Read Sinhala Revised Old Version ගීතාවලිය 122 Bible Online

ගීතාවලිය 122 - Sinhala Revised Old Version bible

ගීතාවලිය 122

¹ආරෝහණ ගීයකි; දාවිත් විසිනි. ස්වාමීන්ගේ ගෘහයට යමුයයි ඔවුන් මට කී විට මම සන්තෝෂවීමි.

²එම්බා යෙරුසලම, අපේ පාද ඔබේ දොරටු ඇතුළේ තබා තිබේ.

³එම්බා යෙරුසලම, මනාකොට සෑදූ නුවරක් මෙන් ඔබ ගොඩනගනලද්දීය.

⁴ගෝත්‍රයෝ, ස්වාමීන්ගේ ගෝත්‍රයෝ, ඉශ්‍රායෙල්ට සාක්ෂියක් වශයෙන් ස්වාමීන්ගේ නාමයට ස්තුතිකරන පිණිස එතැනට යෙති.

⁵මක්නිසාද සිංහාසන, එනම් දාවිත්ගේ වංශයේ සිංහාසන, විනිශ්චය පිණිස එහි පිහිටා තිබේ.

⁶යෙරුසලමේ සමාදානය උදෙසා යාච්ඤාකරව්. ඔබට ප්‍රේමකරන්නෝ දියුණුවන්නෝය.

⁷ඔබේ පවුරු ඇතුළත සමාදානයත් ඔබේ මාළිගා තුළ අභිවෘද්ධියත් වේවා.

⁸මාගේ සහෝදරයන් හා සමාගම්කාරයන් නිසා: ඔබ ඇතුළේ සමාදානය වේවයි කියමි.

⁹අපේ දෙවිවූ ස්වාමීන්ගේ ගෘහය නිසා ඔබේ යහපත සොයන්නෙමි.