Read Sie Reveleson 15 Bible Online

Reveleson 15 - Sie bible

Reveleson 15

¹Im yaū mokesi sai mōmū safi ra pokop, horog ĭm navlugi nūsian, memagkū, ōvun nagelo seven dūmūvai ōvun morigumpūnū nililiki seven, mori aveni, popōwo ra irora Nōbū onakompeli narakai eni.

²Im yaū mokesi sugkū tok nainaū yemsompelūlye ugi nom; ĭm irora mori dūmūtantevakepe iran nūrah mori, ĭm iran safi eni, ĭm iran number eni nin isen, ĭm dūmūtūok ran telugon tok nainaū mori, ĭm irora dūmūvai ōvun harp eni Nōbū.

³Im irora ūmeeemsi narūfo eni Moses livsaū eni Nōbū, ĭm narūfo eni Lam, memagkū, Ovun numpūrak enugkĭk oti nūsian ĭm navlugi tamas wokon, Ah Novsūromon Nōbū Tantevakepe; ĭm nogko ĭm tanepo ōvun netevarū sū enugkĭk, Natemonok ra ōvun nempugon sū.

⁴Mē otū nemetet. Ah Narisah, iram? ĭm mē otū onumpi nilasilaswi ra nin enugkĭk? popōwo kĭk aremai wokon; ĭm lō sū omwisū wampelum ĭm wonteveta ūnimtum, popōwo umenūatumpeni sū ōvun nunipūrakeves omwisū enugkĭk.

⁵Im penūri imo sū ĭm yaū mokesi, ĭm pah, nefati ra nimo tumpora ra numpūvsok ūnpokop yetin taipelah:

⁶ĭm dūmūvelum marugi nefati ōvun nagelo seven mori dūmūvai norigmpūnū nugkugko seven mori, ĭm dūmūevarugi ugi ōvun nevat aremai wokon, sentivives ĭm lilareves, ĭm dūmūtoetiyi nalaūmata kold.

⁷Im sai ra irora ōvun nūrah nomūrep yemevun ora ōvun nagelo seven, ōvun beson kold seven ūvwarugi narakai eni Nōbū, mori amūrep indowi indowi.

⁸Im nimo tumpora yovwara ugi nūgon nom marugi nilasilaswi eni Nōbū, ĭm marugi horog isen; ĭm tawi sai neteme faneteme worintorimpe ra nimo tumpora mori, mafeli norigumpūnū nugkugko seven isenda ōvun nagelo seven yemekompelisū.