Read Sie Reveleson 10 Bible Online

Reveleson 10 - Sie bible

Reveleson 10

¹Im yaū mokesi sai nōmū nagelo horog yemyep marugi pokop, yemevai iyi ugi nakūp; ĭm yivaiugi nunipūn ugi nūmitar, ĭm nipmi eni yeti sugkū nipminen, ĭm nowon sugktū ōvun netūrtūr nom; ĭm yivai ra nokoven sai netaiyi virok selevlevi:

²ĭm yiwai tok ugi nowon mevis, ĭm nemap ugi nowon mor;

³ĭm yemasor ugi nevian sah, sugkū laion umnasor: ĭm pol sugkū yemasor ōvun yowar seven dūmasor.

⁴Im pol sugkū yowar seven dūmdsor, yaū mokū ya onetaiyi: ĭm yaū morigi sai navian marugi pokop yemenūwi mcnmkū, Sompat tiame mori yowar seven dūmūnūwi, ĭm etū etaiyi irora.

⁵Im nagelo mori yaū mokesi yemetūr ran tok ĭm ra nemap yempaisah nokoven pugi pokop,

⁶ĭm yemenūwi nam ūnam ugi iyi mori emamūrep indowi indowi, iyi mori yemumpi pokop ĭm tiame ra mumpon, ĭm nemap ĭm tiame ra mumpon, ĭm tok ĭm tiame ūnisog, memagkū otū anti nempugon sai mōmū:

⁷kō ran dan sū ra navian eni nagelo sūkrim dūrigi ugi, pol sugkū emagkū iyi oneli, ima nempugon onekompeli tiame mori Nōbū yemetiumpeni, sugkū nam navosavos mori yemsūli pun ora ōvun profet ōvun levsaū isen.

⁸Im navian mori yaū morigi marugi pokop, yaū momorigi yemenūwi poyaū, memokū, Eve, pai netaiyi mori umeselevlevi ra nokoven eni nagelo mori emantūr ra nemap ĭm ran tok.

⁹Im ya okeve pugi nagelo, memenūwi pugi magkū iyi ampoyau netaiyi virok mori. Miyi yemenūwi poyaū, mokū, Vaipe, ĭm eni omwisū, ĭm iyi onumpi netnom nakan, kō ra nūgom kandigi aremai wokon sugkū huni.

¹⁰Im yaū mpai netaiyi virok marugi nokoven eni nagelo, ĭm moni omwisū: ĭm yeti ūnugūg aremai wokon sugkū huni: kō nagku yaū meni sū, yemumpi nakan ūnetnig.

¹¹Im dūmūnūwi poyaū, memokū, Kĭk anūwi mōmū nam eni Nōbū punora netevokontu sikat ĭm pun ora ōvun lō tamas im ra ōvun nam ĭm punora ōvun fan lō sikat.