Read Sie Reveleson 5 Bible Online

Reveleson 5 - Sie bible

Reveleson 5

¹Im yaū mokesi ra mumpon nokoven iyi mori yemetesep ra patnumpūtūō sai netaiyi dūmūtaiyi ra mumpon ĭm ran tan, yetin sompat nigar ugi woresompat seven.

²Im yaū mokesi sai nagelo horog yemasor ugi navian horog memenūwi, memokū, Mē fanete me woreselelevi imo netaiyi ĭm woresūli woresompat iran?

³Im yeti tawi sai faneteme ūnpokop, kū ra nemap, kū ra netnin nemap, woresolevlevi netaiyi mori, kū woretopotnemi iran.

⁴Im aū mageri tamas popōwo yetūti sai faneteme woreselevlevi netaiyi mori, kū woretopotnemi iran:

⁵kō sai ra irora ōvun nagelo yemenūwi poyaū, memokū, Etū ageri: ĭt iyi mori Laion mori marugi savitasū eni Yuda, mori Noatnin eni Dēvid, faneteme woreselevlevi netaiyi mori ĭm woresūli woresompat seven mori iran.

⁶Im yaū mokesi ilebotevin potnumpūtūō, ĭm ōvun nurah mori, ĭm ōvun elder, sai Lam yemetūr, sugkū nagkū dūmūtalugi, ĭm yeti nimpati seven iran ĭm nipmi isen seven sugkū, mirora oti ōvun.

⁷Naviat seven eni Nōbū, umentamūli ra nemap omwisū. Im iyi yivelum,

⁸ĭm paiparugi nokoven mevis eni iyi mori yematesep ra potnumpūtūō. Im pol sugkū yempai netaiyi mori, ōvun nūrah nomūrep for mori ĭm ōvun elder twenti-for dūmumol ūnipmi Lam mori, ĭm dūmūvai sai harp ra nokovenda irora sū,

⁹ĭm dūmūriuki ōvun beson kold ūvwarngi nūrah nempeneves, mirora oti ōvun nesenigi enirora ōvun tanepo. Im ĭt irora umesemsi narūfo ĭtevaū memenū vi memagkū, Kĭk aremai wokon, worevai netaiyi mori, ĭm woretaipelah woresompat iran: popōwo dūmūtalugkĭk, ĭm kĭm sevasi nisekon Nōbū ugi de enugkĭk ōveteme marugi lō su

¹⁰ĭm savetasū ĭm nūrū ĭm nam sū, ĭm ōvun lĭvsaū tumpora; ĭm irora wonari ra nemap.

¹¹Im yaū mokesi, ĭm yaū morigi navian eni ōvun nagelo sikat agkaūwugi potnumpūtūō, ĭm ōvun nūrah nomūrep sugkū, ĭm ōvun elder; ĭm irora nūsian tamas wokon sugkū ten taūsan taūsan,

¹²ĭm ōvun taūsan ĭm taūsan mōmū: ĭm dūmūnūwi ugi navian horog, memokū, Aremai indowi iyi mori Lam mori dūmūtalugi worevai horog, ĭm nōēte, ĭm nointanwi, ĭm trougat,

¹³ĭm narigi, ĭm nilasilaswi, ĭm nevaieves. Im tiame sū dūmumpi mori umanti ūnpokop, ĭm ra nemap, ĭm ra netnin nemap, ĭm ran tok, ĭm tiame sū ūnisog irora, yoū morigora dūmūnūwi, nūmokū, Pugi iyi mori emantesep ra potnumpūtūō, ĭm pugi Lam, anti nevaieves, ĭm nesesi, ĭm nilasilaswi,

¹⁴ĭm lō sū ūvum nevi sū indowi indowi. Im ōvun nūrah nomūrep devat mori dūmūnūwi, mūmokū, Amen. Im ōvun alder dūmomol ra nemap ĭm dūmūtevita.