Read Silimo 2 Tesalonika 2 Bible Online

2 Tesalonika 2 - Silimo bible

2 Tesalonika 2

¹Narilak norokhwi. Nonue ʼgain Onuk Logo aʼge Yesus Kristus ebe wemarik e, at emin mesikmu wolomogoluk odoknenebil wema ai paget, henesaʼgo opsogo werik o.

²Nonue ʼgain Onuk Logo aʼge wema ai erlige arat agama oluk, is aphwami logon en e, “Allah Arogun en disogo moʼgulnesi aʼgeat o,” oluk moʼgulhontogulat, is nin pema en, “Wene ebe disogo aʼgeat o,” oluk moʼgulhontogulat, is logon en, wene nis en pelal wege aʼge paget, “Ebe disogo aʼgeat o,” oluk moʼgulhontogulat, ogwi ai pam, henede perleneat nal-pal uema lei worogupno oluk moʼgulhentegis ai o.

³Aphwami logon en, “Allah nenebit o,” oluk, ukpoluk libagalat, at ebabut modok wiak aʼge ano pobuk Allah en odouk orloukmu perakpouwa aʼge ano enam agalat, asogo naduk tua ai en e, is logon en disogo ogulat, asogo ogulat, lalhonobuano yo. Nebit o.

⁴At ai ebe selakma emarik, Allah owi werikmu inla ʼguarik, uʼgwarek en erlikhwerlasulat e, “Aphwami enede di aʼge yu aʼge pam heʼberik welat erliktogwi aʼge emin, Nenaik ebe yu, oluk ogwi aʼge ai ʼberlek emin, mia nak aʼgeat de, logo re, Allah nebe anat o,” oluk ese lema ai o.

⁵ʼBerlegat asogo ema ai paget, an his henemin welat moʼgulhentasu legi ano honogola eberak erlak welegep no? Eberagat welegep epasu legi o.

⁶At ebabut wiak aʼge ebe owan wom erlak oruak ai, mu aʼge en tenak poluk oruak, oluk, henalugat o. Tenak poluk oruakma, at Allah enat, “Selakma emak o,” oluk ua hegitsogoat selakma emayat o.

⁷Aʼge re, aphwami logon en, “Allah nenebit o,” oluk, ukpoluk libagalat enebabut wiak tua aʼge, yogodak hisakho togwiat o. Aʼge re, at mesik en tenak poluk oruak aʼge ai Allah en wokhoma re,

⁸at ebabut modok wiak aʼge ai selakmayat wema. Wemarik e, wiak togwi oruakma, nonue ʼgain Onuk Logo aʼge Yesus erliktogukhwe pobuk wagalat emde age en pusogo ebe wusogo modok erlagap pouwa o.

⁹Asogo erlagap pouwa aʼge owan oruakhwe re, at ebabut modok wiak aʼge ano, Iblis en anni wogommu aphwami en erliktogulat, at ebam enede eberogulat, tuagoluk, di aʼge yu aʼge tu puk aʼge demat ʼgelaʼge elalinat tise lema o.

¹⁰Asogo tagalat e, dem wene ai aphwami enagai en woma re, Allah en delonobu aʼgeat de, at ebabut wiak aʼge ai en lal-ʼbal tagenebasuam, is en e, “Dem wene ai nenebit o,” oluk, ogu lema ano pam wiagabonobua o.

¹¹Is aphwami ai en dem wene ai demat oluk wo erlak welat, “Wiak aʼge aiat nenagai o,” oluk togu lema aʼge ai, enebe ʼberlegat Allah en wene enebam poluk wiagabenebiogoluk e, nelagenebasu aʼge anni wiak aʼge mesik perakpouma o. Perakpouma re, iak esei ua aʼgeat de, demat ʼgelaʼge wouwa ai o.

¹³Narilak norokhwi. Henebe nonue ʼgain Onuk Logo aʼge en ede hwedik oruak o. Edip pam Allah en henebe delhenebiogoluk polikhenebesimu, his en dem wene ai demat o, oluk wogulat, ye, henebe Allah Arogun en Allah uʼgwarek ebaget pagathorloluk degelogo henebasulat, taga lema ai pam delhonobua ai en, nis Allah hau woru hegitsogoat, his henebaget hau worogwi modogat welege o.

¹⁴Nonue ʼgain Onuk Logo aʼge Yesus Kristus erliktogwi modok welagai ʼgelaʼge, his asogoat henemin erlikhonobuagoluk, Allah agai en op wene nis en moʼgulhentau wege ai pam, yoʼgo henebesimu welegep o.

¹⁵Ai en e, narilak norokhwi. Wene nis en moʼgulhontogulat neniak pam en moʼgulhontogulat, pelal wokho heneʼbek perakpou wagalat, tige aʼge ai, heneʼgik ʼbetesogo tenak welat e, henannisogoat edik wolomup o.

¹⁶At nonue ʼgain Onuk Logo aʼge Yesus Kristus, nenaik Allah eʼbirek enebabut op ano en, enedeap nenebegesarik, nenede oborlogouk erlak modok welemagoluk ago weraknonobogulat, op emayat oluk ebam eberak welemagoluk nenede ʼgagalogulat, togwi o.

¹⁷Asogo togwi aʼge ai enat, his heneʼgik en op aʼge togulat, heniak pam op aʼge moʼgulontogulat, togu lorogup en, honogola obaphonobogulat, henede hurleaphonobogulat, togu lemak o.