Read Silimo 1 Petrus 4 Bible Online

1 Petrus 4 - Silimo bible

1 Petrus 4

¹Aphwami di obotut yu obotut holuk, enebe waragalat, pobuk wiak togulom erlak ai en, at Kristus di obotut yu obotut hil hil ebe waraga ai ʼgelaʼge, his ogo re, aphwami sing ʼbuktak poluk enepe heberlogo welagai ai ʼgelaʼge, at Kristus ebabut wokho, di obotut yu obotut hogulat henannisogo wolomup o.

²Ai en, his en e, aphwami di aʼge yu aʼge enagai en enede en nasu ai aʼge ukpoluk, hwerli yogodak ya hwerli en e, henelaluk welat Allah ogola agai epasu aʼge ai nak togu lomup o.

³His naduk e, henebabut is aphwami Allah iak eneperlak aʼge en enede opoluk togwi ai ʼgelaʼge, arat togulat e, wiak heneʼgerli erlagat togulat, henede en nasuam ʼbabi tenontogulat, ʼbabi tenhonobouwagoluk togulat, anggur eʼgen aʼbosu wiak aʼge noluk honuk honuk togulat, seni sogo aʼge noluk yogunat togulat, anggur eʼgen aʼbosu wiak aʼge ai henebam lasu erlakhwe ningsogo noʼgulat, dogwi asua ede wiak emano oluk, erliktu puk aʼge erliktogulat, naduk togu legep ani o.

⁴Aʼgeat de, yogodak his henebabut is wiak enagaisogo modok til lagai ai ʼgelaʼge enemin tu erlakma en mo ogu legep ai en, his honobok wiak ʼbalogwi ai o.

⁵Aʼgeat de, at Allah en, aphwami enelaluk aʼge emin, waregesa aʼge emin, enemdema wokho wene enebam pasulat, noʼgorliselat, tiogoluk ede epesirik oruak o. Asogo wene enebam pasuam, is en, wene enebam aʼge noʼgorluogoluk, “Nis disogo togu lege, asogo togu lege,” oluk moʼgulogwiam mia ema aʼge oruagat o.

⁶Ai enat, is aphwami waregesa aʼge ai, Allah en nis aphwami ʼberlegat wene nenebam pasulat, noʼgorliselat, tiso ai ʼgelaʼge enebam pesimu, enebe waregesa aʼgeat de, at Allah ede epesi ano pam enarogun elaluk welago ai ʼgelaʼge enelaluk welemagoluk, at Kristus en op wene moʼgulentai laga ai o.

⁷Di aʼge yu aʼge ʼberlegat ologun pam ema aʼge horogat lau wago o, oluk, seʼban ogu lomogoluk, henede hweriogo welat, henebabut heberlogo wolomup o.

⁸Wene logo ʼgelaʼge re, his-his nede-hedesogo togulat, mesik en mesik wiagap pouwa aʼge erlagapsogo modok ukpouwa ai en, his-his henarilak honorokhwi enemin nede-hedesogo modok togu lomup o.

⁹Henarilak honorokhwi enemin, his logon en is logon onowi pam lagalat, is en his honowi pam wagalat, togulat, enebe wogonoboluk e, honogola en, “Nebit e,” oluk opo erlakma en wogonobogu lomup o.

¹⁰At Allah ebabut op en, nenebe loʼbok nenebabut hun domok woknentesi hegitsogoat, henebe loʼbok en ai aʼge op eiye welat, his-his let-let togu lomup o.

¹¹Asogo togulat, Yesus Kristus emin hwedik welat togwiam, is aphwami logon en Allah erliktogu lemagoluk, his logon en wene moʼgulontogulat, Allah iagat moʼgulontogulat, his logon en is logon lerontogulat, Allah anni woknentasu ai pamat lerontogulat, togu lomup o. Asogo togulat, Yesus anni aʼbik otok modok welago aʼge ano erliktogwi modok wolomogoluk, “Amin,” egi ai.

¹²Narilak norokhwi. Henebe nede o. Odouk orlouk hogwi ai ʼgelaʼge, Allah en e, henebabut ʼbaliogoluk di obotut yu obotut henebam pasuam, honogola en e, “Yu re, muat hogu lege erlak aʼge nenebam ago,” oluk epagup o.

¹³At Allah en Kristus ebe selakmasogo perakpou wagoam, erliktul ai erlige, wagoam honogola henagai aʼbik houwogoluk, honogola en e, “At Kristus ebam di obotut yu obotut hil hil waraga ai ʼgelaʼge, nis at emin hwedik welat asogoat hogu lege,” oluk honogola henagai hogu lomup o.

¹⁴Aphwami logon en at Kristus paget wene yakhontogwi holuk e, honogola en e, “Allah Arogun erliktogwi aʼge ano nenebam louk egeimu welege,” oluk honogola henagai hogu lomup o.

¹⁵Aʼgeat de, is logon en aphwami waronobogulat, yogot wogulat, wiak togulat, is akhen onowene aʼge daserleben ogulat, togwiam, di obotut yu obotut enebam ago ai ʼgelaʼge, his asogo togwiam henebam emano.

¹⁶Aʼgeat de, aphwami logon e, “Hat hebe Kristus ot, hebe Kristen aʼge,” oluk di obotut yu obotut takhonobogwi holuk, heneʼgerli hagup o. “We, an Kristus ot holugat at onuk aʼge an nonuk tualogo moʼgulnogwi ai re, obat o,” oluk Allah erliktogu lomup o.

¹⁷Allah en nenemdema wokho wene nenebam pasulat, noʼgorliselat, tua ai arat horok lau waga o. Asogo tagalat e, nis Allah eiyagai aʼge naduk nenemdema wokho wene nenebam pasulat, noʼgorliselat, tua holuk, pobuk is aphwami logon Allah iak op wene wo erlak aʼge noʼgosogo tagonobouwa epegep.

¹⁸Aphwami en Allah iak pam disogo egesa, “Aphwami hegitsogo togwi aʼge, Allah en delonobu erlak ʼgelaʼge oruakma, delonobua ai holuk, is onogola en Allah ebe mi-miarak poluk wiak togwi aʼge ai noʼgosogo tagonobouwa epegep,” [10] oluk pelal wokho pegesa.

¹⁹His Allah ede epesi pamat henebam di obotut yu obotut asogo hogu legep holuk e, honogola en e, “At nenebe walnentesi aʼge aiat ebam heʼberik wolom e, op o,” oluk henede at ebam heʼberik welat henebabut opsogo togu lomup o.