Read Silimo Ibrani 7 Bible Online

Ibrani 7 - Silimo bible

Ibrani 7

¹Ap Melkisedek ai ebe re, aphwami o Salem aʼge onue ʼgain welat, Allah ʼgain Onuk Logo aʼge eiye welaga. Ap Melkisedek ai onuk nis neniak pam e, “ʼGain onuk logo aʼge welat ebabut hegitsogo nak tago aʼge,” oluk u ʼgelaʼge, onuk Melkisedek tuelakma ogu legesa ai. Ye, mesik e, “ʼGain onuk logo aʼge en lialiso aʼge,” oluk u ʼgelaʼge, aphwami o Salem aʼge onue ʼgain onuk logo aʼge oluk ogu legesayat. At Melkisedek ai paget e, at ia aik ai en dogoʼgwe aʼge ogulat, aʼbu eʼba ai en dogoʼgwe aʼge ogulat, at ai hwerli en dagaga ogulat, eria hwerli waraga ogulat, seʼgeksogo mesik u erlagat. Ai en e, at Allah ebe omlogo emin hegit welat, at ebe Allah eiye aʼge modok welago ʼgelaʼgeat o. Oruakma, at Abraham ap ʼgain aʼge waronoboluk togolik wagoam e, at Melkisedek ai en il haiyogoluk libagarik e, aphwami en muʼgat wusogo enebam pogwi ai ʼgelaʼge, at en e, “Allah en hebe obaphobuak,” oluk iak lobuksogo moʼgulesi. Asogo moʼgulesimu, at Abraham en, weim ai obogulat, di aʼge yu aʼge hogul wesi aʼge ʼberleg(...)

⁴Nis aphwami Israel aʼge nenaʼbu Abraham en weim ai ebiselat, di aʼge yu aʼge hogul wesi aʼge eʼgik wenakho 10 ʼgelaʼge lau wagoam mesik ʼgegilogo Allah paget poluk, at Melkisedek wogosi ai en e, nis nonogola en, “At Melkisedek ai ebe ʼgain modok,” oluk opo ai hemit!

⁵Nis aphwami Israel aʼge wene Allah en nenesaʼgo weregei wene ano pam moʼgulnentasulat, mesik disogo egei, “Di aʼge yu aʼge eneʼgik wenakho 10 ʼgelaʼge lau wagoam mesik ʼgegilogo an nobogwiam e, ap an eiye aʼge is Lewi en dogoʼgwe aʼge nak wogu lemak o,” oluk enesaʼgo weregeimu pelal wogo oruak. Is enebe mesigat aʼge ap Abraham en dogoʼgwe aʼge enarilak onorokhwi enat pogwiam wogu lemak o, oluk egei ai o.

⁶Asogo egei aʼgeat de, at Melkisedek ai, ebe ap Lewi en dogoʼgwe aʼge puk. At ebe we aʼge welarat de, at Abraham Allah en, “Obaphebik,” oluk obok moʼgulesi aʼge ano en, di aʼge yu aʼge eʼgik wenakho 10 ʼgelaʼge lau wagoam mesik ʼgegilogo Allah paget poluk Melkisedek wogesimu wesirik e, aphwami en muʼgat wusogo is logon enebam pogwi ai ʼgelaʼge, “Allah en obaphobuak o,” oluk ede aganhan ebam pesi.

⁷Asogo ebam pesi ai re, is aphwami enebe ʼgain aʼge enat onosi eneragam aʼge enede aganhan enebam pogwi ai, asogo togwi nis ʼberlegat nenalukmu no oluk e, wene ai paget eniak sagalu erlak.

⁸Is ap Allah eiye aʼge welat, is aphwami logon en di aʼge yu aʼge eneʼgik wenakho 10 ʼgelaʼge lau wagoam mesik ʼgegilogo, Allah paget pogwiam enebe aphwami waragai aʼge en wogu legesa aʼgeat de, ap Melkisedek ai nak e, elaluk welago aʼge en asogo wesi, oluk Allah iak pam pelal wogo oruak o.

⁹At wesi ai paget e, is aphwami Israel aʼge en di aʼge yu aʼge eneʼgik wenakho 10 ʼgelaʼge lau wagoam mesik ʼgegilogo Allah paget pogwiam e, is ap Lewi en dogoʼgwe aʼge wogu lemagoluk egei aʼge anoat de, at Abraham at Melkisedek emin sarlok tigisarik, di aʼge yu aʼge eʼgik wenakho 10 ʼgelaʼge lau wagoam mesik ʼgegilogo Allah paget poluk, at Lewi owan dagom erlak oruakhwe Melkisedek wogosi ai o. At Abraham en wogosi aʼgeat de, is ap enaʼgul onuk Lewi aʼge Abraham en dogoʼgwe aʼge no oluk e, is en wogegisa oluk umu re, elirat o.

¹¹Is ap enaʼgul onuk Lewi en dogoʼgwe aʼge Allah eiye logo oruakma, wene Allah en nenesaʼgo weregei wene ano wogentesi. Asogo wogentesi aʼgeat de, is en aphwami Israel aʼge ʼgaroksogo obabonobogullepma re, Allah en e, “Ap Harun en dogoʼgwe aʼge erlak o. We, an eiye Melkisedek taga laga ai ʼgelaʼge, ap mu aʼge mesik edikpaik,” oluk elip erlagat o.

¹²Is ap Allah eiye naduk aʼge ukpoluk, mu aʼge ʼget edigenebaigoluk holuk e, wene Allah en nenesaʼgo weregei wene ai ebalema wene ologun mu aʼge oluk en edigonobo yo.

¹³Wene yu nonue ʼgain Onuk Logo aʼge aʼgul onuk Yehuda aʼge pagerat o. At aʼgul onuk Yehuda aʼge oluk aphwami ʼberlegat enaluk aʼge re, at Musa en is ap Allah eiye aʼge paget eselat, is ap Yehuda aʼge onobok ese laga modok erlak o. Ai en e, is ap enaʼgul onuk Yehuda aʼge logon Allah eiye aʼge welat Allah uam warogu lemagoluk edigonobogu legesa modok erlagat o.

¹⁵Ap Allah eiye aʼge at Melkisedek ʼgelaʼge mesik inagarik oruak ai paget e, wene selakma modok oruak o.

¹⁶At ai, Allah eiye aʼge inagarik oruak ai re, aphwami en, “Ap enaʼgul onuk ai aʼge edigenebegesarikmu re, ai aʼgeat op welemak,” oluk edigonobogwi ai ʼgelaʼge, edikpesimu oruak puk. Erlak o. We, at ebaget wene disogo pelal wogo oruak. Allah en e, “Ap Melkisedek an eiye aʼge welaga ai ʼgelaʼge, hat an eiye modok-modok welerinogoluk edikhebegi o,” [22] oluk egeimu pelal wokho pegesa ai ʼgelaʼge, at Yesus pobuk warom erlak elaluk anni modok welago ai pam edikpesimu oruak o.

¹⁸Asogo oruakma, Allah en wene naduk nenesaʼgo weregei ai mia en ʼgaroksogo obabonobo erlakma en, we, almasogo welemano oluk, erlagap poluk e, pobuk wene ologun ʼget aʼge lebikpesimu re, nenebe ʼgaroksogo obapnonobua oluk Allah eʼbek horoksogo ʼgu aga lege.

²⁰Ye, wene ai Allah en hoʼbuk ʼbalogoat lebikpesi o. Is aphwami logon en e, is ap Allah eiye aʼge welemagoluk hoʼbuk ʼbalu erlakma en edigonobogwi aʼgeat de,

²¹at Yesus nak e, Allah en hoʼbuk ʼbalogo edikpasulat e, disogo moʼgulesi, “An ʼgain Nonuk Logo aʼge en hat an eiye aʼge modok-modok welerinogoluk hoʼbuk ʼbalogo edikhebegi ai, pobuk niak agamsogo wene mu aʼge mesik niak esei ik erlak o,” [23] oluk moʼgulesi.

²²Allah en, “Disogoat ʼgaroksogo obaphenebaik,” oluk wene ʼget aʼge werak poluk woknenebegei ai, demat ema oluk at Yesus ebeat edikpoluk woknentesi aiat o.

²³Ye, wene mesigat akhen oruak o. Is ap Allah eiye welat togwi aʼge ʼbekhit modok togwi erlakma enebe ebagase pam lebeksogo waragaiam e, enebalema edigonobogulat, til wagaiam enebe aʼbigat welagai ai o.

²⁴Asogo aʼgeat de, at Yesus nak e, Allah eiye elaluk modok welema ai en e, Allah en, is aphwami logon at ebalema edigonobouwa erlak o. We, at emategat modok welema o.

²⁵Asogo elaluk modok welat, nis aphwami nenebaget Allah ʼgonu moʼguloso modok welago ai en e, nis Allah oruakma ʼguogoluk at eʼbek til til ʼgogwiam elirat delnenebiselat ʼgaroksogo obapnonobua ai o.

²⁶Nis nonogola en e, “Ap mesik Allah eiye aʼge nis nenebaget op ʼgaroksogo disogo ʼgain welat tagallep e,” oluk opogu lege aʼge, Allah en nonue Yesus aiat edikpesimu oruak o. At ebabut e, wiak tagalat logon dagan tago erlak, op degelak modok oruakma, aphwami wiak togwi aʼge eneʼgerlakma en degelogo ʼbogorl abel oʼborl akhit erabu woluk ligagama, nis nenebaget oruak o.

²⁷Is ap Allah eiye aʼge ʼgain ai re, nin erlige nan erlige onuʼgwarek wiak togwi aʼge paget naduk onuam Allah warogulomtik en pobuk aphwami logon wiak togwi aʼge paget onuam wusogo Allah wogogwi aʼgeat de, at Yesus nak e, nis wiak togu lege aʼge paget nonuam Allah warom ʼgelaʼge, at ebe mesik erligeat waragalat, ebe Allah wogosi ai.

²⁸Naduk wene Allah en nenesaʼgo weregei wene ai pam e, ap enebe mia aʼge, maben aʼge Allah eiye welemagoluk edigonobogu legesa aʼgeat de, pobuk Allah en hoʼbuk ʼbalegei ai pam e, at ebe uʼgwarek omlogo nis delnenebiso aʼge ologun wusogoat ʼgaroksogo edikpesimu, at eiye aʼge ʼgain modok oruak o.