Read Sie Reveleson 6 Bible Online

Reveleson 6 - Sie bible

Reveleson 6

¹Im yaū mokesi pol sugkū Lam yemtaipelah sai ra irora ōvun woresompat seven mori, ĭm yaū morigi sai ra irora ōvun nurah nomūrep for mori

²yemenūwi ugi navian sugkū yowar, memokū, Elum. Im yaū mokesi, ĭm pah, sai hors nesebo ĭm iyi mori yematesep ran tan yivai nefani; ĭm dūmūvugi sai kraūan: ĭm yivelum ĭm tar ĭm melesor mem tantevakepe iranda.

³Im pol sugktū yemtaipelah wosesompat durūgi, yaū morigi ĭm nūrah nomūrep dūrūgi mori yemenūwi, memokū, Elum.

⁴Im sai mōmū hors, hors navelar: ĭm dūmūvugi iyi mori yemateeep ran tan worevai nimparata marugi nemap, ĭm ma irora wontalokonda irora: ĭm dūmūvugi sai naūitūga nusian.

⁵Im pol sugkū iyi yempaipelah woresompat deselugi, yaū morigi ĭm nūrah nomūrep deselugi yemenūwi, memokū, Elum. Im yaū mokesi, ĭm pah, sai hors nakumsū;

⁶ĭm iyi mori yematesep ran tan yivai balans ra nokoven. Im yaū morigi ĭm sugkū sai navian ileboteven ūvun nūrah nomūrep for mori dūmūnūwi, mūmokū, Sai talug whit ugi peni saiteven, ĭm desel talug barle ugi peni saiteven; ĭm etū okeni oiel ĭm wain mori.

⁷Im pol sugkū yemtaipelah woresompat devatugi, yaū morigi navian eni nurah nomūrep mori yemenūwi, memokū, Elum.

⁸Im yaū mokesi, ĭm pah, sai hors nemri: ĭm nin eni iyi mori yemesesep ran tan Nemas; ĭm Hēdes yemūri iyi. Im dūmūvunora horog ra nevlugkon saiteven marugi nevlugkon for ra nemap, woretalugi ugi naūitūga, ĭm ugi temas, ĭm ugi nemas, ĭm ugi ōvun nūrah nagon ra nemap.

⁹Im pol sugkū yemtaipelah woresompat sūkrimugi, yaū mokesi ra netegon nefati naviat isenda mori dūmūtalokonda popōwo ugi nam eni Nōbū, ĭm

¹⁰popōwo ugi numpūvsok mori dūmumpūvsokugi: ĭm irora dūmasor ugi nasor tamas mūmūnūwi, mūmokū, Nempugon deve, Ah Narisah, tumpora tanepo, ĭm kĭk otū onūrian ĭm umpi nampon iranda ūmante ra nemap popōwo ugi de enugkam? Im dūmūvun ora irora sū sai nemas nataūsep nesebo; ĭm dūmūnūwi pun ora magkū woremindog lap virok, mafeli nugkon ōvun lorugat dal irora ĭm ravenssaieme isenda, mori wontalokonda sugkū, sugkū dūmūtalokonda wonekompeli saiteven.

¹²Im yaū mokesi pol sugkū yempaipelah woresompat sūkrim mesekarugi, yetepū nomiok nūsian; ĭm nipminen yetepū nakumsū sugkū potmelevag, ĭm itais omwisū yetepū sugkū de ĭm ōvun mosi

¹³dūmumol ra nemap, sugkū novwan tompi itevaū umasrem nagkū avelavel potnin ugi nemetagi horog.

¹⁴Im pokop yivia sugkū netaiyi dūmoiti avsivsi ĭm sugkū nemas itsé nagkū umnalne; ĭm ōvun numpūō sū mōvun ailand dūmūvia marugi nampond.

¹⁵Im ōvun fanlo, ĭm ōvun narisah, ĭm ōvun nivūo, ĭm ōveteme nōēte, ĭm ōvun faneteme, ĭm ōveteme nagalau wokon, ĭm ovatemonok, dūmamon ra veli ĭm ra nelep ra ōvun numpūō;

¹⁶ĭm irora ūmagkū pun ora ōvun numpūō ĭm ōvun tovat, Wamol iramam, museni iramam marugi nipmi iyi mori umantesep ra potnumpūtūō, ĭm marugi naraki eni Lam:

¹⁷popōwo dan nūsian ra narakai eninora okevelum; ĭm mē faneteme woretūr ūnipmi isen?