Read Simte ROMETE 16 Bible Online

ROMETE 16 - Simte bible

ROMETE 16

¹Kenkria khua a kouhtuam natongtu, i sanggamnu uh Phoibi na kawmvah ka hung meelheetsah hi;

²Lalpa mina misiangthoute bangmaha nana pom va, na panpih uh a ngaihna photmaha na panpih diingun; ajiahchu ama’n zong mi tampi ana panpihta a, keimah ngei zong ahung panpihta hi.

³Khrist Jesu a hung panpihte Prisilla leh Akuila chibai hung buuhsah un.

⁴Amahun ka hinna a diingin a ngawng uh a dohta uh a; amahuh tung chauh ah hilouin, Jentel kouhtuam zousiahte tungah zong kipaahthu ka soi hi.

⁵Huchimahbangin a inn va kouhtuam kikhawmte zong chibai hung buuhsah un. Akaia gam a Khrist a gah masapen, ka deihtah Epainita chibai hung buuhsah un.

⁶Na lahva tonggim Mari chibai hung buuhsah un.

⁷Ka chipihte laha ka koltaanpih, sawlleh laha minthangtah, Khrist a zong kei sanga um masazaw Andronika leh Junia chibai hung buuhsah un.

⁸Lalpa a ka deihtah Amphlia chibai hung buuhsah un.

⁹Khrist a i natohpih Urba ne leh, ka deihtah Staki chibai hung buuhsah un.

¹⁰Khrist a mi tahzet Apelli chibai hung buuhsah un. Aristobala innkuana mite chibai hung buuhsah un.

¹¹Ka chipih Herodion chibai hung buuhsah un. Lalpa a um Narkissa innkuan a mite chibai hung buuhsah un.

¹²Lalpa a natong, Triphena leh Triphosa chibai hung buuhsah un. Lalpa a na hahtoh mahmah, deihtah Persi chibai hung buuhsah un.

¹³Lalpa a teel, Rufa leh a nu, kei nu zong hive, chibai hung buuhsah un.

¹⁴Asinkrita, Phligon, Herma, Patroba, Hermi, huleh a kawmva um unaute chibai hung buuhsah un.

¹⁵Philologa leh Julia, Neria leh a sanggamnu, huleh Olimpa leh a kawmva misiangthou umte zousiah chibai hung buuhsah un.

¹⁶Tawp siangthou in chibai kibuuhtuah un. Khrist kouhtuamte’n chibai ahung buuh uhi.

¹⁷Huleh unaute, kihilhna daan nanguh hung kihilh louh zawng a kikhenna leh puuhna siamdohtute meelchih diing leh kiheisan diingin ka hung ngen hi.

¹⁸Bang jiahin ahiai i chih leh hutobang mite’n i Lalpa uh Jesu Khrist nna a tong sih va, amahuh gilpi nna a tong zaw uhi; huleh kampha leh kamsia min mimawlte lungsim a heem veu uhi.

¹⁹Ajiahchu na thumandan uh mizousiah lahah a kithangta a; hujiahin na tungvah ka kipaah hi; hizongleh silhoih lama na pil va, silgilou lama na mawl uh ka deih hi.

²⁰Huleh hamuanna Pathian in Setan chu tomkal louin na keeng nuaivah ahung tuandeensah diing hi. I Lalpa uh Jesu Khrist hehpihna na tungvah um hen. Amen.

²¹Ka natohpih Timothi leh ka chipihte Lusia, Jason, huleh Sosipater in chibai ahung buuh uhi.

²²Keimah Tertia, Hi lehkhathot gialpa in Lalpa minin chibai ka hung buuh hi.

²³Gaia, kei leh kouhtuam zousiah zintunna pa in chibai ahung buuh hi. Khosung sumkoltu Erasta leh unaupa Kuarta in chibai ahung buuh uhi.

²⁴I Lalpa uh Jesu Khrist hehpihna na bawnva tungah um hen. Amen.

²⁵Tuin amah, ka tanchinpha leh Jesu Khrist thu kitaangkoupihna banga, thuguuh kiphual kiphuandohna dungjui a, hu thuguuh kiphual chu khovel siam chiil akipana phual a um,

²⁶Hizongleh tua kumtuang Pathian thupiah dungjuia zawlneite lehkhathu in, ginna thumanna diinga nam zousiah kawma a suhlat leh heetsaha um dungjui a nanguh hung sukip theipa,

²⁷Pathian pil chauh kawmah, Jesu Khrist jalin kumtuang in loupina um hen. Amen.