Read Siyin Chin Pianciilna 23 Bible Online

Pianciilna 23 - Siyin Chin bible

Pianciilna 23

¹Sarah sia kum 127 nungta hi.

²Canaan ngam Hebron ah ama thi a, Abraham khuangai hi.

³Ama in tua mun a zi luang kisialna nusia in, Hit te kungah pai a,

⁴“Keima in note sungah ngamdangmi hong teang khat ka hi a; ka zi ka phum thei natu in, leitang tawm hong zuak tavun,” ci hi.

⁶Syapa awng, kote ci bang hong ngai ta'n. Nangma in kote sungah lampui thahat khat in hong mu khu hi; ka thaan nei uh a phabel sungah na zi phum in. Na zi phum thei natu thaan ahile kote khat pawpo in hong pia thanuam khu hi,” ci in zo uh hi.

⁷Tuasia ciang Abraham in amate mai ah kunin,

⁸“Hi munah ka zi nong phumsak nuam uh le nong hesuakna in Zohar tapa Ephron tungah,

⁹Machpelah Suanghawng hong zuak natu in hong ngetsak tavun, tuasia ama lo king ah om hi. Thaan leitang ka nei thei natu in, note theampo mai ah, a manh a cing taw kei hong zuak natu in hong ngetsak tavun,” ci hi.

¹⁰Hit te kikhoptua na khuapi kongbiang ah Ephron zongh om hi; tua mun a omte theampo ii zaakin a zona pan,

¹¹“Syapa awng, hong ngai ta'n; suanghawng omna tua ka lo buppi nang kong pia tu hi. Hi munah a om, ka mipuite ii mai ah tua ka lo sungah na zi na phum thei natu nang tungah kong pia tu hi,” ci hi.

¹²Ahizong, Hit te mai ah Abraham kun a,

¹³mi theampo zaak tu in Ephron tungah, “Hesuakna taw hong ngai ta'n. Na lociing bup kong lei tu hi. A manh kong piak za hong saang ta'n, tuaciang tua munah ka zi ka phum tu hi,” ci hi.

¹⁴Ephron in,

¹⁵“Syapa awng, tua leitang in ngunntang zali bek manh a — nang le kei kilaklaw ah son thamman na ziam? Tua munah na zi phum ta'n,” ci in zo hi.

¹⁶Mipite zaak a, Ephron ii a sonna bang Abraham thukim in — sumzuakte ii a teena in a zak ngei toaisuangte zanghin ngunntang 400 pia hi.

¹⁷Tuabangin, Mamre nisuana sang, Ephron ii neisa Machpelah longam sia Abraham neisa suak hi. A lo bup le lo sungah a om suanghawng le thingkung theampo kihel in ama ii neisa hi siat hi.

¹⁸Tua munah a kikhawm Hit te theampo in Abraham neisa a hina thu heakpui siat uh hi.

¹⁹Tua zawkciang Abraham in Canaan ngamsung tua suanghawng ah a zi Sarah phum hi.

²⁰Tua hi a, Hit te neisa ahi tua lo le suanghawng sia thaan mun khat tu in Abraham neisa suak hi.