Read Sinhala Revised Old Version ගීතාවලිය 129 Bible Online

ගීතාවලිය 129 - Sinhala Revised Old Version bible

ගීතාවලිය 129

¹ආරෝහණ ගීයකි. ඉශ්‍රායෙල් දැන් මෙසේ කියත්වා: මාගේ තරුණ වයසේ පටන් ඔව්හු බොහෝ වර මට පීඩාකළෝය.

²මාගේ තරුණ වයසේ පටන් ඔව්හු බොහෝ වර මට පීඩාකළෝය. එහෙත් මාගෙන් ජය නොගත්තෝය.

³හී හාන්නෝ මාගේ පිටෙහි හෑවෝය; තමුන්ගේ හීවිටි දීර්ඝකොට හෑරූය.

⁴ස්වාමීන්වහන්සේ ධර්මිෂ්ඨය. උන්වහන්සේ දුෂ්ටයන්ගේ බැමි කපාහැරියසේක.

⁵සියොන්ට ද්වේෂකරන සියල්ලෝ ලජ්ජාවී ආපසු හරවනු ලබත්වා.

⁶වැඩෙන්ට පළමුවෙන් වියළීයන්නාවූ වහල පිට තෘණ මෙන් වෙත්වා.

⁷කපන්නා එයින් තමාගේ මිටවත් මිටි බඳින්නා තමාගේ තුරුල්ලවත් නොපුරවයි.

⁸මගයන්නෝද: ස්වාමීන්ගේ ආශීර්වාදය ඔබ සැමට වේවා; ස්වාමීන්ගේ නාමයෙන් ඔබ සැමට ආශීර්වාදකරමුයයි නොකියති.