Read Sie Reveleson 22 Bible Online

Reveleson 22 - Sie bible

Reveleson 22

¹Im iyi yemsesi poyaū sai nintelep ugi nū nomūrep ūvrūne, nilarves sugkū kristal, yemne marugi potnumpūtūwo eni Nōbū ĭm isen Lam,

²ilevoteven mumpon selat alam eni. Im ra nugkon ĭm nugkon nintelep yeti nē nomūrep, yoūwo ugi novwan nilepon sai ĭm sai twel, ĭm yemoūwo ra ōvun itais sū: ĭm nugklin iran nimsin worumpi torugat iranda lō sū.

³Im ūtū wante mōmū noveret iranda oveteme: ĭm wante yūi potnumpūtūwo eni Nōbū ĭm isen Lam: ĭm wonteveta ra nufwaki iran ōvun lĭvsaū isen;

⁴ĭm irora wagesi nipmi isen; ĭm ante nin isen ra nafininda.

⁵Im otū ante pūmrok nempugon sai mōmū; ĭm irora ūtū wagkū ugi nilarara lamp, kū nilarisen nipminen; popōwo Narisah Nōbū ampon ora nilara: ĭm irora wonari ūvūm nevi sū indowi indowi.

⁶Im iyi yemenūwi poyaū, memokū, Irora sū imo sū ovūn nam ĭtnesog ĭm aremai: ĭm iyi Narisah, Nōbū eni Naviat isenda ōvun profet, yemtamūli nagelo isen woresesi pun ora ōvun lĭvsaū isen ōvun tiame wonekompeli ra nempugon marima.

⁷Pah, Itnesog, ya ampelum ĭtnum marimago. Nevaieves iyi mori umafinte aremai ōvun nam ūnūatumpene ra imo netaiyi.

⁸Im yaū Yōane, yaū pe yaū mori, yaū morigi ĭm yaū mokesi imo tiame. Im polsugkū yaū morigi ĭm mokesi, yaū momol ūnipmi nowon nagelo mori yemsesi imo tiame poyaū.

⁹Kō yemenūali poyaū memenūwi memokū, Ētū umpi sugkū, tawi: yaū sai lĭvsaū torugat ūndū kĭk ĭm dal irora ravinsaieme enugkĭk ōvun profet, ĭm dal irora ūmafinte ōvun nam ra imo netaiyi: efwaki ĭm teveta iran Nōbū.

¹⁰Im iyi yemenūwi poyaū, memokū, Etū sompat ōvuu nam ūnūatumpene eni imo netaiyi; popōwo umpotipot nempugon isen.

¹¹Iyi mori tawi tanepo netevarū isen, aremai iyi onumpi sugkū netevani ūr isen; ĭm iyi mori nililūwo aremai wonumpi iyi nililūwo mōmū: ĭm iyi mori tanepo, aremai iyi onumpi tanepo mōmū: ĭm iyi mori tumpora, aremai onumpi iyi mōmū tumpora mōmū,

¹²Pah, ĭtnesog, ya ampelum ĭtnum; ĭm umante nipmi enyaū nisekon neteme, worevon ora ōveteme omwisū sugkū numpurak enirora.

¹³Yaū Alfa ĭm Omeka, natipotni tiame ĭm aveni ra tiame, neteme mampūm ĭm neteme ra nisah.

¹⁴Nevaieves iroara mori ūmesentevi nemas isenda, ma irora aremai worevelum pugi nē nomūrep ūvrūne, ĭm ma irora wintorimpe ra ōvun nūgon selat ra mumpon siti.

¹⁵Wantindowi ratilat wokon ōveteme ūr ōvun kūri, ĭm ōveteme umnumpi sokowar, ĭm ōvun tampalaū, ĭm ōvun talugi, ĭm irora ūmunteveta ra ōvun natmas ĭm irora sū omwisū ūmnelintugi namlai ĭm umanuwi namlai.

¹⁶Yaū Iesū yaum tamūli nagelo enyaū worumpuvsok pugkūm imosū tiame nisekonda ōvun kalesia. Yaū potnin isen im novsin eni Dēvid, mori mosi nilarves ĭm ūyaros ra numtin dan.

¹⁷Iyi Naviat ĭm iyi itnumpokon ra nimokelah ūmagkū, Elum. Im iyi mori umandigi, aremai iyi anūwi, magkū, Elum. Im iyi mori umampiuinnūk, aremai iyi ampelum: iyi mori umnakaiugi, aremai iyi ampai memoneki indowi nū nomūrep ūvrūne.

¹⁸Yaum numpūvsok pun ora ōveteme omwisū mori umandigi ōvun nam ūmūnūatumpeni ra imo netaiyi memagkū, Nagkū sai kū sai neteme antipe sai mōmū nam tampelugon ra imo ōvun nam. Nōbū onumpi mōmū iran mōmūgo tamas ōvun sokomūlep umnetaiyi ra imo netaiyi:

¹⁹ĭm nagkū sai neteme ampaipelah marugi nam ūmanūatumpeni ra imo netaiyi. Nōbū ampaipelah nūrū isen marugi nē nomurep ūvrūni, ĭm marugi siti tumpora, ĭm ōvun tiame unetaiyi ra mumpon imo netaiyi.

²⁰Iyi mori umentesūwai ima siame umagkū, Itne ya ampelum marima. Amen: elum, Novsūro Iesū.

²¹Itemas pau eni Iesū Krĭstō Novsuromon a mante dal irora ōvun tanepo omwisū. Amen.