Read Sinhala Revised Old Version එසකියෙල් 2 Bible Online

එසකියෙල් 2 - Sinhala Revised Old Version bible

එසකියෙල් 2

¹උන්වහන්සේ මට කථාකොට: මනුෂ්‍ය පුත්‍රය, නැගිට සිටින්න, මම ඔබ සමඟ කථාකරන්නෙමියි කීසේක.

²උන්වහන්සේ මට කථාකළ විට ආත්මය මා තුළට ඇතුල්වී, මා නැගුටුවා සිටෙවුවේය; මට කථාකළ තැනන් වහන්සේගේ වචනද මට ඇසුණේය.

³උන්වහන්සේද: මනුෂ්‍ය පුත්‍රය, මට විරුද්ධව කැරළිගැසුවාවූ කැරළිකාර ජාතීන් වන ඉශ්‍රායෙල් පුත්‍රයන් වෙතට ඔබ යවමි. ඔව්හුද ඔවුන්ගේ පියවරුද අද දවස දක්වාම මට විරුද්ධව ද්‍රෝහිකම් කළෝය.

⁴තද මුහුණුද දැඩි සිත්ද ඇති පුත්‍රයන් වන ඔවුන් වෙතට ඔබ යවමි; ඔබද: ස්වාමිවූ දෙවියන්වහන්සේ මෙසේ කියනසේකැයි ඔවුන්ට කියන්න.

⁵ඔවුන් කැරළිකාර වංශයක් බැවින්, ඔවුන් අසතත් නොඅසතත් තමුන් අතරෙහි අනාගතවක්තෘ කෙනෙක් සිටි බව ඔවුන් දැනගන්නවා ඇත.

⁶මනුෂ්‍ය පුත්‍රය, ඔවුන් ඔබට කහඹිලියා සහ කටු ගස් මෙන් වන්නේවී නුමුත්, ඔබ ගෝනුස්සන් අතරේ වාසයකරන්නේවී නුමුත්, ඔවුන්ටවත් ඔවුන්ගේ වචනවලටවත් භය නොවන්න, ඔවුන් කැරළිකාර වංශයක් නුමුත් ඔවුන්ගේ වචනවලට භය නොවන්න, ඔවුන්ගේ මුහුණුවලට නොකැලඹෙන්න.

⁷ඔවුන් ඉතා කැරළිකාර බැවින් ඔවුන් අසතත් නොඅසතත් මාගේ වචන ඔවුන්ට කියන්න.

⁸මනුෂ්‍ය පුත්‍රය, ඔබ වනාහි මා ඔබට කියන දේ අසන්න; ඒ කැරළිකාර වංශය මෙන් ඔබ කැරළිකාරයෙක් නොවන්න. ඔබේ කට ඇර මා විසින් ඔබට දෙන දෙය කන්නැයි මට කීසේක.

⁹මා බැලූ කල මා දෙසට අතක් දිගුකර තිබෙනවා දුටිමි; බලව, අකුළන පොතක් එහි තිබුණේය;

¹⁰උන්වහන්සේ ඒක මා ඉදිරියේ දිග හැරියසේක;