Read Sie Reveleson 9 Bible Online

Reveleson 9 - Sie bible

Reveleson 9

¹Im nagelo sukrimugi yemelni, ĭm yaū mokesi sai mosi morugi pokop ĭm yemomol ra nemap: ĭm dūmūvugi ki ra nokol numpooū,

²ĭm iyi yemtaipelah nokol numpooū mori; ĭm yelebokevat nipminen ĭm nūrūsū ūneai popōwo ugi nūgon nom ra nokol numpooū.

³Im dūmūvelum ōvun ūngakna marugi nūgon nom ra nemap; ĭm dūmūvunora horog sugkū ōvun skorpion ra nemap okevai horog.

⁴Im yetin enūwi punora woretū umpi ūr novlovsi ra nemap, kū sei sai telemte, kū sai nē, kō irora wokon mori ōveteme mori dūtūvai safi fieni Nōbū ra nafinen enirora.

⁵Im dūmūpasewokonda woretū talekonda, kō ma wonumpi nesorū nūsian wokon ĭm wagepai inanda itais sūkrim: ĭm nesorū isenda yeti sugkū nesorū nagkū pol sugkū skorpion umwntai neteme.

⁶Im ran dan sū mori ōveteme wonesorugi nemas, kō nugkugko, otū ampelum nemas pun ora, tawi; ĭm irora wonesenigi nemas, kō onalo morokonda nemas popōwo nigar.

⁷Im safi nokolisiranda ūngakna dūti sugkū ōvun hors ūmentavesves nimsin navakat; ĭm ra numpūnda dūmūtipe sugkū ōvun kraūan kold, ĭm niminda dūti sugkū niminda ōveteme.

⁸Im novlin numpūnda duti sugkū novlin numpūnda ovasiven, ĭm nugonda duti sugkū nugon ovun laion.

⁹Im dūmūvai brēstplēt ra nemindagonda yeti sugkū brēstplēt ra airon; ĭm navian nevlokonda yeti sugkū navian nūsian ōvun kar sikat pol sugkū ōvun hors sikat ūmnalo ra navakat.

¹⁰Im ōvun novlaiven neirora sugkū novlaiven skorpion, ĭm umante ōvun stig isenda; ĭm irora faneteme woretipe nesorū iranda ōveteme ugi novlaivenda itais sūkrim.

¹¹Im umnari iranda sugkū natemonok iyi mori nagelo ra nokol ūmpooū: im nin isen ra Hibrū oti Abadon, ĭm ra Krik nin Apolyon.

¹²Norigumpūnū itmampūm evia: pah! wampelum dūrū nomū Norigumpūnū.

¹³Im nagelo sūkrim mesikaiugi, yemneli, ĭm yaū marigi sai navian marugi ōvun nepati ra nefate kold mori emanti ūnipmi Nōbū,

¹⁴sai yemenūwi pugi nagelo sūkrim mesikaiugi, mori yivai tovwi, memokū, Sūlora ōvun nagelo devat mori dūmaitora ra nakoren nū nūsian mori Yūfretes.

¹⁵Im dūmūsul ora ōvun nagelo devat mori, mori dūmūtipe irora, nimsin ugi aūor ĭm dan ĭm itais ĭm nevi, mori dūmokū wontalokonda nugkon saiteven ra nugkon deselugi ra ōveteme.

¹⁶Im dūmūspi ōvun nilepon ōvun impaka mori dūmūsuki tan hors ra navakat yeti tū hunder milyon: yaū morigi dūmūspi irora sugkū.

¹⁷Im sugkū yaū mokesora ōvun hors ra nilasivrivor mori, ĭm irora dūmūtesep ran tanda, dūmūvai ōvun naūmata ra nemindogond sugkū nom ĭm haiasent ĭm brimston: ĭm numpūnda ōvun hors dūti sugkū numpūnda ōvun laion; ĭm dūmne marugi nūgonda nom ĭm nūgon nom ĭm brimston.

¹⁸Im ugi imosū ōvun nesorū nūsian desel, mori nom ĭm nugon nom ĭm brimston—ugi iraro dūmūtalokonda nugkon sai ra nugkon desel ra ōveteme omwisū, mori yemne marugi nūgonda.

¹⁹Popōwo horog isenda ōvun hors umante ra nūgonda ĭm ra novlaivenda: popōwo ōvun novlaivenda oti sugkū ōvun neskil, ĭm umante numpūnda; ĭm irora ūmnumpi nugkugko ugi irora.

²⁰Im nugkon ra iora ōveteme, mori dūtūtalokonda ugi ōvun nugkugko imosū, dūtūlōrileki ūnōwanda ugi ōvun numpūrak, ma irora ūtū ontevita iranda ōvun natemas ĭm ōvun natemas ra kold, ĭm silver, ĭm bras, ĭm nevat, ĭm nē; mori tawi irora faneteme worokesi, kū wororigi, kū woravan:

²¹ĭm irora dūtūrigi sat ūnōwanda ugi ōvun talugi, kū ōvun natemasevai, kū ōvun tampalaū, kō ōvun nomprok mori irora dūmumpi.