme ugi nipmi nimūn.

¹⁷Kō ravsūgsaieme, ūrigi kĭmi nam dūpmūnūwi ōvun apostol eni Iesū Krĭstō Novsūromon enugkos, mori dūmūnūwi pugkūm memokū,

¹⁸Ra nempugon ra nisah wanti ōvun sendūekye nano, ūmnavan ra nilaūvian sat enirora.

¹⁹Iroromo mori ūmnumpi nesesaū, mōmūwi kĭmi, nililūō tarūsū enirora, dūtūvai Naviat Tumpora ūnōwanda.

²⁰Kō ūte ūnam kĭmi, ravūgsaieme, ra tavniri enugkimi aremai indowi,

²¹ĭm mūsenigi ugi Naviat Tumpora, ūte tamas ugi nelintugi eni Nōbū, mūratevetūwi nelintugi horog eni Iesū Krĭstō Novsūromon enugkos tovune nomurep mūvrūni.

²²Ufielintokonda nugkon mori ūmentarūtarū mōĭmtamū pugkum,

²³ĭm semsempari nugkon, mūyevora marugi nom; ūfielintokonda ugi nemetet; ĭm wakan kĭmi iranda ōvun nemas nililūō ugi nokoliūran neteme.

²⁴Im pugi iyi mori faneteme woresemsempari irami marugi itakeli omwisū, ĭm woretipe kĭmi ūn-nipmi nilaūlasewi isen nūūan ugi navosavos ampekotekat enugkĭmi,

²⁵pugi iyi wokon, Nōbū Novsūromon enugkos, ugi Iesū Krĭstō Novsūromon enugkos, antemante nilaūlaswi, ĭm narigi, ĭm narisah, tantevakepe, ĭm horog, mampūm ra ōvun nimpugonsū, ĭm marima, ūvūm nevisū indowi. Amen.