Read Silimo 1 Tesalonika 4 Bible Online

1 Tesalonika 4 - Silimo bible

1 Tesalonika 4

¹Narilak norokhwi. Wene ologun pam mesik yu moʼgulhentaik. Nis nonue ʼgain Onuk Logo aʼge Yesus en, “Henebabut Allah ogola opsogo, disogo togu lomup o, asogo togu lomup o,” oluk, egeimu moʼgulhentau wege ano henaluk o. Asogo moʼguhentigema, his en asogo togu legep aʼgeat de, pobuk mesik emin loksogo togu lorogup en, nonue ʼgain Onuk Logo aʼge Yesus emin hwedik welat henesaʼgo wusogo moʼgulhentegis ai o.

³Allah ogola en e, disogo epasu ai o, “His henebe an nebaget poluk degelak modok welat, ʼbabi tenontogwi ai aʼge tenonto erlakma en modogat wolomup o.

⁴Asogo welat, ap en honugwami loʼbok wogonobogulat e, henemin obat welat, henebe an nebaget poluk degelak welat, henebabut hegitsogo togwi aʼge togu lomup o.

⁵Is aphwami oʼborl oʼgwe aʼge en, an nebe eneperlak welat enebam aganhan agoam yogunat tenontogwi ai ʼgelaʼge togu lorogup no yo.

⁶Ai aʼge paget hegitsogo togulat e, henarilak honorokhwi enil salogo ap onugwami aʼge tenentagup o,” oluk, Allah ogola en asogo epasulat moʼgulnentasu ai o. Asogo oso ai en, nadugat nis en ogulat e, “Is aphwami ʼbabi asogo tenontogwi aʼge ai, nonue ʼgain Onuk Logo aʼge en wene enebam pouwa aʼge oruak o,” oluk, ningsogo henesaʼgo wusogo moʼgulhentige ai o.

⁷Allah en, nis wiak togu lemagoluk yoʼgo nenebesi erlak o. We, nenebe at uʼgwarek ebaget poluk, degelak welat, hegitsogo togu lemagoluk yoʼgo nenebesi ai o.

⁸Wene ai his logon en ukpogu legep holuk e, nis aphwami neniak aʼge de, ukpogu legep puk. Erlak o. We, Allah en Arogun his wokhentasu aʼge ano iagat ukpogu legep o.

⁹Ye, his-his henarilak honorokhwi enemin henedesogo wolorogup en, Allah en elirat moʼgulhentasu ai en e, pobuk an en nopaget oluk en, “His henarilak honorokhwi enemin henedesogo togu lomup o,” oluk, pelal wokho heneʼbek perakpou wom no. Erlagat o.

¹⁰His henarilak honorokhwi o Makedonia doʼgo aʼge ʼberlegat asogo henedeabonobogu legep aʼgeat de, narilak norokhwi o. Pobuk loksogoat henedeabonobogu lorogup en, henesaʼgo wusogo moʼgulhentegis ai o.

¹¹Nis en naduk moʼgulhentige ʼgelaʼgeat, henepe mosogo welat e, wene honuʼgwarek wolom aʼge nak hwalogulat, honuʼgwarek heniabukmu aʼgeat wokho noʼgulat, togu legep aʼge aiat, logo pogu lomup o.

¹²Aiat logo poluk e, is mu on en yabuk wogoʼgwe nil noʼgwi ai ʼgelaʼge tu erlakma en welat, aphwami oʼborl oʼgwe aʼge en, “Is op o,” oluk uagoluk enil pam henebabut hegitsogo togu lomup o.

¹³Narilak norokhwi. Is aphwami logon en, “Op ema o,” oluk onogola pobirak erlak welat e, aphwami waragaiam enede wiak ago ai ʼgelaʼge, his asogo henede wiak agomano oluk, wene aphwami waragai aʼge ai paget heneperlak wolom ai nebit o. Henaluk orogup en dokhumsogo moʼgulhentaik o.

¹⁴At Yesus ebe waragarik en elaluk aga ai demat oluk pobi togu lege o. Ai en, aphwami at emin hwedik welat waragai aʼge pobuk Allah en enelalugabonoboluk, Yesus emin modok welemagoluk demat wogonobua oluk pobi togu lomogat o.

¹⁵Wene nonue ʼgain Onuk Logo aʼge en egei aʼge yu moʼgulhentaik. At ebe wagoam e, is waragai aʼge ugonoboluk nis nenelaluk welege aʼge naduk eʼbek ligomul erlak o.

¹⁶Nonue ʼgain Onuk Logo aʼge ʼbogorl pam en ʼbu agokhwe re, is malaikat aʼge onue ʼgain iak loksogo eselat, Allah eʼbiʼgong iak puhasuam iak ʼbageselat, tisokhwe, aphwami Kristus emin hwedik welat waragai aʼge naduk enelalugabonobua o.

¹⁷Pobuk nis nenelaluk wolomul aʼge neneminat o hena ogola woknonoboluk ligemarik e, nonue ʼgain Onuk Logo aʼge emin ʼbogorl likholuk ʼburl eba sarlok tultik e, at emin modogat wolomul o.

¹⁸Ai en, wene ai pam his-his honogola opsogo, henede ago wat-wat togu lomup o.