Read Sie Reveleson 11 Bible Online

Reveleson 11 - Sie bible

Reveleson 11

¹Im dūmovoyaū sai denyūg sugkū netevane: ĭm sai yemenūwi, memokū, Etūk, ĭm safigi tempel eni Nōbū, ĭm nefate, ĭm irora mori ūmnufwaki ra mumpon.

²Kō temne mori rantanepop tempel, owi etū safigi iyi; popōwo dūmūvun ora ōvun lō domo: ĭm irora wonowai siti tumpora memavan iran itais forte-tū.

³Im ya antipe ōvun numpūvsok endūrū enyaū, ĭm irora wosūli nam wan taūsan tū hunder ĭm siksti dan, ĭm wonevaiugi irora ugi nemas nugnugko.

⁴Imo iroromo dūrū ne oliv ĭm kandelstĭk dūrū ūmentampero ūnipmi eni Nōbū mori itisisen nemap.

⁵Im Nagkū sai Neteme emagkū iyi onumpi irora ūr, amne nom marugi nūgonda mōmemtalugi ōvun novsin nakan enirora: ĭm nagkū sai neteme onakaiugi worumpi nugkugko iranda, ĭtnesog wontalugi iyi sugkū sū imo.

⁶Im dūmūvunora iroromo mori woresompat pokop, memagkū, otū ampip ra ōvun dan sū mori polekū irora ūmesūli nam: ĭm irora dūmūvai horog iranda ōvun nū woretampolora sugkū de, ĭm woretai nemap ugi neliliki omwisū, ĭm dan sugkū, sugkū irora ūmna-kaiugi.

⁷Im pol sugkū irora wonekompeli numpūvsok enirora, nūrah mori amsah marugi nokol numpooū onavakat iranda, ĭm iyi ontantevakepe iranda, mōimtalokonda.

⁸Im ūmnale nokolisiranda ra selat ra siti nūsian, mori umnatovnin ugi nam nugkaūintan, Sodom im Ityep, yūi sugkū dūmūtalugi Novsūromon enugkos ra ne ūmparom.

⁹Im morokonda ra ōvun nam im lō sū, ĭm ūmūnūwali pun ora ōveteme woretūtenemora nokolisiranda ōvun numpūnaranda, ūmnale wokon dan desel ĭm nivlugkon sai ra devatugi popōwo nugkugko woretipe irora ra veliteneme.

¹⁰Im ōveteme mori ūmane re nemap umnavos ugi, memenuwi sebat nam iranda; ĭm irora ūmnumpi itemas ra noete nisekonda irora pe irora; popōwo iroromo imo profet endūrū ūmnumpi nililiki iranda ōveteme ūmante ra nemap.

¹¹Im nagkū isūma dan desel im nevlugkon saiteven nesumsah eni Nōbū yemtorimpe ūnisog irora, ĭm dūmūtūōk ūnowonda; ĭm nūsian nemetet yemomol iranda mori dūmūtopotneme iranda.

¹²Im irora dūmūrigi sai navian horog marugi popok yemenūwi pun ora, memokū, Uvelum, ĭm sah pelum ĭgko. Im irora dūmūsah ūnpokop ra sai nompwaū; ĭm ōvun novsin nakan enirora dūmokesora dūmūre.

¹³Im ra ima aūor vemetepū sai nomiok nūsian, ĭm yemumol nevlugkon saiteven ra nevlugkon ten ra siti mori yomol; ĭm dūmas ōveteme seven taūsan ugi nomiok mori; ĭm nugkon mori dūmūte, mori dūtūmas, dūmetet tamas, ĭĭm dūmūnūwi nilaswi ĭm dūmumpalugi iran Nōbū ūnpokop.

¹⁴Norigumpūnū ĭm nililiki tamas dūrūgi ūveasu: pah! Norigumpūnū deselugi ampelum marima wokon.

¹⁵Im nagelo sūkrim dūrigi yemneli; ĭm penūri ima ĭm yemūri ōvun navian nūsian ūnpokop dūmūnūwi, mūmokū, Itirora eni Novsūromon enugkos, ĭm Krĭstō isen, lō sū lō sū ra nūrū sū nūrūs ra nemap omwisū: ĭm iyi onarisah ūvūm nevi sū indowi indowi.

¹⁶Im irora mori ōvun elder twente-for, mori umatesep ūnipmi Nōbū ra ōvun potnumpūtūō irora, dūmumol ra nipmi enirora ra nemap,

¹⁷ĭm dūmūteveta iran Nōbū, dūmūnūwi, mūmokū, Ka kĭm umpalug iram, Ah Novsūromon Nōbū, Tantevakepe, mori umante ĭm yemete popōwo kovai horog nūsian enugkĭk, ĭm kĭm ari.

¹⁸Im lō sū ra nemap dūmakan, ĭm narakai enugkĭk yivelum, ĭm nempugon worūrian iranda ōvun nemas, ĭm nempugon worevunora ōvun profet ōvun levsaū enugkĭk nelintugi isenda, ĭm pun ora ōvun tanepo, ĭm pun ora ūmnelintugivee nin enugkĭk ōveteme wokon, ĭm ōveteme horog; ĭm worumpi nugkugko iranda mori ūnumpi nugkugko ra nemap.

¹⁹Im yetin taipelah tempel eni Nōbū mori ūnpokop; ĭm dūmokesi ūnisog tempel isen lō ra nam numpūvsok eni iyi; ĭm penūri yemetepū torepis, ĭm ōvun navianda, ĭm yowar, ĭm nomiok, ĭm nūsian nebib nevat.