Read Siyin Chin Pianciilna 11 Bible Online

Pianciilna 11 - Siyin Chin bible

Pianciilna 11

¹A masa phitin leitung buppi mihingte in kampau khat bek kinei a kammal kibang zangh uh hi.

²Amate nisuana sangah vak kawkoai a, Babylon ngam zaanglei mun khat a thet ciang tua munah khua saat uh hi.

³Amate khat le khat, “Hong pai tavun! uksuang seakin a sahin hal tawng” kici uh hi. Tua hi a, amate inn sak natu in uksuang te a kimat natu in kattaza zangh uh hi.

⁴Amate in, “Eite ii min nga thei natu le leitung theampo ah ih kithethaang ngawl natu in khuapi khat saatin van a baan tu tausaang khat ciang to tawng,” ci uh hi.

⁵Tuasia ciang tua mite ii a vawt khuapi le tausaang a en tu in TOPA hong paisuk a,

⁶ama in, “Tu ciangin, hite sia a vekpi in mihing ci khat sa khat hi a, amate kam nam khat pau hi; a nasep tute a kipatna hi pheang hi. Hai ngawlin a nasep nop pawpo hong seam suak thei tu uh hi!

⁷Eite paisuk in khat le khat a kam kitel ngawl natu in a kampau toknoaisak tawng,” ci hi.

⁸Tua ahiciang TOPA in amate leitung mun theampo ah kithethaangsak hi, tuaciang amate in a khuapi saat tawlnga hi.

⁹Tua khuapi sia Babylon ci uh hi, banghang ziam cile TOPA in tua munah mihingte theampo ii kampau kitoknoai a, tua mun panin leitung mun theampo ah amate kithethaangsak hi.

¹⁰Hite sia Shem ii suan le paalte hi. Shem kum 100 a phak, tuipi liim zawk kum nii a phak ciangin ama in Arpachshad kici tapa khat nei hi.

¹¹Tua zawk in ama kum 500 nungta lai a, ta dangte zongh nei hi.

¹²Arpachshad kum 35 a phak ciang, ama in Shelah kici tapa khat nei hi;

¹³Tua zawk in, ama kum 403 nungta lai a, ta dangte zongh nei hi.

¹⁴Shelah kum 30 a phak ciang, ama in Eber kici tapa khat nei hi;

¹⁵tua zawkciang, ama kum 403 nungta lai a, ta dangte zongh nei hi.

¹⁶Eber kum 34 a phak ciang, ama in Peleg kici tapa khat nei hi;

¹⁷tua zawk in, ama kum 430 nungta lai a, ta dangte zongh nei hi.

¹⁸Peleg kum 30 a phak ciang, ama in Reu kici tapa khat nei hi;

¹⁹tua zawk in, ama kum 209 nungta lai a, ta dangte zongh nei hi.

²⁰Reu kum 32 a phak ciang, ama in Serug kici tapa khat nei hi;

²¹tua zawk in, ama kum 207 nungta lai a, ta dangte zongh nei hi.

²²Serug kum 30 a phak ciang, ama in Nahor kici tapa khat nei hi;

²³tua zawk in, ama kum 200 nungta lai a, ta dangte zongh nei hi.

²⁴Nahor kum 29 a phak ciang, ama in Terah kici tapa khat nei hi;

²⁵tua zawk in, ama kum 119 nungta lai a, ta dangte zongh nei hi.

²⁶Terah kum 70 a phak zawkciang, ama sia Abram, Nahor le Haran ii pa suak hi.

²⁷Hite sia Terah ii suan le paalte hi a, Terah sia Abram, Nahor le Haran te ii pa ahi hi. Haran sia Lot ii pa hi a,

²⁸ama ii pa Terah a nuntak lai in, a suana Babylon ngam Ur khuapi ah Haran thi hi.

²⁹Abram in Sarai teenpui a, Nahor in Haran ii tanu Milcah teenpui hi. Haran sia Iscah ii pa zongh ahi hi.

³⁰Sarai in ta nei thei ngawl hi.

³¹Terah in a tapa Abram, Haran ii tapa ama ii tupa ahi Lot le a tapa Abram ii zi ahi a monu Sarai sam a, amate taw Canaan ngam ah pai tu in Babylon ngam Ur khuapi nusia uh hi. Amate Haran dong pai in tua munah teang uh hi.

³²Terah kum 205 a phak ciang tua munah thi hi.