Read Simte TIMOTHI II 2 Bible Online

TIMOTHI II 2 - Simte bible

TIMOTHI II 2

¹Hujiahin, nang ka ta, Khrist Jesu a um khotuahna haattahin um in.

²Huleh heetpihtu tampi laha ka kawma thu na jahte, hute chu mi muanhuai, midangte zong hilhsawn thei diingte kawmah kemsah in.

³Huchi'n Jesu Khrist sepaih hoihtah bangin gimthuaah hung thuaahpih in.

⁴Sepaih hi diing a teelpa a kipaahsah theihna diingin sepaih koimah kidou laiin hi damsung khosahnate in a kisubuai ngei sih hi.

⁵Huleh kidemnate bangah mi pang mahlezong daan banga a bawl louhleh khuhsah in a um ngei sih hi.

⁶Lou neitu tonggim chu a gah tang masapa ahi diing ahi.

⁷Ka thusoi chu ngaihtuah in; Lalpa’n nang chu sil zousiah ah heetsiamna ahung pe diing hi.

⁸Jesu Khrist, David suan a mi chu, ka tanchinpha soi dungjuiin misi lah akipat kaithoh in a um hi chih he zing in.

⁹Hu tanchinpha jiahin silgilou bawltu bangin kaanna tanpha hahsatna ka thuaahpih hi; hizongleh Pathian thu chu kaan in a um sih hi.

¹⁰Hujiahin Khrist Jesu a um hutdamna chu kumtuang a loupina toh a muh ve theihna diingun teelte jiahin sil zousiah ka thuaah ahi.

¹¹Hi thu chu a gintaathuai hi; Ajiahchu amah toh sita i hihleh, amah toh i hing khawm diing a;

¹²I thuaah leh amah toh vai i hawm khawm diing a; amah i kiheetmohbawl leh ama’n zong ahung kiheetmohbawl diing;

¹³Eite ginum sih zonglei amah chu a ginum zing a, amah leh amah a kiheetmohbawl thei ngal sih a, chih hi.

¹⁴Thu phatuamlou, a ngaikhetute diing a beimangna higiap thu a kinial lou diingin hi thute hesah zing inla, Lalpa ma-ah thu pia in.

¹⁵Thutah thu dihtaha khen in, zumna diing nei lou natongtu banga, Pathian ngaih a hoih a kimusah diingin kingaihtuah in.

¹⁶Hizongleh Pathian zahtaat louhna thusoi meimeite nungheisan in, ajiahchu huchibangte’n mite Pathian ngaihsah louhna lamah a puigamla deuhdeuh uhi.

¹⁷Huleh a thu un meimasia neeh bangin amahuh a ne diing hi; a lahvah Himenai leh Phileta a pang uhi:

¹⁸Hute’n chu thutah a paisan va, thohkiitna a um zouta chi'n, mi khenkhatte ginna a sumang uhi.

¹⁹Hizongleh Pathian innbulkip chu a ding zinga, hi chiamchihna a nei hi, Lalpa’n amah a hite a he hi. Huleh michin Khrist min lou photmah in giitlouhna paisan heh, chih.

²⁰Hizongleh inn loupi sungah sana leh dangka beelte chauh a um sih a, sing beel leh lei beelte zong, huleh khenkhat ittuaah, khenkhat ittuaah lou zong a um hi.

²¹Hujiahin mi hi silte laha a kihepkhiah leh beel ittuaah, siangthou, a pu diing a zattaah, silhoih chinteng a kipeihsa ahi diing hi.

²²Teilawl utnate zong taisan inla, hizongleh lungtang siangthou a Lalpa min lamte toh dihtatnate, ginnate, lungsiatnate, kilepnate delh zaw in.

²³Hizongleh, kikhinna a siam veu chih he in, kinialna ngolhuai leh pilhuailou ah pang sin.

²⁴Lalpa suaah inchu a khing diing ahi sih a, hizongleh mi zousiah tung a jaidam, thuhilh siam, thuaahthei ahi zo diing ahi.

²⁵Pathian in thutah a heetna diing va kisiihna a piah khaahleh chi'n a kalhtute chu thunuaigolhtahin a thuhilh diing ahi;

²⁶Huleh diabol in sala a matte, Pathian deihzawng bawl diing a, a thaang apat ahung suaahtaat theihna diingun.