Read Sinhala Revised Old Version ගීතාවලිය 87 Bible Online

ගීතාවලිය 87 - Sinhala Revised Old Version bible

ගීතාවලිය 87

¹කෝරාගේ පුත්‍රයන්ගේ කාව්‍ය ගීතයකි. උන්වහන්සේගේ [නුවර] අත්තිවාරම ශුද්ධ කඳුවලය.

²ස්වාමීන්වහන්සේ යාකොබ්ගේ වාසස්ථාන සියල්ලට වඩා සියොන් දොරටුවලට ප්‍රේමවනසේක.

³එම්බා දෙවියන්වහන්සේගේ නුවර, ඔබ ගැන කීර්තිමත් දේ කියා තිබේ.

⁴මා අඳුනන්නන් අතරෙහි මෙන් රාහබ්[46] සහ බබිලෝනිය ගැන සඳහන්කරන්නෙමි. පිලිස්තියා සහ තීර්ද කූෂ්[47] රටද බලව; මේ තෙමේ එහි උපන්නේය.

⁵එසේය, සියොන් ගැන: ඔහුද මොහුද ඈ තුළ උපන්නේයයි කියනු ලබන්නේය; මහෝත්තමයාණෝම ඈ ස්ථිර කරනසේක.

⁶ස්වාමීන්වහන්සේ මනුෂ්‍ය වර්ගයන්ගේ නම් ලියන කල: මේ තෙමේ එහි උපන්නේයයි ගණන්ගන්නාසේක.

⁷ගී කියන්නෝද නටන්නෝද: මාගේ උල්පත් සියල්ල ඔබ තුළෙහියයි කියන්නෝය.