Read Simte TIMOTHI I 2 Bible Online

TIMOTHI I 2 - Simte bible

TIMOTHI I 2

¹Hujiahin a masapen in, silngetnate, haamteinate, haamteisahnate, huleh kipaahthusoinate mi zousiah diing a bawlsah diingin ka hung hasuan hi;

²Kumpipate leh thuneihna mun a um zousiahte a diingin zong; huchia Pathian ngaihsah leh zahumtah a hinkhua kituaah leh hamuanhuai i man theihna diingun.

³Hichu i hundampa uh Pathian mitmuh in a hoihin a pomtaah hi.

⁴Ama’n chu mi zousiah hutdama um diing leh thutah hung he diingin a deih hi.

⁵Ajiahchu Pathian khat a um a, huleh Pathian leh mihing kikal a palai khat a um hi, mihing Khrist Jesu chu;

⁶Amah chu mi zousiah tatdohman diingin ahung kipia hi; a huntaha heetsah a um diingin.

⁷Hu diing a thusoitu leh sawlleh a guat ka hi; (Khrist ah thutah ka soi hi, ka zuau sih hi). Ginna leh thutah a Jentelte hilhtu ka hi hi.

⁸Hujiahin pasalte’n mun chinah khut siangthou jah in, lungthah lou leh ginglel lou in haamtei le’uh ka deih hi.

⁹Huchimahbangin numeite chu puansilh kilawmhun leh zumtheihna leh umtansiam in kithuam le uh; sam pheehkiil aha, sana aha, tuikep suang aha, ahihlouhleh sil mantam a kithuam lou in.

¹⁰Hizongleh (numei Pathian ngaihsah kichite a hun giapin) silbawl hoihin kithuam le’uh ka deih hi.

¹¹Numei in thumangtahin sipkhian in zil u’heh.

¹²Hizongleh numei in thu a hilh chu ka phal sih, huleh pasal tunga thu a neih zong ka phal sih hi, sipkhian in um zaw u’heh.

¹³Ajiahchu Adam siam masat ahi a, hunungin Evi siam ahi.

¹⁴Huleh Adam heem in a um sih a, hizongleh numei chu heem in a um a, bohsiatna ah a puuhta hi.

¹⁵Hizongleh ginna leh lungsiatna leh siangthouna nei a umtansiamtah a, a um zing uleh naupaaina ah hutdam in a um diing hi.